Ma’mun shunday degan:

“Odamlar uch toifaga bo‘linadi:

Bir toifasi oziq-ovqatga o‘xshaydi, ularsiz yashab bo‘lmaydi.

Bir toifasi doriga o‘xshaydi, ularga faqat kerak bo‘lgan paytda muhtoj bo‘linadi.

Yana bir toifasi kasallikka o‘xshaydi, ularga esa hech qachon ehtiyoj bo‘lmaydi”.

#inson

Abu Dardo (r.a.) ayoliga shunday degan ekan:

“Agar mening g‘azablanganimni ko‘rsang, meni rozi qil. Agar men sening g‘azablanganingni ko‘rsam, seni rozi qilaman. Aks holda, ajralishimiz juda tez bo‘ladi”.

#oila

Hayotda omadni kutib yashash emas, balki sabablarni qilish kerak. "Omad kelib qolar", "Biz tomondan ham Quyosh chiqar" degan gaplar ko‘pincha xomxayoldan nariga o‘tmaydi. To‘g‘ri, Allohning marhamati sabablar bilan cheklanmaydi. Ammo banda sabablarni qilishga buyurilgan, qo‘l qovushtirib kutishga emas.

#hayot #omad

Bir kishi Afandiga shunday debdi:
– Odamlarning mehri va hurmatini qozonadigan 3 ta sirni o'rgataymi?

Shunda daraxt tagida yotgan Afandi javob beribdi:
– Yo'q, shart emas.

#latifa

Ba’zi insonlar hayotingizdan yoʻq bo’lib qolsa, go’yo qo’l-oyog’ingiz ishlamay qolgandek his qilasiz.

Tavba…

Bunda batafsil yoritilgan

Ayolni tushunolmaydigan erkaklar uch toifa bo‘ladi:

Yosh bolalar.
Oʻrta yoshlila.
Keksalar.

#ayol

Ba’zilar: “AI bizga ish qoldirmayapti”, deydi. Aslida esa biroz boshqacharoq: AI bizga ayrim ishlarda yordam berib, o‘zimiz uchun undan ham muhimroq bo‘lgan ishlarga vaqt ajratishimizga imkon bermoqda.

Masalan, sizga 200 talik ro‘yxat shakllantirish kerak. Siz unga qo‘lingizdagi ma’lumotlarni taqdim qilasiz va nimalar qilishi kerakligini aniq yozasiz. U esa sizga mana shu vazifani a’lo darajada bajarib beradi. Siz esa vaqtingizni undan ham muhimroq bo‘lgan loyihalar va vazifalar ustida ishlashga sarflayverasiz.

Xullas, zamon rivojlanmoqda, biz ham rivojlanishimiz kerak. AI bizdan ishni olib qo‘ymaydi. Balki biz o‘z ishimizni boshqalarga berib qo‘yishimiz mumkin, xolos.

#AI #rivojlanish

Masalan, men ushbu yozgan matnimni AI ga shunday tahrir qildirdim.

Islom sivilizatsiyasi markazidagi Imom Moturidiy kapsulasi

Islom tarixida “Ahmad” deb nomlangan birinchi kishi Xalil ibn Ahmad al-Farohidiyning (718–786) otasi Ahmad hisoblanadi.

Xalil ibn Ahmad al-Farohidiy arab tili va adabiyotining buyuk olimlaridan biri bo‘lib, bir qator ilmlarning asoschisidir.

Al-bidoya van-nihoya, 9/62.

#islomtarixi

Ijtimoiy tarmoq orqali suhbatlashish ham yuzma-yuz suhbat bilan barobar. Kimdir siz bilan yozishib tursa, suhbatning yarmida yuz o‘girib ketmagandek, suhbatni davom ettirish yuksak odoblardan hisoblanadi. Agar zarur ish bo‘lsa, bundan mustasno.

Yoki kimdir sizga yozsa, bu xuddi hayotda kimdir sizga murojaat qilgandek bo‘ladi. Uning yozganini ko‘rib, imkoniyat bo‘la turib xabarni ochmasdan, javob qaytarmaslik ham durust emas. Bu ham qaysidir ma’noda behurmatlik sanaladi. Albatta, imkon bo‘lmasa, bu uzrli boʻladi.

#odob

Agar mening ikkita yuragim bo'lganida edi, biri bilan yashagan bo'lardim, ikinchisini esa sening ishqingda azoblanishi uchun ajratib qo'yardim.

Ammo mening bittagina yuragim bor, uni muhabbat egallab oldi. Endi unga na hayot tatigulik, na o'lim unga yaqinlashadi.

U xuddi bolakayning kaftida qisib ushlangan kichik qushchaga o'xshaydi. Bola o'ynab zavqlanadi, qushcha esa o'lim azobini tortadi.

Na bolaning aqli rasoki, uning holiga achinsa, na qushchaning qanotlari ochiqki, uchib keta olsa.

Qays ibn Mulavvah (Majnun)

#muhabbat