Transport muhandisligi fakultetida Guljamol Asqarova ijodiga bağişlangan inşolar tanlovi ötkazildi

Jizzax politexnika instituti Transport muhandisligi fakultetida “Ma’rifat ulaşib” loyihasi doirasida taniqli adiba Guljamol Asqarova hayoti va ijodiga bağişlangan inşolar tanlovi taşkil etildi.

Tanlov Özbekiston Respublikasi Prezidentining 2026-yil 10-apreldagi PF-58-son Farmoni bilan tasdiqlangan Yöl xaritasining 21-bandi ijrosini ta’minlaş, talaba-yoşlarni kitob mutolaasiga jalb etiş, badiiy savodxonligini oşiriş hamda ularni vatanparvarlik va yurt kelajagiga daxldorlik ruhida tarbiyalaş maqsadida ötkazildi.

Tanlovda iştirokçilarning inşolari mavzuning mazmunan yoritilişi, imloviy savodxonligi, söz boyligi, uslubiy mahorati, adiba ijodiga oid fikr-qaraşlari hamda xulosalarini ifodalaş qobiliyati asosida 100 ballik tizimda baholandi. Hakamlar hay’ati tanlov jarayonini kuzatib bordi va yakunda işlarni belgilangan mezonlar asosida baholadi.

🏆 Tanlov ğoliblari:
🥇 1-örin — 131-25 YHTE guruhi talabasi Pardayev Donyor Dilşod öğli;
🥈 2-örin — 121-25 MM guruhi talabasi Ergaşova Dilşoda Huşnud qizi;
🥉 3-örin — 711-25 MM guruhi talabasi Zaripova Jasmina Şuxrat qizi.

Bunday ma’naviy-ma’rifiy tanlovlar talabalarning ijodiy salohiyatini rivojlantiriş, kitobxonlik madaniyatini yuksaltiriş va milliy adabiyotimizga bölgan hurmatini mustahkamlaşga xizmat qiladi.

📱 @jizpi_online

“Birga hayotni saqlaymiz!” — Quriliş muhandisligi fakulteti talabalari milliy donorlik aksiyasida faol iştirok etdi

Bugungi kunda mamlakatimizda inson hayoti va salomatligini muhofaza qiliş, tibbiy xizmat sifatini oşiriş hamda beğaraz qon donorligini rivojlantirişga alohida e’tibor qaratilmoqda. Bu boradagi tadbirlar jamiyatda insonparvarlik, mehr-oqibat va özaro yordam tuyğularini mustahkamlaşga xizmat qilmoqda.

Özbekiston Respublikasi Prezidentining 2026-yil 20-yanvardagi “2026–2030-yillarda qon bilan işlaş xizmatini yanada takomillaştiriş çora-tadbirlari töğrisida”gi PQ-19-son qarori ijrosini ta’minlaş hamda talabalar örtasida donorlik madaniyatini yuksaltiriş maqsadida Quriliş muhandisligi fakulteti talabalari iştirokida “Birga hayotni saqlaymiz!” şiori ostida milliy donorlik aksiyasi ötkazildi.

Aksiya doirasida fakultetning köngilli talaba-yoşlari Jizzax viloyati qon quyiş markaziga taşrif buyurdi. Ular belgilangan tibbiy körikdan ötib, bemorlar hayotini saqlab qoliş va ularga umid bağişlaş maqsadida ixtiyoriy ravişda qon topşirdilar.

Tadbir davomida soha mutaxassislari talabalarga qon donorligining ijtimoiy ahamiyati, qon topşiriş tartibi hamda donorlik madaniyatini rivojlantirişga qaratilgan çora-tadbirlar haqida ma’lumot berdilar.

Bunday ezgu taşabbuslar yoşlarda insonparvarlik, mehr-oqibat va fuqarolik mas’uliyati tuyğularini mustahkamlab, jamiyatda beğaraz yordam körsatiş madaniyatini keng tarğib etişga xizmat qiladi.

📱 @jizpi_online

Talabalar hayoti, tarbiyasi va muammolari diqqat markazida

Jizzax politexnika institutida yoshlar masalalari bo‘yicha dekan o‘rinbosarlari, tyutorlar va mas’ullar ishtirokida navbatdagi yig‘ilish bo‘lib o‘tdi.

Unda Yoshlar masalalari va ma’naviy-ma’rifiy ishlar bo‘yicha birinchi prorektor S. Eshbekova, talabalar o‘rtasida ijtimoiy-ma’naviy muhit barqarorligini ta’minlashga mas’ul rektor maslahatchisi N. Abdurahmonov, fakultetlarning yoshlar bilan ishlash bo‘yicha dekan o‘rinbosarlari, tyutorlar hamda tegishli mas’ullar qatnashdi.

Yig‘ilish davomida talabalar bilan ishlash samaradorligini oshirish, ularning yashash sharoitlarini yaxshilash va ta’lim muassasasida sog‘lom ijtimoiy-ma’naviy muhitni mustahkamlashga qaratilgan qator masalalar muhokama qilindi.

Jumladan, talabalar turar joylaridagi yashash sharoitlari, mavjud muammolar va ijarada yashayotgan talabalarni yotoqxonalarga joylashtirish masalalariga alohida e’tibor qaratildi. Shuningdek, 2026–2027-o‘quv yili davomida talabalar tomonidan sodir etilgan huquqbuzarliklar tahlil qilinib, ularning oldini olish, yoshlar o‘rtasida huquqiy madaniyatni oshirish bo‘yicha amalga oshirilayotgan ishlar ko‘rib chiqildi.

Bundan tashqari, talabalarning ijara xonadonlarini o‘rganish natijalari, aniqlangan kamchiliklarni bartaraf etish choralari, tyutorlarning biriktirilgan akademik guruhlarda olib borayotgan profilaktik targ‘ibot va tarbiyaviy ishlari ham muhokama markazida bo‘ldi.

Yig‘ilishda “Ma’rifat soatlari”ning mazmuni va sifati, talabalar davomati hamda ushbu mashg‘ulotlarning yoshlar dunyoqarashi va ma’naviyatini yuksaltirishdagi o‘rni ham tahlil qilindi.

Yakunida amalga oshirilgan ishlar sarhisob qilinib, mavjud muammolarni bartaraf etish, yoshlar bilan ishlash tizimini yanada takomillashtirish va belgilangan vazifalar ijrosini ta’minlash bo‘yicha kelgusidagi ustuvor vazifalar belgilab olindi.

Zero, har bir talabaning ta’lim olishi, munosib sharoitda yashashi va barkamol shaxs sifatida shakllanishi doimiy e’tibor va hamkorlikni talab etadi.

📱 @jizpi_online

#InnoWeek_2026

“InnoWeek–2026” xalqaro innovatsion ğoyalar haftaligiga start berildi

Poytaxtimizda Ta’lim va ilm-fan vazirligi huzuridagi Innovatsion rivojlanish agentligi tomonidan “O‘zgarayotgan dunyo uchun ilg‘or innovatsiyalar” shiori ostida tashkil etilgan “InnoWeek–2026” — xalqaro innovatsion g‘oyalar haftaligi rasman ochildi.

Uch kun davomida ilm-fan yutuqlari, zamonaviy texnologiyalar, istiqbolli ishlanmalar va yangi biznes g‘oyalar namoyish etilib, mahalliy hamda xorijiy hamkorlar o‘rtasida tajriba almashish va yangi loyihalarni yo‘lga qo‘yish uchun imkoniyatlar yaratiladi.

Haftalikning ochilish marosimida vazirlik va idoralar rahbarlari, xorijiy davlatlarning diplomatik vakolatxonalari vakillari, oliy ta’lim va ilmiy tadqiqot taskilotlari rahbarlari, xalqaro hamda mahalliy ilmiy markazlar olimlari, texnologik soha ekspertlari, startap ekotizimi vakillari, yosh innovatorlar, ixtirochilar, tadbirkorlar hamda investorlar ishtirok etmoqda.

Batafsil: https://gov.uz/oz/edu/news/view/238737

👉 На русском
👉 In English

📱 @jizpi_online