Endi kanalga turli rasmlar joylay olmayman. Toʻgʻri tushunasizlar)

"Odam" (آدم) soʻzining arab tilida ismi tafzil siygʻasiga ekanligini bilarmidingiz? Qoidaga koʻra, ketma-ket ikki hamza kelsa, ikkinchisi madga aylanadi. Demak, ushbu soʻz arabiydir.

Tadqiqotchilar fikriga koʻra, arab tili tarixi insonning yaratilish tarixi bilan teng hisoblanadi.

#arabtili

Bugun “zoʻr” tarjima qildim deb oʻylagan jumlani bir haftadan keyin oʻqisam, oʻzimga yoqmaydi va xatolarim koʻrinadi. Shuning uchun shoshmaslik kerak…

#tajriba

Tajriba shuni koʻrsatadiki, farzandning ilmli boʻlishi asosan otaga bogʻliq. Ona ta’lim-tarbiyaga qattiq harakat qilsa ham, otada bu yo‘nalishda faollik bo‘lmasa, koʻp hollarda farzand yetuk kadr bo‘lishi qiyin.

Siz qanday fikrdasiz?

Bot orqali | Anonim tarzda

Sening yo‘qliging unda hech qanday bo‘shliq qoldirmagan va u sensiz ham xotirjam yashashda davom etmoqda.

#sensizlik #boydoq

Boshqalarning baxti sening baxtingni kamaytirmaydi, boyligi esa rizqingni toraytirmaydi. Qalbingni pok tutib, o‘zing uchun istagan yaxshilikni boshqalarga ham tilagin.

#baxt

Birodaringizda biror yaxshilik ko‘rsangiz, unga baraka tilab duo qiling. Zero, farishtalar: “Senga ham shunday bo‘lsin”, deb duo qiladilar.

#duo

Turklar azon aytishni san’at darajasiga olib chiqishgan. Juda yoqimli. Har bir masjidda oʻzlarining milliy uslublarida azon aytishadi.

Biz ham oʻzimizning milliy ohanglar asosida aytilgan azonlarimizni saqlab qolishimiz lozim. Bizda ham dunyoning hech qayerida topilmaydigan ohanglar bor. Ularni maktab shaklida rivojlantirish kerak.

#azon

Ozuqa faqat yeydigan luqmangizdan iborat emas. Ko'rgan, eshitgan, o'qigan narsalaringiz va suhbatdoshlaringiz ham ozuqadir. Shunday ekan, tanangiz va ruhingizga nimalarni qabul qilayotganingizga ehtiyot bo'ling.

#ogohlik

Muhtaram, saxovatpesha insonlar!

Talabalarga oʻqish boshlandi. Ularning koʻpchiligi kontrakt asosida oʻqiydi. Hozir ularning butun oʻy-xayoli kontraktni qanday qilib toʻlashda boʻladi. Shuning uchun, boʻlajak soha mutaxassislarining bunday gʻamdan qutulishlariga yordam bering. Xayr-saxovatingizni ulardan darigʻ tutmang. Zakot berish uchun Ramazon oyini kutib oʻtirmang, ehtiyoj tugʻilganda oldindan bersangiz ham zakotingiz oʻtaveradi.

Shuningdek, ularga ilmiy ishlarida foydalanishlari uchun kompyuter olib bersangiz ham boʻladi. Bu bilan eng katta sadaqai joriyalardan birini qilgan boʻlasiz. Biz ham talaba boʻlganmiz, ishoning, ular uchun bundan ortiq baxt boʻlmaydi.

Alloh talabalarga qilgan ehsoningiz barobarida molingiz oʻrnini koʻpaytirib, toʻldirib bersin!

#talaba #ehson

"Ustozim Hammod vafot etganidan beri har bir namozimdan so‘ng ota-onam bilan birga u zot uchun ham istig‘for aytaman. Shuningdek, kimdan ilm o‘rgangan bo‘lsam va kimga ilm o‘rgatgan bo‘lsam, barchalari uchun mag'firat so'rayman".

Abu Hanifa rahmatullohi alayh

#ustoz #duo

Farzand – otasining siri

Fuzayl ibn Iyoz oʻgʻlining tarozi pallasini kiyimining etagi bilan artayotganini koʻrib: "Nega bunday qilyapsan?", deb soʻradi:

Oʻgʻli shunday javob qildi:
"Musulmonlarga narsa tortib berayotganda yoʻl changi ham qoʻshilib qolmasligi uchun!"

Buni eshitgan Fuzayl koʻziga yosh oldi va dedi:
"Ey oʻgʻlim! Sening bu amaling men uchun ikki haj-u ikki umradan ham afzaldir!"

#ota #farzand

“Men xunuk, ammo aqlli kishi edim. Shuning uchun juda go‘zal, biroq go‘l tabiatli bir ayolga uylandim. “Farzandlarim onasining chiroyi-yu, mening aqlimni olsin”, degan niyatda edim. Ammo taqdirni qarangki, ular onasining go‘lligi-yu, mening xunukligimni olib tug‘ilishdi!”🥹

Umora ibn Aqiyl

#erxotin #farzand

Qimmat erkaklar ham bor)

Rasm X dan olindi