“Rahbar, yoshlar va yosh ishchi-xodimlar uchrashuvi”
O‘zbekiston kasaba uyushmalari Federatsiyasining Farg‘ona viloyat Kengashi tomonidan “Rahbar, yoshlar va yosh ishchi-xodimlar uchrashuvi” tashkil etildi. Uchrashuvda kasaba uyushmalari tizimida yoshlar bilan ishlash bo‘yicha 2026-yilning 9 oyi davomida amalga oshirilgan ishlar, erishilgan natijalar hamda kelgusidagi ustuvor vazifalar muhokama qilindi.

Mazkur uchrashuvning asosiy maqsadi yoshlar va yosh ishchi-xodimlarni qo‘llab-quvvatlash, ularning taklif va tashabbuslarini o‘rganish, kasaba uyushmalari faoliyatidagi ishtirokini yanada kengaytirish, shuningdek, yoshlarning mehnat va ijtimoiy huquqlarini himoya qilish borasida amalga oshirilayotgan ishlar samaradorligini oshirishdan iborat bo‘ldi.

Uchrashuv davomida kasaba uyushmalari tizimida yoshlar bilan ishlash yo‘nalishida hisobot davrida amalga oshirilgan ishlar, yoshlarning ijtimoiy-iqtisodiy manfaatlarini ta’minlash, ularning bilim va salohiyatini rivojlantirish, mehnat jamoalarida yoshlar uchun munosib shart-sharoitlar yaratish hamda yosh ishchi-xodimlarning kasaba uyushmalari faoliyatidagi faolligini oshirish borasida olib borilgan ishlar yuzasidan ma’lumotlar berildi.

Shuningdek, yoshlarning bandligini ta’minlash, mehnat huquqlari va qonuniy manfaatlarini himoya qilish, ularning kasbiy rivojlanishi uchun imkoniyatlar yaratish, ijtimoiy qo‘llab-quvvatlash mexanizmlarini takomillashtirish hamda yosh ishchi-xodimlarni qiynayotgan muammolarni o‘rganish masalalariga alohida e’tibor qaratildi.

Muloqot jarayonida yoshlar va yosh ishchi-xodimlarning fikr-mulohazalari, taklif va tashabbuslari tinglanib, ularni qiziqtirgan masalalar yuzasidan tegishli tushuntirishlar berildi. Shu bilan birga, kelgusida yoshlar bilan ishlash samaradorligini yanada oshirish, ularning tashabbuslarini qo‘llab-quvvatlash, mehnat jamoalarida ijtimoiy sheriklikni mustahkamlash hamda kasaba uyushmalari faoliyatida yoshlarning o‘rni va rolini kuchaytirish bo‘yicha ustuvor vazifalar belgilab olindi.

O‘zbekiston kasaba uyushmalari Federatsiyasining Farg‘ona viloyat Kengashi.

Facebook | Telegram | fargona.kasaba.uz

Samarqand safari unutilmas taassurotlarga boy bo‘ldi!
Madaniyat, sport va turizm xodimlari kasaba uyushmasi Farg‘ona viloyati birlashgan qo‘mitasi raisi Manzuraxon Akramova tarmoqda mehnat qilayotgan har bir xodimni qo‘llab-quvvatlash, kasaba uyushmasi imkoniyatlaridan barcha a’zolar birdek foydalanishini ta’minlashga alohida e’tibor qaratadi.
 Shu bois sayohatlar tashkil etilganda ilgari bunday imkoniyatdan foydalanganlardan ko‘ra, hali sayohatga bormagan xodimlarga e’tibor qaratiladi. Bu gal ham Samarqand shahriga uyushtirilgan sayohatga ilgari safarga chiqmagan 30 nafar kasaba uyushmasi a’zosi tanlab olindi.
 Safar Marg‘ilon shahri temir yo‘l vokzalidan boshlandi. Hamkasblar o‘rtasidagi samimiy suhbatlar, o‘zaro muloqot va ko‘tarinki kayfiyat safarga o‘zgacha fayz bag‘ishladi.
Nihoyat, qadimiy va navqiron Samarqandga yetib kelindi. Asrlar davomida o‘zining mahobati va go‘zalligi bilan sayyohlarni maftun etib kelayotgan bu shahar ularda katta qiziqish uyg‘otdi.
Sayohat dasturidan o‘rin olgan Imom Buxoriy yodgorlik majmuasi ishtirokchilarda katta taassurot qoldirdi. Majmuaga tashrif davomida ular nafaqat tarixiy maskan bilan yaqindan tanishdilar, balki buyuk ajdodlarimiz qoldirgan boy ilmiy-ma’naviy meros haqidagi tasavvurlarini ham boyitdilar.
 Samarqandning boshqa tarixiy maskanlari bilan tanishuv ham safarning mazmunli o‘tishiga xizmat qildi. Har bir obida, har bir tarixiy manzil o‘ziga xos tarix va xotirani mujassam etgani bilan ishtirokchilar e’tiborini tortdi.
— Samarqandga sayohat qilib, bir olam taassurot oldim. Ko‘rmagan joylarimni ko‘rdim, — deydi So‘x tumanidagi 2-sonli sport maktabi hamshirasi Fariza G‘oipova.Bunday tarixiy maskanlarni o‘z ko‘zing bilan ko‘rishning zavqi boshqacha ekan. Sayohatdan unutilmas taassurotlar oldim. Bizga shunday imkoniyat yaratilganidan juda xursandman.
 Madaniyat, sport va turizm xodimlari kasaba uyushmasi viloyat birlashgan qo‘mitasi tomonidan tashkil etilayotgan bunday sayohatlar har bir a’zo doimo e’tiborda ekanini anglatadi. Qolaversa, bu kabi sayohatlar hali ko‘plab tashkil etiladi.

O‘zbekiston kasaba uyushmalari Federatsiyasining Farg‘ona viloyat Kengashi.

Facebook | Telegram | fargona.kasaba.uz