21-OKTABR – O‘ZBEK TILIGA DAVLAT TILI MAQOMI BERILGAN KUN

“Til – millat ko‘zgusi” mavzusida tadbir bo‘lib o‘tdi

O‘zbekiston Respublikasining “Davlat tili to‘g‘risida”gi Qonuni qabul qilinganining 37 yilligi munosabati bilan Birinchi mintaqaviy hududdagi 43-son manzil-koloniyasida shaxsiy tarkib ishtirokida “Til – millat ko‘zgusi” nomli tadbir tashkil etildi.

Tadbirga Respublika Ma’naviyat markazi Bo‘ka tuman bo‘linmasi rahbari taklif etildi. Unda Qonunning mazmun-mohiyati, O‘zbekiston Respublikasida davlat tili o‘zbek tili ekanligi, shuningdek, mamlakatimiz hududida istiqomat qiluvchi barcha fuqarolar, millat va elatlarning til va urf-odatlari hurmat qilinishi keng yoritib berildi.

Tadbir yakunida xodimlarni qiziqtirgan savollarga batafsil javoblar berildi.

IIVJIED

TIL — MAʼNAVIY MEROSDIR

Jahonda oʻz ona tilini ulugʻlamagan, uning shaʼni va obroʻsi uchun kurashmagan xalq boʻlmasa kerak. Har bir xalqning asrlar osha bosib oʻtgan yoʻli, tarixi, urf-odatlari va madaniyati bor.

Shu oʻrinda millatimiz tarjimoni boʻlgan tilimizni asrash har bir yurtparvar insonning burchidir. 🇺🇿

Bugun 13-son jazoni ijro etish koloniyasida “Til — maʼnaviy merosdir” mavzusida maʼnaviy-maʼrifiy tadbir boʻlib oʻtdi. Tadbir oʻzbek tiliga boʻlgan cheksiz hurmat va uni himoya qilishga qaratildi.

Chirchiq davlat pedagogika universiteti Oʻzbek tilshunosligi kafedrasi katta oʻqituvchisi koloniya xodimlariga oʻzbek tilining boy tarixi haqida soʻzlab berdi.

U tilimizning bugungi kunda jamiyatdagi oʻrni, uni asrab-avaylash va boyitish borasida amalga oshirilayotgan ishlar haqida ham batafsil toʻxtalib oʻtdi.

IIVJIED

Bugun O‘zbekiston Respublikasi Ichki ishlar vazirligi tashkil etilganining 35 yilligiga bag‘ishlangan tantanali tadbir bo‘lib o‘tdi.

Tadbirda Prezidentimiz Shavkat Mirziyoyevning ichki ishlar organlari xodimlari va faxriylariga yo‘llagan tabrigini o‘qib eshittirdim.

Davlatimiz rahbarining qutlovida xalqimiz osoyishtaligini ta’minlash, fuqarolarning huquq va manfaatlarini himoya qilish yo‘lidagi sadoqatli xizmat uchun soha xodimlariga minnatdorlik bildirilgan. Tizimda to‘plangan katta tajriba, jasorat an’analari zamonaviy bilim va yondashuvlar asosida boyitilayotgani ta’kidlangan. Joriy yilda mahallalarning qariyb yarmida jinoyat sodir etilmagani ichki ishlar xodimlari, mahalla faollari va aholining hamkorlikdagi mehnati samarasi ekani qayd etilgan.

Prezidentimiz har bir mahallada xavfsiz muhit yaratish ishlarini izchil davom ettirish, raqamli texnologiyalar va sun’iy intellekt imkoniyatlaridan foydalanish, kiberjinoyatlarni barvaqt aniqlash va oldini olish, yoshlarni giyohvandlik va uyushgan jinoyatchilik ta’siridan asrash muhimligini ta’kidlagan.

Davlatimiz rahbari soha xodimlaridan tashabbuskorlik, qat’iy intizom va halollik kutishini bildirgan. “O‘zingni angla va o‘zgani qadrla” tamoyili asosida kasbiy sha’nni asrash, qonunga qat’iy rioya etish, har bir insonga hurmat bilan munosabatda bo‘lish zarurligi ko‘rsatib o‘tilgan. «Oddiy insonlarning sizga ishonch bilan murojaat qilishi va bundan ko‘ngli taskin topishi – sizning xizmatingizga berilgan eng yuksak bahodir», deyiladi qutlovda.

Tabrikda el-yurt tinchligini himoya qilish yo‘lida halok bo‘lgan mard va fidoyi xodimlar xotirasi hurmat bilan yod etilgan. Soha xodimlari va faxriylariga mustahkam sog‘liq, xonadonlariga tinchlik va fayzu baraka, mas’uliyatli xizmatida muvaffaqiyatlar tilangan.
—
Сегодня состоялось торжественное мероприятие по случаю 35-летия создания Министерства внутренних дел Республики Узбекистан.

На мероприятии я зачитал поздравление Президента Шавката Мирзиёева сотрудникам и ветеранам органов внутренних дел.

В поздравлении главы государства выражена благодарность сотрудникам за преданную службу по обеспечению спокойствия народа, защите прав и интересов граждан. Подчеркнуто, что накопленный в системе большой опыт и традиции мужества обогащаются современными знаниями и подходами. Отмечено, что в текущем году почти в половине махаллей не было совершено ни одного преступления, что стало результатом совместного труда сотрудников органов внутренних дел, активистов махаллей и населения.

Подчеркнута важность последовательного продолжения работы по созданию безопасной среды в каждой махалле, использования цифровых технологий и искусственного интеллекта, раннего выявления и предупреждения киберпреступлений, защиты молодежи от воздействия наркомании и организованной преступности.

Президент нашей страны отметил, что ожидает от сотрудников инициативности, строгой дисциплины и добросовестного несения службы. Указано на необходимость сохранять профессиональную честь, строго соблюдать закон и уважительно относиться к каждому человеку, следуя принципу «Уважай себя и цени других». «Когда простые люди, доверяя, обращаются к вам и, получив поддержку, уходят с облегчением в душе – это самая высокая оценка вашей работы», говорится в поздравлении.

В поздравлении также отдана дань уважения памяти мужественных и самоотверженных сотрудников, погибших при защите спокойствия народа и страны. Выражены пожелания крепкого здоровья, мира и достатка в семьях, успехов в ответственной службе.

Facebook|Instagram|X