⚡️⚡️⚡️Janubi-g'arbiy maxsus harbiy okrugining Buxoro viloyatida joylashgan harbiy qismlaridan birida "Prokuror va askarlar uchrashuvi" bo'lib o'tdi.

Buxoro harbiy prokurori tomonidan muddatli harbiy xizmatchilarga Vatan himoyasi naqadar muqaddas burch ekani haqida tushunchalar berildi. Shuningdek, xizmat burchini bajarish chog'ida o'z vazifasiga vijdonan yondashib, tirishqoqlik va sadoqat bilan safdoshlariga namuna ko'rsatish lozimligi alohida ta'kidlandi.

Harbiy nizomlarga to'la-to'kis amal qilish, buyruqlarni so'zsiz bajarish harbiy fazilat ekani tushuntirildi. Qonunlarga hurmat bilan munosabatda bo'lish oldindagi xizmat faoliyati uchun eng muhim omil ekani urg'ulandi.

Samimiy muloqotlarda muddatli harbiy xizmatchilar ham o'zlarini qiziqtirgan savollarga javoblar olishdi.

Yangiliklarni kuzatib boring:

➡️Telegram:https://t.me/janubi_mudofaa

⚡️⚡️⚡️Janubi-g'arbiy maxsus harbiy okrug tasarrufidagi Buxoro viloyatida joylashgan harbiy qismda xizmat o'tayotgan muddatli harbiy xizmatchilar orasidan oliy ta'lim muassasalariga o'qishga qabul qilinganlari ta'lim olish jarayonlariga kirishdi.

Okrug hamda qism qo'mondonligi tomonidan askarlarning sifatli oliy ta'lim olishlari va o‘quv jarayonini samarali tashkil etish maqsadida zamonaviy shart-sharoit, axborot texnologiyalari hamda o'qish uchun zaruriy jihozlar bilan ta'minlandi.

Talabalik va harbiy xizmatni birgalikda olib borayotgan ilk muddatli harbiy xizmatchilar quvonchi cheksiz. Ularning aksari oliy ta'limni tamomlab milliy armiyamiz saflarida ofitser kadr sifatida xizmatini davom ettirishni maqsad qilgan.

Yangiliklarni kuzatib boring:

➡️Telegram:https://t.me/janubi_mudofaa