Xayrabod garnizonida joylashgan harbiy qismda harbiy xizmatchilar o‘rtasida kuz-qish mavsumida xavfsizlik qoidalariga rioya etish, elektr energiyasidan to‘g‘ri foydalanish hamda is gazidan zaharlanishning oldini olish maqsadida Denov tumani Favqulodda vaziyatlar boshqarmasi bilan hamkorlikda targ‘ibot tadbiri tashkil etildi.

Tadbir davomida mutaxassislar tomonidan elektr jihozlaridan foydalanishda xavfsizlik talablariga amal qilish, isitish moslamalarini to‘g‘ri ishlatish, yong‘in xavfsizligi qoidalariga rioya etish hamda is gazidan zaharlanishning oldini olish bo‘yicha zarur tavsiya va tushuntirishlar berildi.

Shuningdek, favqulodda vaziyatlar yuzaga kelganda to‘g‘ri harakat qilish, ehtiyot choralarini ko‘rish va yuzaga kelishi mumkin bo‘lgan ko‘ngilsiz hodisalarning oldini olish masalalariga alohida e’tibor qaratildi.

Mazkur tadbir harbiy xizmatchilarning xavfsizlik borasidagi bilimlarini oshirish, kuz-qish mavsumini betalafot o‘tkazish hamda favqulodda vaziyatlarning oldini olishga xizmat qiladi.

👉@mudofaalive