⚡️⚡️⚡️Buxoro shahrida harbiy xizmatchilar, talabalar va sportsevar yoshlar ishtirokida "Harbiy yugur", "Talaba yugur" shiori ostida ommaviy yugurish musobaqasi bo'lib o'tdi.

Sog'lom turmush tarzini targ'ib etish maqsadida tashkil etilgan bellashuvlarga 3 000 ga yaqin ishtirokchi jam bo'ldi.

Yuqori kayfiyat va sog'lom raqobat muhitida o'tgan musobaqada barcha ishtirokchilar o'zlarining tezkorligi va matonatini yana bir bor sinovdan o'tkazish imkoniga ega bo'lishdi.

Musobaqa g'oliblariga harbiy orkestr sadolari ostida diplom, medal va qimmatbaho sovg'alar topshirildi.

Yangiliklarni kuzatib boring:

➡️Telegram:https://t.me/janubi_mudofaa

⚡️⚡️⚡️Janubi-g'arbiy maxsus harbiy okrugining Buxoro viloyatida joylashgan harbiy qismlaridan birida "Prokuror va askarlar uchrashuvi" bo'lib o'tdi.

Buxoro harbiy prokurori tomonidan muddatli harbiy xizmatchilarga Vatan himoyasi naqadar muqaddas burch ekani haqida tushunchalar berildi. Shuningdek, xizmat burchini bajarish chog'ida o'z vazifasiga vijdonan yondashib, tirishqoqlik va sadoqat bilan safdoshlariga namuna ko'rsatish lozimligi alohida ta'kidlandi.

Harbiy nizomlarga to'la-to'kis amal qilish, buyruqlarni so'zsiz bajarish harbiy fazilat ekani tushuntirildi. Qonunlarga hurmat bilan munosabatda bo'lish oldindagi xizmat faoliyati uchun eng muhim omil ekani urg'ulandi.

Samimiy muloqotlarda muddatli harbiy xizmatchilar ham o'zlarini qiziqtirgan savollarga javoblar olishdi.

Yangiliklarni kuzatib boring:

➡️Telegram:https://t.me/janubi_mudofaa