Ang Pag-iwan ni Abū al-Ḥasan al-Ashʿarī sa Paniniwalang Ashʿariyyah | Abū Mulaykah Ṭāhir bin Manṣūr

https://youtu.be/KzjFavzU6BM?si=b2hI0ipzMCHvdwPd

[NEW FATWA]

📌 Getting to Know a Potential Spouse Through the Internet

✍️ Shaykh ‘Ubayd ibn ‘Abdillāh al-Jābirī

🔗 Read: https://salafitranslations.com/getting-to-know-a-potential-spouse-through-the-internet

Kung Ito ang Sinabi Nila sa Islām Noon, Ano Pa Kaya Ngayon? | Abū Mulaykah Ṭāhir bin Mansoor

Isang pagninilay sa sinabi ni Shaykh Ḥamūd at-Tuwayjirī رحمه الله tungkol sa paglala ng kasamaan at paglayo ng mga tao sa mga bakas ng pagkapropeta. Kung ito ang kalagayan ng Islām noon, ano pa kaya ang masasabi nila kung nakita nila ang ating panahon?

📖 Mula sa lecture: “Ang mga Ghurabāʾ: Kakaunti ang Naninindigan sa Katotohanan”

📍 Online Webinar | Markaz al-Ikhlāṣ
🗓 13 Ṣafar 1448H | Hulyo 25, 2026

https://youtu.be/bRpAXovTppM

﷽

Kung mayroon kayong mga katanungang nais iparating sa ating mga mashāyikh, maaari ninyong ipadala ang mga ito sa pamamagitan ng Google Form sa ibaba:

📝 https://forms.gle/NJ3mK1BbPCJB4zYg7

Kapag nagkaroon kami ng pagkakataon, itatanong namin ang mga ito sa kanila at ipo-post ang kanilang mga kasagutan sa ating Telegram channel:

📲 https://t.me/kasagutanataral

Alḥamdulillāh, halos lahat ng aking mga dating klase, khuṭbah, at mga aralin sa dawrah ay nai-upload na sa aking bagong YouTube channel.

Maaari na ninyong panoorin, pakinggan, at balikan ang mga aralin.

▶️ https://www.youtube.com/@tahirbinmansoor

أسأل الله أن ينفع بها المسلمين، وأن يجعلها سببا لنجاتي من النار، يوم لا ينفع مال ولا بنون.

Sinabi ni Ibn al-Qayyim رحمه الله:

وقد جعل النبي ﷺ الجهل داء، وجعل دواءه سؤال العلماء.

“At inilarawan ng Propeta ﷺ ang kamangmangan bilang isang sakit at ang pagtatanong sa mga ʿulamāʾ (iskolar) bilang gamot dito.”

— Ad-Dāʾ wa ad-Dawāʾ, 1/5
✍️ Isinalin ni Abū Mulaykah Ṭāhir bin Mansoor

Alḥamdulillāh, biniyayaan kami ng Allāh na makadalo kagabi sa dawrah ni Shaykh Badr al-ʿAnazī حفظه الله sa Makkah.

Doon ay nakita namin si Shaykh ʿAbdurraḥmān al-Muwāsī حفظه الله. Lumapit kami sa kanya at nagbigay ng salām, at kinamusta niya kami, at tinanong ang ibang mga Ikhwah kung nag-aaral ba sila dito sa Saudi o dumating para sa Umrah.

Pagkatapos, humingi kami sa kanya ng payo, at sinabi niya:

“Pinapayuhan ko kayong magkaroon ng taqwā sa Allāh, umiwas sa mga fitan, maging abala sa pagbabasa ng Qurʾān, palampasin ang maliliit na pagkakamali ng isa’t isa, at magkaroon ng mabuting ṣuḥbah (samahan).”

Nagkaroon din kami ng pagkakataong makaupo kasama si Shaykh Badr al-ʿAnazī حفظه الله. Kinumusta niya ang kalagayan ng Daʿwah sa Pilipinas at nagbahagi rin ng iba’t ibang aral.

━━━━━━━━━━━━━━

✍️ Isinulat ni: Abū Mulaykah Ṭāhir bin Mansoor
🗓️ 23 Rabīʿ al-Awwal 1448H | September 4, 2026

Isa sa mga huling payong ibinigay ni Shaykh ʿArafāt al-Muḥammadī حفظه الله sa amin bago siya umalis sa Davao ay ito:

“Kapag may nakita tayong taong nagmamahal sa Salafiyyah at tumatanggap ng payo, ilapit natin siya at huwag natin siyang itaboy. At kung mayroon man siyang mga pagkukulang o pagkakamali, payuhan natin siya.”

Isa ito sa mga patunay ng pagsisikap ng Shaykh na tayo ay magkaisa at huwag magkawatak-watak.

🚨 𝐀𝐧𝐠 𝐏𝐚𝐠𝐝𝐚𝐦𝐢, 𝐏𝐚𝐠𝐥𝐚𝐠𝐚𝐧𝐚𝐩, 𝐚𝐭 𝐏𝐚𝐠𝐢𝐠𝐢𝐧𝐠 𝐇𝐚𝐲𝐚𝐠 𝐧𝐠 𝐙𝐢𝐧𝐚‌ 🚨

Isinalaysay sa Ṣaḥīḥ al-Bukhārī (80), mula kay Anas ibn Mālik رضي الله عنه, na sinabi ng Sugo ng Allāh ﷺ:

إِنَّ مِنْ أَشْرَاطِ السَّاعَةِ ... وَيَظْهَرَ الزِّنَا

“Katotohanan, kabilang sa mga palatandaan ng Araw ng Paghuhukom”—at binanggit niya ang ilan sa mga ito—“ay ang paglitaw ng zinā.”

Sa isa pang salaysay sa Ṣaḥīḥ al-Bukhārī (5231):

وَيَكْثُرَ الزِّنَا

“Dadami ang zinā.”

At sa isa pang salaysay sa Ṣaḥīḥ Muslim (2671):

وَيَفْشُوَ الزِّنَا

“Lalaganap ang zinā.”

Sinabi ni al-Ḥāfiẓ Ibn Ḥajar رحمه الله:

وَيَظْهَرَ الزِّنَا أَيْ يَشِيعُ وَيَشْتَهِرُ بِحَيْثُ لَا يَتَكَاتَمُ بِهِ لِكَثْرَةِ مَنْ يَتَعَاطَاهُ

“Ang kahulugan ng ‘lilitaw ang zinā’ ay lalaganap at magiging hayag ito, hanggang sa hindi na ito inililihim dahil sa dami ng mga gumagawa nito.”

— Fatḥ al-Bārī (12/114).

━━━━━━━━━━━━━━

✍️ Isinalin ni: Abū Mulaykah Ṭāhir bin Mansoor
🗓️ 27 Rabīʿ al-Awwal 1448H | September 9, 2026

⁉️ ANG PAGSALI NG MGA KABABAIHAN SA SPORTS NA MAY MGA KALALAKIHAN ⁉️

1️⃣8️⃣3️⃣ [Pinaikling tanong]

Ano ang hatol sa isang babaeng Muslim na nakasuot ng wastong ḥijāb at niqāb kung sasali siya sa isang laro sa court na may mga lalaking hindi niya maḥram? Wala namang pisikal na pagdidikit, hindi niya layuning kumuha ng atensyon ng mga lalaki, at ang layunin lamang niya ay mag-exercise, o makipagkompetensya. Ngunit habang naglalaro, makikita ng mga lalaki ang kaniyang pagtakbo at iba’t ibang galaw ng katawan. Pinahihintulutan ba siyang sumali sa ganitong kalagayan?

———

🟢 Sinagot ni Shaykh ʿArafāt al-Muḥammadī حفظه الله:

Lā ḥawla wa lā quwwata illā billāh. Hindi ito ipinapahintulot. Ang paggalaw niya ng kaniyang katawan sa ganitong kalagayan ay hindi ipinapahintulot. Hindi ko alam kung ano ang gusto ng mga babaeng ito. Nawa’y ayusin sila ng Allāh.

Sinabi ko: Maaaring ang court ay pinupuntahan ng iba’t ibang tao—ang iba ay naglalaro rito, at ang iba naman ay naglalaro doon.

Sinabi ni Shaykh: Ibig sabihin, naglalaro roon ang mga babae at mga lalaki. Ito ay ḥarām. Ang paghahalo ng mga kalalakihan at kababaihan ay ḥarām.

Dapat gampanan ng babae ang kaniyang mga tungkulin bilang babae. Kikilos siya sa kaniyang bahay, magluluto at maglilinis. Ito ang pinakamainam na ehersisyo para sa kaniya—isang malusog at natural na pagkilos. Ngunit sa ganitong uri ng exercise, ano ba ang gusto niya—magkaroon ng mga muscle? Wallāhi, nagtataka ako sa mga babaeng ito.

————————

✍️ Isinalin ni: Abū Mulaykah Ṭāhir bin Manṣūr
📍 Sa bahay ni Shaykh, al-Madīnah an-Nabawiyyah
🗓 29 Rabīʿ al-Awwal 1448H | Setyembre 10, 2026

Ang mga Ghurabāʾ: Kakaunti ang Naninindigan sa Katotohanan | Abū Mulaykah Ṭāhir bin Mansoor

Isang paalala tungkol sa mga Ghurabāʾ—ang kakaunting nananatiling matatag sa katotohanan habang lumalaganap ang pagkaligaw, pagbabago sa relihiyon at paglayo sa Sunnah.

https://youtu.be/AjeoaEFNjIo?si=Jp4ek8Ar_6tUyu_q

🌷 KAPAG PINIPINSALA NG ISANG BABAE ANG KANIYANG ASAWA… 🌷

Mula kay Muʿādh bin Jabal رضي الله عنه: Sinabi ng Propeta ﷺ:

لا تؤذي امرأة زوجها في الدنيا، إلا قالت زوجته من الحور العين: لا تؤذيه، قاتلك الله، فإنما هو عندك دخيل، يوشك أن يفارقك إلينا.

Walang babaeng pumipinsala sa kaniyang asawang lalaki sa mundo, maliban na lamang na sasabihin sa kaniya ng asawang babae nito mula sa mga Ḥūr al-ʿĪn: Huwag mo siyang pinsalain! Nawa’y labanan ka ng Allāh! Sapagkat siya ay isa lamang bisita sa iyo, at malapit na siyang humiwalay sa iyo patungo sa amin.

— Isinalaysay nina Imām at-Tirmidhī (1174), Imām Ibn Mājah (2014), at Imām Aḥmad (22101). Itinuring na ṣaḥīḥ ni Shaykh al-Albānī.

━━━━━━━━━━━━━━

✍️ Isinalin ni: Abū Mulaykah Ṭāhir bin Mansoor
🗓️ 03 Rabīʿ al-Ākhir 1448H | 14 September 2026

Pagdating ng Propeta ﷺ sa Madīnah, isa sa mga unang ginawa niya ay ang pagtatatag ng pagkakapatiran sa pagitan ng mga Muhājirīn (mga taga-Makkah) at ng al-Anṣār (mga taga-Madīnah).

Ngunit ngayon, may mga Muslim na pumapatay ng kanilang kapwa Muslim dahil lamang sa halalan (election) at demokrasya.