“Yagona Vatan, yagona xalq bo‘lib, yangi hayot va kelajak yaratamiz!” shiori ostida “Yoshlar kuni” doirasida Janubi-G‘arbiy maxsus harbiy okrug tasarrufidagi Termiz garnizonida joylashgan harbiy qismda yoshlar uchun “Ochiq eshiklar kuni” tadbiri tashkil etildi.

Tadbir davomida yoshlar harbiy qismning tarix muzeyi, o‘quv markazi va kutubxonasi, shuningdek, harbiy xizmatchilar uchun yaratilgan zamonaviy shart-sharoitlar bilan yaqindan tanishdilar. Ularga harbiy xizmatning mazmun-mohiyati, harbiy qismning kundalik faoliyati, jangovar tayyorgarlik jarayonlari hamda yoshlar uchun yaratilayotgan imkoniyatlar haqida batafsil ma’lumot berildi.

Shuningdek, yoshlar harbiy xizmatchilarning xizmat faoliyati bilan yaqindan tanishib, harbiy kasbning mas’uliyati, sharafi va o‘ziga xos jihatlari haqida tasavvurga ega bo‘ldilar.

Vatan tinchligi va sarhadlar daxlsizligi yo‘lida jon fido qilgan mard o‘g‘lonlarning yorqin xotirasi xalqimiz qalbida hamisha yashaydi. Ularning jasorati yosh avlod uchun chinakam ibrat maktabidir.

Qashqadaryo viloyati Kitob tumani “Ochamayli” qishlog‘ida tug‘ilib voyaga yetgan Otabek Muhammadiyev qahramonligi va jasorati yuksak ehtirom bilan yodga olinadi. Qahramon xotirasini abadiylashtirish, yoshlarni vatanparvarlik ruhida tarbiyalash maqsadida Otabek Muhammadiyev tahsil olgan Kitob tumanidagi 11-umumiy o‘rta ta’lim maktabida sport musobaqalari tashkil etildi.

Janubi-g‘arbiy maxsus harbiy okrug Faxriylar ishlari bo‘yicha kengashi tashabbusi bilan o‘tkazilgan tadbirda tuman maktablari o‘quvchilari hamda mahalla yoshlari ishtirok etdi. “Vatan himoyasi — muqaddas burch, qahramonlar esa abadiy yodimizda” shiori ostida futbol, stol tennisi, shaxmat va shashka bo‘yicha bellashuvlarda 8 ta jamoa o‘zaro kuch sinashdi.

Tadbir yakunida g‘olib jamoalar va faol ishtirok etgan yoshlar harbiy orkestr sadolari ostida diplom, medal, kubok hamda esdalik sovg‘alari bilan tantanali ravishda taqdirlandi.

Tadbir davomida yoshlar harbiy qismdagi zamonaviy shart-sharoitlar, harbiy xizmatchilarning kundalik faoliyati, o‘quv-mashg‘ulot jarayonlari, shuningdek, zamonaviy harbiy texnika va jihozlar bilan yaqindan tanishdi.

Shuningdek, o‘quvchilarga Sohibqiron Amir Temur va Jaloliddin Manguberdi kabi buyuk sarkardalarning hayoti, harbiy mahorati hamda Vatan ozodligi yo‘lidagi jasoratlari haqida ma’lumot berildi.

Mazkur tadbir yoshlarning harbiy xizmatga qiziqishini oshirish, ularda vatanparvarlik, mardlik va jasorat tuyg‘ularini mustahkamlashga qaratildi.

Tadbir yakunida o‘quvchilar o‘zlarini qiziqtirgan savollariga mutaxassislardan batafsil javob oldi.