⚡️⚡️⚡️Qashqadaryo viloyat musiqali drama teatrida Janubi-g‘arbiy maxsus harbiy okrug tasarrufidagi Qarshi shahrida joylashgan harbiy qism harbiy xizmatchilari hamda ularning oila a’zolari uchun “Uyg‘on, o‘g‘lim” spektakli namoyish etildi.

Tadbir harbiy xizmatchilar va ularning oila a’zolarining bo‘sh vaqtini mazmunli tashkil etish, ular o‘rtasida milliy san’at va madaniyatga bo‘lgan qiziqishni yanada oshirish, shuningdek, ma’naviy-ma’rifiy muhitni mustahkamlashga qaratildi.

Spektakl davomida viloyatning iste’dodli san’atkorlari tomonidan ijro etilgan obrazlar, ta’sirchan sahna ko‘rinishlari hamda asarning mazmun-mohiyati tomoshabinlarda katta taassurot qoldirdi. Sahna asarida insoniy qadriyatlar, farzand tarbiyasi, ota-ona va farzand o‘rtasidagi mehr-oqibat, Vatanga sadoqat kabi ezgu g‘oyalar badiiy mahorat bilan yoritib berildi.

👉@mudofaalive

⚡️⚡️⚡️Denov tumanidagi 55-maktabgacha ta’lim muassasasida “Yagona Vatan, yagona xalq bo‘lib, yangi hayot va kelajak yaratamiz!” shiori ostida harbiy-vatanparvarlik festivali o‘tkazildi.

Unda Janubi-g‘arbiy maxsus harbiy okrug tasarrufidagi Xayrobod garnizonida joylashgan harbiy qism harbiy xizmatchilari, faxriy qorovul jamoasi, harbiy orkestr vakillari hamda yoshlar ishtirok etdi.

Festival davomida yurtimizdagi tinchlik va osoyishtalikni asrash, mustaqillik yillarida erishilgan yutuqlar hamda Vatan sarhadlarini ishonchli himoya qilish har bir fuqaroning muqaddas burchi ekani ta’kidlandi.

Harbiy orkestr tomonidan Vatan va ona yurtni madh etuvchi kuy-qo‘shiqlar ijro etildi. Faxriy qorovul jamoasining namunali saf chiqishlari esa harbiy xizmatchilarning yuksak intizomi, jismoniy tayyorgarligi va jangovar shayligini namoyon etdi.

Tadbirda maktabgacha ta’lim muassasasi tarbiyalanuvchilari ham faol qatnashib, Vatan, tinchlik va istiqlolni madh etuvchi she’r hamda kuy-qo‘shiqlar ijro etdi.

👉@mudofaalive