#Farovonlik_sari

So‘x o‘zgarishlar og‘ushida

Davlatimiz rahbarining alohida e’tiborida bo‘lgan So‘x tumanida keng ko‘lamli bunyodkorlik ishlari amalga oshirilib, aholi turmush farovonligini yuksaltirish, qulay sharoitlar yaratishga qaratilgan islohotlar jadal davom etmoqda.

Tog‘lar bag‘rida joylashgan hudud bugun tobora yangilanib, zamonaviy va go‘zal qiyofa kasb etmoqda.

O‘zgarishlar, yaratilayotgan imkoniyatlar so‘xliklarga katta quvonch va ko‘tarinkilik bag‘ishlamoqda.

Batafsil videoda.

Fergana.gov.uz|Facebook|Instagram|Youtube|X

“Ishonch” — mushtariylar ko‘nglidan joy olayotgan gazeta

O‘zbekiston kasaba uyushmalari Federatsiyasi Farg‘ona viloyati kengashida “Ishonch” va “Ishonch-Доверие” gazetalari tahririyati jamoasining farg‘onalik mushtariylar bilan ijodiy uchrashuvi tashkil etildi.

Har yili an’anaviy tarzda o‘tkazilib kelinayotgan ijodiy uchrashuv tahririyat uchun ham, gazetxonlar uchun ham foydali bo‘lib kelgan.

Mushtariylar bilan yuzma-yuz muloqot qilish, ularning fikr va takliflarini tinglash gazetaning mazmun mundarijasini boyitishga xizmat qilib kelmoqda.

Fikr-munozaralarga boy tarzda kechgan uchrashuvga taklif etilgan mehmonlar va mushtariylar “Ishonch” va “Ishonch-Доверие” gazetalari respublikamizdagi yetakchi nashrga aylangani, uning sahifalaridagi rang-barang mavzulardagi chiqishlar o‘quvchilarni befarq qoldirmayotgani, ayniqsa, tahliliy va tanqidiy maqolalarga keng o‘rin berilayotganini ta’kidlab o‘tdilar.

Tadbirda so‘z olgan tahririyat xodimlari jamoaning ijodiy rejalari haqida so‘z yuritar ekan, gazeta sahifalarini yanada rang-barang qilishda gazetxonlarning takliflari muhim ekanligini qayd etdi. Ijodiy muloqotda so‘z olgan yetakchi jurnalistlar bugun “Ishonch” gazetasi hech mubolag‘asiz mushtariylar ko‘nglidan joy olayotgani va mehrini qozonayotganini ta’kidlashdi.

Albatta, bugungi tezkor axborot zamonida zamon bilan hamnafas bo‘lish lozim. Tahririyat ham shunga monand raqamli platformalardagi faolligini kuchaytirmoqda. Xususan, ishonch.uz sayti, Facebook, Telegram, Instagram, YouTube kabi ijtimoiy tarmoqlardagi sahifalar orqali materiallar keng ommaga yetkazilyapti.

Muloqot davomida mushtariylar tomonidan gazetaning mazmun-mundarijasini boyitish, kasaba uyushmalari faoliyatini yanada kengroq yoritishga oid talay takliflar ham o‘rtaga tashlandi.

Uchrashuvda bir guruh faol gazetxonlarga tahririyatning samimiy minnatdorchiligi sifatida esdalik sovg‘alari topshirildi.

Uchrashuv davomida viktorina o‘yini ham tashkil etildi. Ishtirokchilarga kasaba uyushmalari va tahririyat faoliyatiga doir savollar berildi. To‘g‘ri javob bergan mushtariylarga “Ishonch” gazetasi va “Vatan” jurnalining bir yillik bepul obuna sertifikati sovg‘a qilindi.

O‘zbekiston kasaba uyushmalari Federatsiyasining Farg‘ona viloyati Kengashi

Facebook | Telegram | Sayt