Хайрулло Бозоров бошчилигида Сӯх туманида йиғилиш бӯлиб ӯтди

Сўх тумани Туризм штабида вилоят ҳокими Хайрулло Бозоров бошчилигида Президентнинг туманни 2026–2028 йилларда ривожлантиришга оид қарори ижроси муҳокама қилинди.

​Йиғилишда инвестиция ва инфратузилма лойиҳаларини амалга ошириш, аҳоли бандлигини таъминлаш, тадбиркорликни қўллаб-қувватлаш ҳамда туманнинг туризм салоҳиятини пўлиқ ишга солиш масалалари танқидий таҳлил қилинди.

​Вилоят ҳокими ҳар бир лойиҳани ўз вақтида ва сифатли бажариш, аҳоли турмуш даражасини оширадиган амалий натижаларга эришиш зарурлигини таъкидлади. Вазифалар ижроси ҳар ҳафта ўрганиб бориладиган бўлди.

Обуна бӯлинг👉https://t.me/kishvar24

Себзор маҳалласи «Янги Ўзбекистон қиёфасидаги маҳалла»га айлантирилмоқда

Сўх туманидаги Себзор маҳалласида «Янги Ўзбекистон қиёфасидаги маҳалла» тамойили асосида кенг кўламли бунёдкорлик ва ободонлаштириш ишлари амалга оширилмоқда.

Қарийб 3 минг нафар аҳоли истиқомат қиладиган маҳаллада, аввало, аҳолининг турмуш шароитини яхшилаш, муҳандислик-коммуникация тармоқларини модернизация қилиш ва қулай яшаш муҳитини яратишга алоҳида эътибор қаратилмоқда.

Вилоят ҳокими Хайрулло Бозоров Себзор маҳалласида бўлиб, амалга оширилаётган ишлар билан танишди.

Ҳудудда жойлашган «Хўжа Қулфи занжир кушо» зиёратгоҳи ҳам кўздан кечирилди. Мазкур маданий мерос объектини таъмирлаш, тарихий қиёфасини сақлаган ҳолда ободонлаштириш ҳамда зиёратчилар учун муносиб шароитлар яратиш режалаштирилган.

Вилоят раҳбари маҳаллада олиб борилаётган бунёдкорлик ишларини белгиланган талаблар асосида сифатли бажариш, мавжуд муаммоларни ўз вақтида бартараф этиш ва аҳолига қулайлик яратиш масалалари юзасидан масъулларга тегишли топшириқлар берди.