📌 2026–2027-O‘QUV YILIDAN
MAKTABGACHA TA’LIM TASHKILOTLARIDA “KELAJAK SOATI”QANDAY TASHKIL ETILADI?

Yangi o‘quv yilidan boshlab 3–7 yoshli tarbiyalanuvchilar uchun “Kelajak soati” tarbiyaviy mashg‘ulotlari quyidagicha tashkil etiladi.

“Kelajak soati” oddiy suhbat yoki nazariy dars emas. Bolalar mavzuni o‘yin, suhbat, rasm, hikoya, rolli vaziyatlar, amaliy va ijodiy faoliyatlar orqali o‘rganadilar. Dastur bolalarda Vatanga muhabbat, milliy qadriyatlarga hurmat, hamkorlik, mustaqil fikrlash va xavfsiz xulq-atvor ko‘nikmalarini rivojlantirishga qaratilgan.

🗓️ QANDAY TASHKIL ETILADI?

Har bir asosiy mavzu 1 oy davomida o‘rganiladi. Haftasiga 1 ta mashg‘ulot o‘tkazilib, uning davomiyligi bolaning yoshiga qarab taxminan 15–25 daqiqa bo‘ladi.

Mashg‘ulotlar 4 haftalik juda qiziqarli model asosida olib boriladi:

🔵 1-hafta — BILISH
Rasm, hikoya, ertak, video, suhbat va savol-javob orqali bola mavzu bilan tanishadi.

🟢 2-hafta — MUNOSABAT
Oila bilan suhbat, hayotiy vaziyat va rolli o‘yinlar orqali bolaning mavzuga munosabati shakllantiriladi.

🟠 3-hafta — AMAL
Bola o‘rganganlarini o‘yin, guruhli faoliyat va amaliy topshiriqlar orqali bajarib ko‘radi.

🟣 4-hafta — REFLEKSIYA
Rasm, applikatsiya, kollaj yoki boshqa ijodiy ish bajaradi va “Men nimani o‘rgandim?” degan savolga o‘z faoliyati orqali javob beradi.

🇺🇿 MASALAN, SENTABR OYIDA QANDAY BO‘LADI?

Sentabr oyining asosiy yo‘nalishi — “Vatan, millat va davlatchilik”.

Asosiy mavzu:
🇺🇿 “Yagona Vatan, yagona xalq bo‘lib, yangi hayot va kelajak yaratamiz!”

🏠 Bolalarga juda sodda va tushunarli “Kichik uyimiz — oilamiz, katta uyimiz — Vatanimiz O‘zbekiston” g‘oyasi orqali oila va Vatan o‘rtasidagi bog‘liqlik tushuntiriladi. Ular O‘zbekiston, Mustaqillik bayrami, Davlat bayrog‘i, gerbi va madhiyasi bilan tanishib, davlat ramzlariga hurmat ruhida tarbiyalanadi.

👧 3–4 yoshli bolalar — Vatan va oila tasvirlangan rasmlarni bo‘yab, “Bu — mening uyim, bu — Vatanim” deydi.

👦 4–5 yoshli bolalar — “Kichik uy — katta uy” applikatsiyasini tayyorlaydi.

🧒 5–6 yoshli bolalar — applikatsiyani deyarli mustaqil bajarib, oila va Vatan haqida o‘z fikrini aytadi.

🎓 6–7 yoshli tayyorlov guruhi esa “Katta uy — kichik uy” kompozitsiyasini mustaqil yaratib, o‘z ishini qisqacha izohlaydi.

✨ Demak, “Kelajak soati”da bola faqat tinglamaydi — ko‘radi, gapiradi, o‘ynaydi, fikrlaydi, ijod qiladi va o‘rganganini amalda namoyish etadi!

🌱 “Kelajak soati” — bugungi tarbiya, ertangi kelajak poydevori!

📣 Maktabgacha ta’limdagi yangiliklar, metodik tavsiyalar va tayyor materiallar biz bilan👇https://t.me/jonajonbogcham

🇺🇿 1-HAFTA — “KELAJAK SOATI”

📌 Mavzu:
“Yagona Vatan, yagona xalq bo‘lib, yangi hayot va kelajak yaratamiz!”

🏡 Asosiy g‘oya: O‘zbekiston — hammamizning katta uyimiz, bizning Vatanimiz. Mashg‘ulotlar bolalarning yoshiga mos ravishda Vatan, birlik, ahillik va davlat ramzlari haqidagi dastlabki tushunchalarni shakllantirishga qaratiladi.

🧸 KICHIK GURUH — 3–4 YOSH
Bolaga “uy” va “Vatan” tushunchalari sodda va ko‘rgazmali tarzda tushuntiriladi. Qush, chumoli, asalari va ularning uylari misolida har bir jonzotning o‘z uyi borligi ko‘rsatiladi.

🎮 O‘yin: “Kimning uyi qayerda?”
🎨 Ijodiy ish: O‘zbekiston mavzusidagi rasmni bo‘yash/yopishtirish.
🇺🇿 Yakun: “O‘zbekiston — mening Vatanim!”

🌼 O‘RTA GURUH — 4–5 YOSH
Bolalar “kichik uy — oilamiz, katta uy — Vatanimiz” tushunchalarini bog‘laydilar. Yaxshi va noto‘g‘ri xatti-harakatlarni farqlashga o‘rganadilar.

🎮 O‘yin: “Vatanimga foydali — foydali emas”
🎨 Ijodiy ish: “Mening Vatanim” mavzusida rasm.
🇺🇿 Yakun: “Men O‘zbekiston farzandiman. Men Vatanimni yaxshi ko‘raman.”

⭐ KATTA GURUH — 5–6 YOSH
Vatan haqidagi tushunchalar kengaytiriladi. Bolalar O‘zbekistonning bayrog‘i, gerbi va madhiyasi bilan tanishadilar.

🎮 O‘yin: “Ramzni top!”
🎨 Ijodiy ish: “O‘zbekiston — bizning katta uyimiz” kompozitsiyasi.
💭 Savol: “Men Vatanim uchun qanday yaxshi ish qila olaman?”

🎓 TAYYORLOV GURUHI — 6–7 YOSH
Bolalarda Vatanga daxldorlik, birlik va ahillik tushunchalari rivojlantiriladi. Ular “Nega?”, “Qanday?”, “Nima uchun?” savollariga javob berib, o‘z fikrini asoslashga o‘rganadilar.

🇺🇿 Davlat ramzlarini nomlaydilar va ularga hurmat ko‘rsatish qoidalarini mustahkamlaydilar.
💭 Muammoli savol: “Agar hamma faqat o‘zi xohlagan ishni qilsa, nima bo‘ladi?”
🎨 Jamoaviy ish: “O‘zbekiston — bizning katta uyimiz!” kollaji.

❤️ YAKUNIY REFLEKSIYA:
🇺🇿 Men O‘zbekiston farzandiman!
🇺🇿 O‘zbekiston — mening Vatanim!
🇺🇿 Men Vatanimni yaxshi ko‘raman!
🇺🇿 Men Vatanimni asrayman!
🇺🇿 Biz birga ahil yashaymiz!

📌 E’tibor: bir mavzu barcha yosh guruhlariga beriladi, ammo mazmun, savollar va topshiriqlarning murakkabligi bolaning yoshiga qarab o‘zgaradi.
https://t.me/jonajonbogcham

🔥 5-SENTABR — 0 DAN TAYYORLOV GURUHIGA QABUL BOSHLANDI!
📚 2 OYLIK KUCHLI TAYYORGARLIK KURSI
Atestatsiyaga 0 dan boshlab, barcha kerakli bilimlarni tizimli va bosqichma-bosqich o‘zlashtirmoqchi bo‘lgan ustozlar uchun maxsus guruh! 💪
📖 BIRINCHI DARSIMIZ — “ILK QADAM” MILLIY O‘QUV DASTURI!
Darslarimiz shunchaki test yechish bilan cheklanmaydi. Har bir adabiyot chuqur o‘rganilib, mavzular testlar orqali mustahkamlanadi.
✨ Guruhimizda:
🔹 Har kuni JONLI DARS

🔹 Barcha asosiy adabiyotlar asosida tayyorgarlik

🔹 Har bir adabiyot bo‘yicha maxsus qo‘llanmalar

🔹 PDF blok testlar

🔹 Katta QUIZ test bazasi

🔹 Platforma testlari

🔹 Mavzular bo‘yicha mustahkamlovchi testlar

🔹 2 oyga mo‘ljallangan kuchli va aniq reja
🚀 BU HALI HAMMASI EMAS!

🇺🇿 MUSTAQILLIK BAYRAMI MUNOSABATI BILAN MAXSUS CHEGIRMA!
🔥 2 OYLIK KURS — ATIGI 80 000 SO‘M!
⏳ Vaqtni boy bermang!

📌 5-SENTABRDAN tayyorgarlikni 0 dan birga boshlaymiz!
📩 Guruhga qo‘shilish uchun murojaat qiling!
@UMEDOVNAGA
@dilnozateacher_94

📲
https://t.me/attestatsiya100natija

🇺🇿 “KELAJAK SOATI” MMT larda QANDAY TASHKIL ETILADI?

📅 MTT larda“Kelajak soati” mashg‘ulotlari sentyabr oyidan may oyiga qadar olib boriladi. Ushbu davr 9 oyni qamrab oladi va har bir oy uchun bitta asosiy mavzu belgilanadi. Tanlangan mavzu oy davomida haftama-hafta izchil yoritib boriladi.

Mashg‘ulot jarayoni “Bilish — Munosabat — Amal — Refleksiya” ketma-ketligi asosida 4 bosqichda tashkil etiladi.

📘 1-hafta — BILISH
Birinchi haftada bolalar yangi mavzu bilan tanishadilar. Tarbiyachi mavzuni bolalarga tushunarli yetkazish uchun suhbat, hikoya, ertak, rasmlar, videomateriallar, savol-javob va turli ko‘rgazmali vositalardan foydalanishi mumkin. Asosiy maqsad — bolada mavzu haqida dastlabki tushuncha hosil qilish.

👨‍👩‍👧 2-hafta — MUNOSABAT
Bu bosqichda oila ham jarayonga jalb etiladi. Bola mavzu yuzasidan ota-onasi bilan suhbatlashadi, o‘z fikrlarini bildiradi va oilada muhokama qilingan tushunchalarni guruhdagi suhbat davomida o‘rtoqlashadi. Shu tariqa bolaning mavzuga shaxsiy munosabati shakllanib boradi.

🎮 3-hafta — AMAL
Uchinchi haftada olingan bilimlar amaliy faoliyat bilan mustahkamlanadi. Harakatli va didaktik o‘yinlar, rolli vaziyatlar, turli topshiriqlar hamda jamoaviy mashqlar tashkil etiladi. Bolalar birgalikda harakat qilish, fikr bildirish va o‘rganganlarini amalda qo‘llash imkoniyatiga ega bo‘ladilar.

🎨 4-hafta — REFLEKSIYA
Oy yakunida bola mavzu bo‘yicha egallagan tushunchalarini ijodiy faoliyat orqali namoyon etadi. Rasm chizish va bo‘yash, applikatsiya, kollaj hamda boshqa ijodiy topshiriqlar bajarilishi mumkin. Yakunda bolaga o‘z ishi haqida gapirish va nimalarni o‘rganganini sodda jumlalar bilan ifodalash imkoniyati beriladi.

⏰ Mashg‘ulot vaqti bolalarning yosh xususiyatlarini hisobga olgan holda, taxminan 15–25 daqiqa etib tashkil qilinadi.

👧👦 Mavzu barcha guruhlar uchun umumiy, yondashuv esa yoshga mos bo‘ladi. Ya’ni bir xil mavzu o‘rganilsa-da, suhbat mazmuni, savollar, o‘yinlar va amaliy topshiriqlarning murakkabligi bolaning yoshiga qarab belgilanadi: kichik guruh — 3–4 yosh, o‘rta guruh — 4–5 yosh, katta guruh — 5–6 yosh, tayyorlov guruhi — 6–7 yosh.

📌 Qisqacha: bir oy — bitta mavzu, to‘rt hafta esa uni anglash, munosabat bildirish, amalda bajarish va yakuniy xulosa qilish jarayonidir.

📲 https://t.me/jonajonbogcham

🧸 KICHIK GURUH — 3–4 YOSH
🇺🇿 SENTABR OYI UCHUN NAMUNAVIY “KELAJAK SOATI”
Oy yo‘nalishi: Vatan, millat va davlatchilik
Asosiy mavzu: “Yagona Vatan, yagona xalq bo‘lib, yangi hayot va kelajak yaratamiz!”
📘 1-HAFTA — BILISH
Namunaviy hafta mavzusi: “O‘zbekiston — mening Vatanim”
Maqsad: bolalarda “uy”, “oila”, “Vatan” va “O‘zbekiston” tushunchalari haqida eng sodda dastlabki tasavvurni shakllantirish.
Suhbat namunasi:
Tarbiyachi bolalardan “Sening uying bormi?”, “Uyda kimlar bilan yashaysan?”, “Qushning uyi qayerda?”, “Asalarining uyi qayerda?” kabi sodda savollar so‘raydi. So‘ng: “Bizning hammamiz yashaydigan katta uyimiz — O‘zbekiston. O‘zbekiston — bizning Vatanimiz”, deb tushuntiradi.
O‘yin: “Kimning uyi qayerda?”
Bolalar qushni — uyasiga, asalarini — iniga, chumolini — chumolixonaga moslashtiradilar.
Ijodiy faoliyat: O‘zbekiston tasvirini bo‘yash, barmoq bo‘yoqlari bilan bezash yoki tayyor rangli qismlarni yopishtirish.
Yakuniy jumla:
“O‘zbekiston — mening Vatanim!”
👨‍👩‍👧 2-HAFTA — MUNOSABAT
Namunaviy hafta mavzusi: “Mening kichik uyim — oilam”
Maqsad: bolada o‘z oilasiga mehr, yaqinlik va g‘amxo‘rlik tuyg‘usini kuchaytirish.
Suhbat namunasi:
“Oilamizda kimlar bor?”, “Sen kim bilan yashaysan?”, “Onangga qanday yordam berasan?”, “Oilamizni qanday yaxshi ko‘ramiz?” kabi savollar orqali suhbat olib boriladi.
Oilaviy topshiriq namunasi: ota-ona bilan birgalikda oiladagi a’zolar haqida suhbatlashish. Bola guruhda o‘z oilasi haqida 1–2 sodda jumla aytadi.
O‘yin: “Mehrli so‘zlar”
Bolalar “men onamni yaxshi ko‘raman”, “men dadamga yordam beraman”, “biz oilamiz bilan birgamiz” kabi iboralarni takrorlaydilar.
Ijodiy faoliyat: oila a’zolari tasvirini bo‘yash yoki tayyor rasmlardan kichik “Mening oilam” kompozitsiyasini yaratish.
Yakuniy jumla:
“Mening kichik uyim — oilam!”
🎮 3-HAFTA — AMAL
Namunaviy hafta mavzusi: “Bu — uyim, bu — Vatanim”
Maqsad: “kichik uy — oila” va “katta uy — Vatan” tushunchalari o‘rtasidagi bog‘liqlikni amaliy faoliyat orqali mustahkamlash.
Suhbat namunasi:
“Bizning kichik uyimiz nima?”, “Katta uyimiz nima?”, “Uyimizni qanday asraymiz?”, “Vatanimizni qanday yaxshi ko‘ramiz?” kabi savollar beriladi.
Amaliy faoliyat: tarbiyachi katta qog‘ozga “katta uy” va “kichik uy” konturlarini oldindan chizib beradi. Bolalar kichik uy qismiga oila a’zolari rasmlarini, katta uy qismiga esa O‘zbekiston bilan bog‘liq tasvirlarni joylashtiradilar.
O‘yin: “Katta uy — kichik uy”
Tarbiyachi turli rasmlarni ko‘rsatadi, bolalar ularni “oila” yoki “Vatan” guruhiga ajratadilar.
Ijodiy faoliyat: jamoaviy yopishtirish yoki bo‘yash ishlari.
Yakuniy jumla:
“Bu — mening uyim, bu — Vatanim!”
🎨 4-HAFTA — REFLEKSIYA
Namunaviy hafta mavzusi: “Katta uy — Vatan, kichik uy — oila”
Maqsad: oy davomida o‘rganilgan tushunchalarni takrorlash va bolaning o‘z fikrini sodda jumla bilan ifodalashiga yordam berish.
Suhbat namunasi:
“Kichik uyimiz nima?”, “Katta uyimiz nima?”, “Oilamizni qanday yaxshi ko‘ramiz?”, “Vatanimizni qanday asraymiz?” kabi savollar bilan yakuniy suhbat o‘tkaziladi.
Ijodiy faoliyat: bola katta uy — Vatan va kichik uy — oila tasvirini bo‘yaydi yoki sodda applikatsiya tayyorlaydi.
Refleksiya: har bir bola tayyorlagan ishini ko‘rsatib, o‘rganganidan bittasini aytadi.
Yakuniy jumla:
“Bu — mening uyim, bu — Vatanim!”
📌 Muhim: bu 4 haftalik nom va faoliyatlar namunaviy variant. Ular sentabr oyining asosiy mavzusi hamda 4 bosqichli Bilish — Munosabat —
Amal — Refleksiya modeliga moslab tuzilgan. Rasmiy hujjatda aynan shu hafta nomlari alohida berilmagan.

https://t.me/jonajonbogcham

🧒 O‘RTA GURUH — 4–5 YOSH

🇺🇿 SENTABR OYI — “KELAJAK SOATI” | NAMUNA

Oy yo‘nalishi: Vatan, millat va davlatchilik
Asosiy mavzu: “Yagona Vatan, yagona xalq bo‘lib, yangi hayot va kelajak yaratamiz!”

📘 1-HAFTA — BILISH

“Kichik uyim — oilam, katta uyim — O‘zbekiston”

Maqsad: bolalarda oila, uy, Vatan va O‘zbekiston tushunchalarini o‘zaro bog‘lash, O‘zbekiston barchamizning katta uyimiz ekanini anglatish.

Suhbat: “Uyda kimlar bilan yashaysan?”, “Oilamiz biz uchun nima?”, “Biz yashaydigan yurt qanday ataladi?” kabi savollar.

🎮 O‘yin: “Kichik uy — katta uy”. Rasmlarni oila va Vatan tushunchalariga mos ajratish.
🎨 Ijodiy ish: “Mening uyim — mening Vatanim” kompozitsiyasi.

Yakun: “Kichik uyim — oilam, katta uyim — O‘zbekiston!”
👨‍👩‍👧 2-HAFTA — MUNOSABAT

“Oilamni va Vatanimni yaxshi ko‘raman”

Maqsad: bolalarda oila va Vatanga mehr, hurmat, g‘amxo‘rlik hamda daxldorlik tuyg‘ularini rivojlantirish.

Suhbat: “Oilamizga qanday yordam beramiz?”, “Uyimizni qanday ozoda saqlaymiz?”, “Vatanimizni sevish qanday yaxshi ishlarda ko‘rinadi?”

🏠 Oilaviy topshiriq: ota-ona bilan oilada qilinadigan yaxshi ishlar haqida suhbatlashish va guruhda 1–2 ta misol aytish.

🎮 O‘yin: “Foydali — foydali emas”. Gulni sug‘orish, do‘stga yordam berish, axlat tashlash kabi vaziyatlarni baholash.
🎨 Ijodiy ish: “Mening oilam” yoki “Men Vatanimni yaxshi ko‘raman”.

Yakun: “Men oilamni ham, Vatanimni ham yaxshi ko‘raman.

🎮 3-HAFTA — AMAL

“Bizning oilamiz — bizning kichik uyimiz”

Maqsad: oila va Vatan haqidagi tushunchalarni amaliy faoliyat orqali mustahkamlash, bolalarda hamkorlikda ishlash ko‘nikmasini rivojlantirish.

Suhbat: “Oilada bir-birimizga qanday yordam beramiz?”, “Uyimizni qanday asraymiz?”, “Vatanimiz uchun qanday yaxshi ishlar qila olamiz?”

🏡 Amaliy faoliyat: bolalar kichik guruhlarda “Bizning oilamiz — bizning kichik uyimiz” nomli plakat yaratadilar. Uy, oila a’zolari, gullar va daraxtlar tasvirlarini joylashtiradilar.

🎲 O‘yin: “Yaxshi ishni tanla”. Bola foydali va noto‘g‘ri xatti-harakatlarni farqlaydi.
🎨 Ijodiy ish: jamoaviy plakat, yopishtirish yoki sodda maket.

Yakun: “Oilamiz ahil bo‘lsa, uyimiz chiroyli bo‘ladi
🎨 4-HAFTA — REFLEKSIYA

“Katta uyim — Vatanim”

Maqsad: oy davomida o‘rganilgan tushunchalarni umumlashtirish hamda bolaning oila va Vatan haqidagi fikrini sodda jumlalarda ifodalashiga yordam berish.

Suhbat: “Kichik uyimiz nima?”, “Katta uyimiz nima?”, “Oilamizni qanday asraymiz?”, “Vatanimizni qanday sevamiz?”

🖍 Ijodiy faoliyat: bola “kichik uy — oila, katta uy — Vatan” mazmunidagi rasm yoki applikatsiya tayyorlaydi.

💬 Refleksiya: bola o‘z ishini ko‘rsatib: “Bu mening oilam”, “Bu mening Vatanim”, “Men Vatanimni yaxshi ko‘raman” kabi sodda fikrlarini aytadi.

Yakun: “Kichik uyim — oilam, katta uyim — Vatanim!”

📌 NAMUNA: mashg‘ulot mazmuni guruh sharoiti va bolalarning rivojlanish darajasiga moslashtirilishi mumkin
https://t.me/jonajonbogcham

👧🧒 KATTA GURUH — 5–6 YOSH
🇺🇿 SENTABR OYI — “KELAJAK SOATI” | NAMUNA
Oy yo‘nalishi: Vatan, millat va davlatchilik
Asosiy mavzu: “Yagona Vatan, yagona xalq bo‘lib, yangi hayot va kelajak yaratamiz!”
📘 1-HAFTA — BILISH
“Kichik uyim — oilam, katta uyim — Vatanim”
Maqsad: bolalarning Vatan haqidagi tushunchalarini kengaytirish, O‘zbekiston — barchamizning umumiy Vatani ekanini anglatish hamda davlat ramzlari haqidagi bilimlarini mustahkamlash.
Suhbat: “Vatan deganda nimani tushunamiz?”, “Bizning Vatanimiz qanday ataladi?”, “O‘zbekistonning qanday davlat ramzlarini bilamiz?”, “Nima uchun Vatanimizni sevamiz?”
🇺🇿 Faoliyat: O‘zbekiston bayrog‘i, gerbi va madhiyasi haqida yoshiga mos suhbat.
🎮 O‘yin: “Ramzni top!” — bolalar rasmlar orasidan O‘zbekiston davlat ramzlarini topib, nomini aytadilar.
🎨 Ijodiy ish: “Mening Vatanim — O‘zbekiston” mavzusida rasm yoki kompozitsiya.
Yakun: “O‘zbekiston — mening Vatanim!”
👨‍👩‍👧 2-HAFTA — MUNOSABAT
“Oilam va Vatanim — mening qadriyatlarim”
Maqsad: bolalarda oila va Vatanga mehr, hurmat va daxldorlik tuyg‘ularini rivojlantirish, yaxshi xatti-harakatlarning ahamiyatini tushuntirish.
Suhbat: “Oilamiz uchun qanday yaxshi ish qilamiz?”, “Vatanimizni sevishimizni qanday ko‘rsata olamiz?”, “Tabiatni asrash Vatanga g‘amxo‘rlik qilishmi?”
🏠 Oilaviy topshiriq: ota-onasi bilan “Oilamiz va Vatanimiz uchun qanday yaxshi ishlar qila olamiz?” mavzusida suhbatlashish. Bola guruhda o‘z fikridan 2–3 ta misol keltiradi.
🎮 O‘yin: “Vatanimga foydali — foydali emas”. Bolalar turli vaziyatlarni tahlil qilib, yaxshi va noto‘g‘ri xatti-harakatlarni farqlaydilar.
Yakun: “Men oilamni va Vatanimni qadrlayman!”
🎮 3-HAFTA — AMAL
“Kichik uy — katta uy”
Maqsad: oila va Vatan o‘rtasidagi bog‘liqlikni amaliy faoliyat orqali mustahkamlash, bolalarda hamkorlik va mas’uliyat ko‘nikmalarini rivojlantirish.
Suhbat: “Nima uchun oilani kichik uy deymiz?”, “Nima uchun O‘zbekiston katta uyimiz?”, “Ahil bo‘lish nima uchun muhim?”, “Vatanimiz uchun qanday foydali ish qila olamiz?”
🏡 Amaliy faoliyat: bolalar birgalikda “Kichik uy — katta uy” nomli maket, kompozitsiya yoki devoriy gazeta yaratadilar. Har bir bola umumiy ishning bir qismini bajaradi va bajargan ishi haqida bitta jumla aytadi.
🎲 O‘yin: “Men qanday yordam beraman?” — bolalar oila, guruh va atrof-muhitga yordam berish bilan bog‘liq vaziyatlarga yechim topadilar.
Yakun: “Birgalikda yaxshi ishlar qilamiz!”
🎨 4-HAFTA — REFLEKSIYA
“Oilam mustahkam — Vatanim mustahkam”
Maqsad: oy davomida egallangan bilimlarni umumlashtirish, bolaning oila va Vatan haqidagi fikrlarini mustaqilroq ifodalashiga imkon yaratish.
Suhbat: “Bu oy Vatan haqida nimalarni bildik?”, “Kichik uyimiz nima?”, “Katta uyimiz nima?”, “Vatanimizni asrash uchun biz nima qila olamiz?”
🖍 Ijodiy faoliyat: bolalar imkon qadar mustaqil ravishda “Katta uy — kichik uy” mazmunidagi rasm, applikatsiya yoki kompozitsiya tayyorlaydilar.
💬 Refleksiya: har bir bola o‘z ijodiy ishini namoyish etib, nima tasvirlagani va Vatan uchun qanday yaxshi ish qilish mumkinligi haqida qisqa fikr bildiradi.
Yakun: “Kichik uyim — oilam, katta uyim — Vatanim!”
📌 NAMUNA: hafta nomlari va mashg‘ulot shakllari sentabr mavzusini Bilish → Munosabat → Amal → Refleksiya bosqichlarida tashkil etish uchun namunaviy tarzda tuzilgan. Tarbiyachi ularni guruh imkoniyatlari va bolalarning rivojlanish darajasiga moslashtirishi mumkin.
https://t.me/jonajonbogcham

🎓 TAYYORLOV GURUHI — 6–7 YOSH
🇺🇿 SENTABR OYI — “KELAJAK SOATI” | NAMUNA
Oy yo‘nalishi: Vatan, millat va davlatchilik
Asosiy mavzu: “Yagona Vatan, yagona xalq bo‘lib, yangi hayot va kelajak yaratamiz!”
📘 1-HAFTA — BILISH
“Men O‘zbekiston farzandiman”
Maqsad: bolalarda Vatan, davlat va xalq haqidagi tushunchalarni kengaytirish, O‘zbekistonga daxldorlik va faxr tuyg‘usini shakllantirish.
Suhbat: “Vatan nima?”, “Nima uchun O‘zbekistonni Vatanimiz deymiz?”, “Yagona xalq deganda nimani tushunamiz?”, “Davlatimizning qanday ramzlarini bilamiz?”
🇺🇿 Faoliyat: bayroq, gerb va madhiya haqida suhbat. Davlat ramzlariga hurmat bilan munosabatda bo‘lish haqida fikrlash.
🎮 O‘yin: “Ramzni tani va tushuntir” — bola davlat ramzini topadi, nomlaydi va u haqida bilganini aytadi.
🎨 Ijodiy ish: “Men O‘zbekiston farzandiman” mavzusida rasm yoki kompozitsiya.
Yakun: “Men O‘zbekiston farzandiman va Vatanim bilan faxrlanaman!”
👨‍👩‍👧 2-HAFTA — MUNOSABAT
“Oilam — kichik uyim, O‘zbekiston — katta uyim”
Maqsad: oila va Vatan o‘rtasidagi bog‘liqlikni anglash, birlik, mehr-oqibat va o‘zaro hurmatning ahamiyati haqida fikr yuritishga o‘rgatish.
Suhbat: “Nima uchun oilani kichik uyimiz deymiz?”, “O‘zbekiston nima uchun katta uyimiz?”, “Oilada ahillik nima uchun kerak?”, “Vatanimiz ravnaqi uchun insonlar qanday yashashi kerak?”
🏠 Oilaviy topshiriq: ota-onasi bilan “Bizning oilamiz Vatanimiz uchun qanday yaxshi ishlar qila oladi?” mavzusida suhbatlashish. Bola guruhda o‘z xulosasini aytadi.
🎮 Vaziyatli topshiriq: “Agar hamma faqat o‘zi xohlagan ishni qilsa, nima bo‘ladi?” Bolalar fikr bildiradilar va birgalikda yashash qoidalarini muhokama qiladilar.
Yakun: “Ahil oila — mustahkam Vatan!”
🎮 3-HAFTA — AMAL
“Kichik uy — katta uy: biz birgamiz!”
Maqsad: oila, jamiyat va Vatan haqidagi tushunchalarni jamoaviy faoliyatda mustahkamlash, hamkorlik, mas’uliyat va mustaqil fikrlashni rivojlantirish.
Suhbat: “Birgalikda ishlash nima uchun muhim?”, “Vatanimizga qanday foyda keltira olamiz?”, “Atrofimizni asrash ham Vatanga g‘amxo‘rlikmi?”
🏡 Amaliy faoliyat: bolalar jamoaviy “Kichik uy — katta uy” kompozitsiyasi, maketi yoki devoriy gazetasini yaratadilar. Har bir bola umumiy ishning bir qismini mustaqil bajaradi.
🎲 O‘yin: “Men Vatanim uchun...” — bola yaxshi ish yoki foydali xatti-harakatni tanlab, nima uchun muhimligini tushuntiradi.
💬 Har bir bola bajargan qismini qisqacha taqdim etadi.
Yakun: “Biz birgalikda Vatanimizni asraymiz!”
🎨 4-HAFTA — REFLEKSIYA
“Oilam mustahkam bo‘lsa, Vatanim ham mustahkam bo‘ladi”
Maqsad: oy davomida olingan bilimlarni umumlashtirish, bolalarning mustaqil xulosa chiqarishi va o‘z fikrini izchil ifodalashiga imkon yaratish.
Suhbat: “Bu oy Vatan haqida nimalarni bildik?”, “Oila va Vatan o‘rtasida qanday bog‘liqlik bor?”, “Yaxshi fuqaro qanday bo‘lishi kerak?”, “Men Vatanim uchun nima qila olaman?”
🖍 Ijodiy faoliyat: bola mustaqil ravishda “Katta uy — kichik uy” mavzusida rasm, applikatsiya yoki kompozitsiya yaratadi.
💬 Refleksiya: har bir bola o‘z ishini namoyish qilib, undagi g‘oyani tushuntiradi va o‘zi chiqargan xulosani aytadi.
Yakun:
🇺🇿 “Oilam mustahkam bo‘lsa, Vatanim ham mustahkam bo‘ladi!”
📌 NAMUNA: hafta nomlari va faoliyatlar tayyorlov guruhi bolalarining yosh xususiyatlariga mos namunaviy variant sifatida tuzilgan. Tarbiyachi mashg‘ulotlarni guruh sharoiti va bolalarning rivojlanish darajasiga qarab moslashtirishi mumkin.

https://t.me/jonajonbogcham

🌎MaktabgachaHub platformasida yangilik!

👨‍🏫 "Yer sayyorasi — umumiy uyimiz"- adabiyoti bo‘yicha 2-QISM TEST YUKLANDI bilimingizni sinab ko‘rishga tayyormisiz?

✨Platformamizning Testlar bo‘limiga ushbu mavzu yuzasidan 80 ta yangi test qo‘shildi!

Platformaga kiring, testlarni yeching va o‘z natijangizni tekshiring!

​👇Testlarni topshirish uchun havola:
www.Maktabgachahub.website

😎@MaktabgachaHub Bog‘chada asabingizni emas obro‘yingizni ko‘taring

⭐️Manba bilan tanishing!

🎬​Yangi platformamiz qanday ishlashi va unda qanday imkoniyatlar borligini 1 daqiqali videoda ko'rsatdik!

👨‍🏫 Videoda nimalar bor?
Platforma imkoniyatlari — Adabiyotlar bilan ishlashning yangi erasi
OBUNA yo'riqnomasi —obuna bolish shartlari va tartibi

​👉Platformaga kirish:
Manba

💬Eslatib otamız Bizda katta AKSIYA endi www.Maktabgachahub.website 1oyilik to'lov 49.000 emas 5 OYLIK TO'LOV 60.000

✨Tezroq o'rningizni band qiling @AzadiB_way ga yozing

😎@MaktabgachaHub Bog‘chada asabingizni emas obro‘yingizni ko‘taring

Оилавий боғчалар мол-мулк ва ер солиғидан озод этилади

Президент фармонига асосан:

➖Ўзларига тегишли нотурар бино ва ер участкасида оилавий боғча очган ЯТТлар шу кўчмас мулк объектлари бўйича мол-мулк ва ер солиғидан озод қилинади.

➖Бозор ва савдо комплексларида хизмат кўрсатувчилар учун фойда солиғи ставкаси пасайтирилади.

➖Янги очилган қишлоқ хўжалиги корхоналари қишлоқ хўжалигида фойдаланиладиган объектлар бўйича мол-мулк солиғи тўламайди.

➖Солиқ маслаҳатчилари жиноят процессида солиқ тўловчининг вакили сифатида қатнашиши мумкинлиги белгиланади.

https://t.me/jonajonbogcham

Dars manbasi: Bolalarni zoʻravonlikdan himoya qilish

2-adabiyot
https://t.me/DMTT_Pedagoglar

4-adabiyot
https://t.me/DMTT_Pedagoglar

Ekologik taʼlim
5-adabiyot
https://t.me/DMTT_Pedagoglar

Kasbiy rivojlantirish
6-adabiyot
https://t.me/DMTT_Pedagoglar

7-adabiyot
https://t.me/DMTT_Pedagoglar

8-adabiyot
https://t.me/DMTT_Pedagoglar

9-adabiyotim
https://t.me/DMTT_Pedagoglar

10-adabiyot
https://t.me/DMTT_Pedagoglar