Koreys tili 1 oyda 5000ta so`z

- 1 oy / 5000ta so`z;
- 5000ta so`z / TOPIK 6;
- 1 soat / 120 - 240ta so`z.

Dastur haqida to`liq tasavvurga ega bo`lish uchun Demo-versiya bilan tanishib chiqishni maslahat beramiz.

#YANGILIK

Aviaqatnovlar tiklanmoqda.

Fly Mir Team

✅ 75-TOPIK imtihoniga onlayn ariza topshirish (registratsiya) 

Imtihon sanasi:
2021-yil 11-aprel (yakshanba)

Onlayn ariza topshirish vaqti:
7-yanvar soat 22:00dan

Onlayn ariza topshirish :
🔸https://topik.tashkec.uz saytiga kirib Login orqali shaxsiy kabinetga o‘tasiz. "Registratsiya" (ariza topshirish bo‘lishi ham mumkin, umuman shunga o‘xshash so‘z)ni topib bosasiz.
🔸 Anketa ochilgach bo‘sh qismlari to‘ldiriladi:
🔻TOPIK I yoki TOPIK II tanlaysiz;
🔻Imtihon o‘tkaziladigan joyni belgilaysiz (Toshkent I (Koreys markazi) yoki Toshkent II (Yoju instituti) dan birini tanlaysiz).
❗️Bu safar imtihonlar faqat Toshkent shahrida o‘tkaziladi;
🔻TOPIK haqida qayerdan xabar topganingizni belgilaysiz (xohlagan bittasini tanlasangiz ham bo‘laveradi);
🔻 Nima maqsadda topshirayotganingizni belgilaysiz (xohlagan bittasini tanlasangiz ham bo‘laveradi);
🔻"Saqlash" (yoki "Tayyor") tugmasini bosasiz.

❗️Registratsiya qilib bo‘lgach anketani chiqarib olish kerak (bunga imkon bo‘lmasa pdf variantini saqlab oling). Chunki o‘sha bilan to‘lov qilishga borasiz. To‘lov miqdori:
TOPIKⅠ : 150 000 so‘m
TOPIK II : 180 000 so‘m

❗️Joylar soni CHEGARALANGAN.
❗️2020-yil 30-dekabrgacha shaxsiy kabinetdan ro‘yxatdan o‘tmaganlar onlayn ariza topshira olmaydi.
❗️Onlayn ariza topshirish paytida oldin kiritgan ma'lumotlarni o‘zgartira olmaysiz.
❗️5 daqiqa ichida ishni yakunlay olmasangiz sayt sizni avtomatik ravishda chiqarib yuborishi mumkin. Agar shunday bo‘lsa hech qisi yo‘q, shunchaki qayta kiring.
❗️Ma'lumotlar noto‘g‘ri to‘ldirilgan hollarda markaz ma'muriyati javobgar emas.

@I_can_get_TOPIK6

Assalomu alaykum, azizlarim.

"TOPIKka registratsiya qildim" degani bu "2-3oylik astoydil O‘QISHni o‘z bo‘ynimga oldim" deganidir.
Demak, endi o‘qishni boshlash kerak. Ertaga o‘qirman, indinga qilarman, deb vaqtni surmang. Chunki endi har kuningiz g‘animat. Hali bor-ku, deb o‘ylagan vaqtingiz ko‘z ochib yumguncha o‘tadi-ketadi.

O‘qishga kelishib ham oldik. Xo‘sh, bu uchun bizga nimalar kerak?

1. Til o‘rgatuvchi kitob

Bu eng asosiy va kerakli materialdir. O‘zingizga qiziq bo‘lgan kitobni tanlashingiz va har kuni muntazam shu kitob bilan shug‘ullanishingiz lozim.

❗️Muhim jihat❗️ Tanlagan kitobingiz siz imtihon topshirayotgan darajaga mos kelishi kerak.
Koreys tili o‘rgatuvchi kitoblar 1-1,1-2 (yoki 1a, 1b),2-1,2-2 ... ko‘rinishida tartiblangan bo‘ladi. Bu nima degani? Bu 1-darajaning 1-kitobi yoki 1-darajaning 2-kitobi (va hokazo) deganidir. Boshqacha qilib aytganda har bir daraja uchun 2tadan kitob bo‘ladi. Siz kitob ustidagi raqamga qarab kitobda qaysi daraja grammatikalari berilganini bilib olishingiz mumkin.

Shu bilan birga grammatika (문법) va mashqlar (연습) kitobi alohida o‘qish (읽기) kitobi alohida bo‘ladi. A'lo natijaga erishish uchun ikkalovini baravar o‘rganish lozim.

2. TOPIK ishlash usullarini o‘rgatuvchi qo‘llanma

Bu TOPIK I (1-2-daraja) uchun alohida TOPIK II (3~6-daraja) uchun alohida bo‘ladi. TOPIK IIga tayyorlovchi qo‘llanmalar ham o‘z navbatida 읽기 va 쓰기 imtihonlarini o‘rgatuvchi kitoblarga bo‘linadi.

Odatda bu kitoblar ma'lum bir muddatga mo‘ljallangan bo‘ladi. Masalan, 25 kunlik, 30 kunlik dastur. Shu tempda borsangiz ajoyib. Biroq qiyinlik qilsa bir kunga mo‘ljallangan narsani ikki kunga bo‘lib o‘rganishingiz ham mumkin.

❗️Muhim jihat❗️ Siz bu kitoblar bilan davomiy va uzluksiz shug‘ullanishingiz kerak. Tashlab qo‘ysangiz natija ham bo‘lmaydi.

Odatda bunday kitoblar 셀프 스터디 - self study ya'ni mustaqil o‘qishga mo‘ljallangan bo‘ladi. Shuning uchun yoningizda ustoz bo‘lishi shart emas. Muhimi sizning qay darajada mehnat qilayotganingiz.

3. Imtihon topshiradigan darajangizga mos test namunalari

Bu oldingi imtihonlarda tushgan savollar ham bo‘lishi mumkin. Testlar bilan ishlash muhim jarayon chunki hamma ham bilganlarini testda ko‘rsatib bera olmaydi. Siz bunga testlarni qayta -qayta ishlab ko‘rish orqali erishasiz.

❗️Muhim jihat❗️ Testlarni qog‘oz(!)ga chiqarib olib ishlash. Yangi so‘zlarini erinmay yozib chiqish.

4. Turli dasturlar, mobil ilovalar(app), video qo‘llanmalar

Hozirda hammamizning qo‘limizda telefon mavjud va uning imkoniyatlari juda keng. Shu funksiyalardan aktiv foydalanib internetdan TOPIK imtihoniga tayyorlanuvchilar uchun mo‘ljallangan dasturlarni yuklab olib ishlatib ko‘ring. Shu bilan birga YouTubeda TOPIKka oid ko‘plab videolar darslarni topishingiz mumkin. Bular sizga yaxshi material bo‘lib xizmat qiladi.

❗️Muhim jihat❗️ Yuzlab materiallar, mobil ilovalar va video darslar orasidan to‘g‘ri tuzilgan va samaradorlarini tanlab olishingiz zarur.

@I_can_get_TOPIK6

Assalomu alaykum.

Orangizda TOPIK imtihoni haqida bilmaydigan o'quvchilar ham topiladi. Hayron bo‘lmang, bu haqiqat (2 yillik tajribamdan kelib chiqib aytyapman).
Yuqorida shunday o‘quvchilar uchun maxsus postlar va audio vebinar bor. Pasda o‘sha postlarga oson o‘tish uchun sarlavha ostida linklar qoldiraman. O‘qib chiqing, bu mendan bittalab so‘rab chiqqandan ancha tez va oson.

TOPIK nima degani?
TOPIK imtihonining o‘tkazilish tartibi qanday?
TOPIKka oid savollarga javoblar audio vebinar

@I_can_get_TOPIK6

BTS eshitasizmi?