Mazkur savdo maskani viloyatda ishlab chiqarilayotgan mahalliy mahsulotlarni Gongkong bozoriga olib chiqish, eksport hajmini oshirish hamda Xitoyning boshqa hududlariga yetkazib berish imkoniyatlarini kengaytirishga xizmat qiladi.

Quvonarlisi, «Savdo uyi»dan «BMB Holding» tomonidan ishlab chiqariladigan, o‘zbek brendiga aylangan «Za’faron» mahsuloti ham o‘rin oldi.

Bu mahalliy ishlab chiqaruvchilarning sifatli mahsulotlarini xalqaro bozorlarda namoyish etish va xorijiy iste’molchilarga yetkazish yo‘lidagi muhim qadamdir.

«Savdo uyi»da viloyat korxonalari mahsulotlarini namoyish etish, xorijiy xaridorlarga taklif qilish va ishbilarmon doiralar bilan to‘g‘ridan-to‘g‘ri aloqalarni yo‘lga qo‘yish ko‘zda tutilgan.

Bu mahalliy ishlab chiqaruvchilar uchun yangi bozorlarga chiqish, savdo shartnomalarini tuzish va eksport geografiyasini kengaytirishga zamin yaratadi.

Ushbu tashabbus Jizzax viloyati korxonalarining tashqi iqtisodiy aloqalarini rivojlantirish, mahalliy mahsulotlarning xalqaro bozorlardagi raqobatbardoshligini oshirish va yangi hamkorlik yo‘nalishlarini shakllantirishda muhim ahamiyat kasb etadi.