“Mahallada obodlik va mehr-saxovat oyligi” doirasida obodonlashtirish ishlari amalga oshirildi

“Mahallada obodlik va mehr-saxovat oyligi” doirasida tumandagi “Qosim Shayx” qabristonida keng ko‘lamli obodonlashtirish va hashar ishlari tashkil etildi.

Mazkur xayrli tadbirda “Ziyokor” mahalla fuqarolar yig‘ini yettiligi, faol nuroniylar, ko‘cha vakillari hamda ko‘ngilli volontyorlar faol ishtirok etdilar. Qabriston hududini obodonlashtirish, tozalash, atrof-muhitni tartibga keltirish va sanitariya holatini yaxshilash borasida zarur ishlar amalga oshirildi.

Obodonlashtirish va hashar ishlariga 200 nafardan ziyod fuqarolar jalb etilib, ular birgalikda hududni tozalash, chiqindilarni yig‘ishtirish, mavjud tartibsizliklarni bartaraf etish hamda qabriston atrofini yanada ko‘rkam holatga keltirishga munosib hissa qo‘shdilar.

Xotin-qizlar tadbirkorligini qo‘llab-quvvatlash — ustuvor vazifa

Karmana tumani Oila va xotin-qizlar bo‘limi boshlig‘i N. Shomiyeva tomonidan xotin-qizlarning tadbirkorlik faoliyatini rivojlantirish, ularning bandligini ta’minlash, mavjud ish o‘rinlarini saqlab qolish hamda yangi ish o‘rinlarini yaratish maqsadida tumandagi «Oila maskani»da tadbirkorlik bilan shug‘ullanib kelayotgan xotin-qizlarning muammolari o‘rganildi.

Uchrashuv davomida tadbirkor ayollarning faoliyatini yanada kengaytirish, ishlab chiqarish va xizmat ko‘rsatish yo‘nalishlarini rivojlantirish, yangi loyihalarni amalga oshirish jarayonida duch kelayotgan muammo va to‘siqlariga alohida e’tibor qaratildi.

Tadbirkor xotin-qizlar tomonidan bildirilgan taklif va murojaatlar mas’ullar ishtirokida tinglanib, ularni hal etish yuzasidan tegishli amaliy chora-tadbirlar belgilab olindi.