كل ما تنظر إليه بالحب يبدو جميلا.

красивым кажется всё,на что смотришь с любовью.❤️

☝🏻Бир падышанын ар дайым жанында жүргөн жакшы вазири болот. Ал кандай абал, кандай иш болбосун: "Баары жакшы болот!" - деп жакшылакка жоручу. Күндөрдүн биринде падыша эт жеп жатып байкабай манжасын кесип алат. Аны көргөн вазир адатынча: "Мейли, баары жакшы болот", – дейт. Муну угуп падыша тырчый түшөт. "Бул эмне мени табалап жатабы? Минтип жаным ачып отурса, жакшы болот дегени эмнеси?" – деп кыжырланып, вазирди зынданга салууга буюрат. Вазир желдеттердин коштоосунда зынданга баратып: "Мейли, дагы жакшылык болду" – дейт. Ошентип, арадан бир нече күн өткөндөн кийин падыша жигиттери менен ууга чыгып, коюу туманда токойдо адашып жүрүп, киши жегичтердин колуна түшүп калат. Алар падышаны жалбарганына карабай, курмандыкка чалганы башчысынын алдына алып келет. Башчы падышаны айланып карап чыгып: "Бизге он эки мүчөсү толук адам керек. Мунуңардын бир манжасы жок тура. Курмандыкка жарабайт. Коё бергиле!" – дейт. Кутулганына сүйүнгөн падыша, үйүн таап келип, дароо вазирин алдырып аябай сыйлайт. Анан:
"Сенин айтканың туура чыкты. Баягыда колумду кесип алганым аябай жакшы болуптур." – деп, болгон окуяны баштан-аяк айтып берет. Аягында вазирден сурайт:
"Меники го ушундай болду. А сени зынданга алып баратканда "жакшы болду" деп эмнеге сүйүндүң?" – деп сурайт. Ошондо вазир: "Падышам, мен сиздин жаныңыздан карыш жылмак эмесмин да, чогуу колго түшмөкпүз. Сиз жарабагандан кийин, алар курмандыкка мени чалышмак. Ошондуктан, менин зынданга отурганым жакшы болду. Деги кандай кыйын иш болбосун, аягы жакшы болот! Болгону сабыр кылуу керек!" – дейт.

«Акыйкатта, кыйынчылыктын артынан жеңилдик келет»(Куран, Шарх сүрөсү: 5-6-аяттар)

"Ким сабыр кылса, Алла Таала ага сабырдуулук берет. Эч кимге сабырдуулуктан өткөн жакшы нерсе берилген эмес" .(Хадис)

👤Насиба Абдуллаева.

👆Сөзсүз окууңуз балким бул жакшылыккадыр😊✨🕊

Сабак алчуу окуя экен...!

Аллахты зикир кылбоо – шайтандын кулдун ичине кирип, анын үстүнөн бийликке ээ боло турган эң кенен эшиктердин бири.

Алланы көп зикир кылуу – шайтандан сактаган эң күчтүү тосмолордун бири.

Кудай Тааланын сөздөрүнө көңүл бургула:
﴾Рахмандын зикиринен жүз бургандарга Биз шайтанды кошобуз жана ал ага шерик болот﴿ Ошентип, шайтан адамдын Алланы зикирине кайдыгерлигине чейин бийликке ээ болот.

Ибрахим ас-Сакран