🧳 ANG PAGLALAKBAY AY ISANG BAHAGI NG PAGHIHIRAP 🧳

Mula kay Abū Hurairah رضي الله عنه, na nag-ulat na sinabi ng Propeta ﷺ:

السَّفَرُ قِطعةٌ مِنَ العَذابِ، يَمنَعُ أحَدَكُم طَعامَه وشَرابَه ونَومَه، فإذا قَضى نَهمَتَه، فليُعَجِّلْ إلى أهلِه.

“Ang paglalakbay ay isang bahagi ng paghihirap. Hinahadlangan nito ang isa sa inyo sa kanyang pagkain, pag-inom, at pagtulog. Kaya kapag natapos na niya ang kanyang pakay, magmadali siyang (umuwi) sa kanyang pamilya.”

— Iniulat ni Imām al-Bukhārī (1804) at Imām Muslim (1927).

━━━━━━━━━━━━━━

✍️ Isinalin ni: Abū Mulaykah Ṭāhir bin Mansoor
🗓 23 Rabīʿ al-Thānī 1448H | October 04, 2026

⚖️𝗣𝗮𝗴-𝗮𝗮𝘀𝗮𝘄𝗮 𝗻𝗴 𝗣𝗮𝗻𝗴𝗮𝗹𝗮𝘄𝗮𝗻𝗴 𝗔𝘀𝗮𝘄𝗮: 𝗞𝗮𝗵𝗶𝘁 𝗪𝗮𝗹𝗮𝗻𝗴 𝗞𝗮𝗸𝘂𝗹𝗮𝗻𝗴𝗮𝗻 𝘀𝗮 𝗨𝗻𝗮𝗻𝗴 𝗔𝘀𝗮𝘄𝗮⚖️

Sinabi ni Shaykh Ibn Bāz رحمه الله:

❝Walang masama sa pagkakaroon ng higit sa isang asawa (sa mga kalalakihan), kahit na ang kanyang kasalukuyang asawa ay matuwid, mabuti, walang sakit o kapansanan, at kahit kaya niyang magkaanak. Walang problema sa ganito basta may kakayahan ka sa pag-aasawa at maging makatarungan, Alḥamdulillāh.❞

―――

[Mula sa website ni Shaykh Ibn Bāz]

✍️ Isinalin ni Abū Mulaykah Tāhir Bin Mansoor
📍Al-Madīnah an-Nabawiyyah
🗓 Rabīʿ ath-Thānī 02, 1446H | Oktubre 05, 2024

📝 𝗔𝗻𝗴 𝗣𝗮𝗴𝘁𝗮𝘁𝗮𝗻𝗴𝗴𝗼𝗹 𝗸𝗮𝘆 𝗦𝗵𝗮𝘆𝗸𝗵 ʿ𝗔𝗿𝗮𝗳𝗮̄𝘁 𝗮𝗹-𝗠𝘂𝗵̣𝗮𝗺𝗺𝗮𝗱𝗶̄ (𝟭𝟮𝟯 𝗽𝗮𝗴𝗲𝘀)

Sa sulating ito, ipinaliwanag at sinagot natin ang ilan sa mga paratang laban kay Shaykh ʿArafāt al-Muḥammadī, kasama ang mga katibayan, mga pahayag ng mga ʿUlamāʾ at Mashāyikh, at ang ilang bagay na personal nating narinig at nasaksihan.

Kabilang dito ang paratang na sinuportahan niya ang STC sa pagrerebelde nito sa Yemen, itinago ang fatwā ni Shaykh Rabīʿ, at inatake ang mga iskolar tulad nina Shaykh ʿAbd al-Muḥsin al-ʿAbbād, at Shaykh al-Albānī, at iba pang mga paratang.

Binanggit din natin ang ilang mahahalagang pundasyon sa pagsasalita at pagtanggap ng mga balita, ang mga papuri at pagtatanggol ng mga iskolar sa Shaykh, at ang fitnah ni Muḥammad bin Hādī at ang pagpapatuloy nito.

Hinihiling natin sa Allāh na maging kapaki-pakinabang ito at makatulong upang maging malinaw ang mga usapin sa sinumang nagnanais ng katotohanan.

🔗 https://t.me/KasagutanAtAral/899
🔗 https://drive.google.com/file/d/1-jvBQ4j1IUOOcVZJXVp4eWXLJFafzP1Z/view

━━━━━━━━━━━━━━

✍️ Isinulat ni Abū Mulaykah Tāhir Bin Mansoor
📍 Al-Madīnah an-Nabawiyyah
🗓 Rabīʿ ath-Thānī 28, 1448H | Oktubre 09, 2026

🕋 Ang pitong kondisyon ng Lā ilāha illā Allāh 🕋

1) Kaalaman
2) Katiyakan
3) Pagtanggap
4) Pagsunod
5) Katapatan
6) Sinseridad
7) Pagmamahal

Sabi ni al-Ḥāfiẓ al-Ḥakamī sa Sullam al-Wuṣūl:

‏الْعِلْمُ وَالْيَقِينُ وَالْقَبُولُ
وَالْانْقِيَادُ فَادْرِ مَا أَقُولُ
‏وَالصِّدْقُ وَالْإِخْلَاصُ وَالْمَحَبَّهْ
وَفَّقَكَ اللَّهُ لِمَا أَحَبَّهْ

Ang kaalaman, katiyakan, pagtanggap, at pagsunod—kaya unawain mo ang sinasabi ko.

At ang katapatan, sinseridad, at pagmamahal—nawa’y tulungan ka ng Allāh na magawa ang Kanyang minamahal.

━━━━━━━━━━━━━━

✍️ Inihanda ni Abū Mulaykah Tāhir Bin Mansoor
🗓 Rabīʿ ath-Thānī 29, 1448H | Oktubre 10, 2026

Ang Pagbabawal sa Paggawa ng Libingan Bilang Lugar ng Pagsamba | Abū Mulaykah Ṭāhir bin Mansoor.

https://youtu.be/Ucz8TrPvEL8?si=oRGcEiZGE2ncleYs

📢 New Free E-book in Tagalog! 🇵🇭

✨ Al-Qawāʿid al-Arbaʿ — Ang Apat na Alituntunin

Sinabi ni Shaykh ʿAbd al-ʿAzīz ibn Bāz tungkol sa apat na alituntuning ito:

“Sinumang makaunawa sa mga ito at lubos na makaintindi sa mga ito ay mauunawaan niya ang relihiyon ng mga Mushrik at mauunawaan niya ang relihiyon ng mga Muslim.”

📖 Basahin nang libre dito:
👉https://dukkaan.store/product/al-qawaid-al-arba-ang-apat-na-alituntunin/

⚠️𝗕𝗮𝗸𝗶𝘁 𝗛𝗶𝗻𝗱𝗶 𝗗𝗮𝗽𝗮𝘁 𝗣𝗮𝗶𝗸𝗹𝗶𝗶𝗻 𝗮𝗻𝗴 𝗦𝗮𝗹𝗮𝘄𝗮̄𝘁 𝘀𝗮 𝗦𝘂𝗴𝗼 𝗻𝗴 𝗔𝗹𝗹𝗮̄𝗵 ﷺ
⚠️

✍️Ito ay katumbas ng (SAW), (PBUH), (SAAW), at (SAWS) sa Ingles.

Sinabi ni al-ʿAllāmah as-Sakhāwī (p. 902H) [Isa siya sa mga estudyante ni al-Ḥāfiẓ Ibn Ḥajar al-ʿAsqalānī] رحمه الله:

(وَاجْتَنِبْ) أَيُّهَا الْكَاتِبُ (الرَّمْزَ لَهَا) أَيْ: لِلصَّلَاةِ على رُسُولِ اللَّهِ صَلَّى اللَّهُ عَلَيْهِ وَسَلَّمَ فِي خَطِّكَ، بِأَنْ تَقْتَصِرَ مِنْهَا عَلَى حَرْفَيْنِ وَنَحْوِ ذَلِكَ، فَتَكُونَ مَنْقُوصَةً صُورَةً، كَمَا يَفْعَلُهُ الْكِسَائِيُّ وَالْجَهَلَةُ مِنْ أَبْنَاءِ الْعَجَمِ غَالِبًا وَعَوَامُّ الطَّلَبَةِ، فَيَكْتُبُونَ بَدَلًا عَنْ صَلَّى اللَّهُ عَلَيْهِ وَسَلَّمَ: ص، أَوْ صم، أَوْ صلم، أَوْ صلعم، فَذَلِكَ لِمَا فِيهِ مِنْ نَقْصِ الْأَجْرِ لِنَقْصِ الْكِتَابَةِ خِلَافُ الْأَوْلَى.

“At iwasan mo, O manunulat, ang paikliin ito — ang Ṣalāt sa Sugo ng Allāh ﷺ sa iyong pagsusulat — sa pamamagitan ng paggamit lamang ng dalawang titik o katulad nito.

Sapagkat, magiging kulang ang anyo nito, gaya ng ginawa ni al-Kisāʾī, at ng mga mangmang mula sa mga hindi-Arab, gayundin ng mga karaniwang mag-aaral.

Kaya isinusulat nila kapalit ng ﷺ ang: (ص), o (صم), o (صلم), o (صلعم).

At ito ay nagiging dahilan ng kakulangan sa gantimpala dahil sa kakulangan sa pagsusulat, at ito rin ay salungat sa nararapat.”

📜Fatḥ al-Mughīth (3/71–72)

————

✍️ Isinalin ni Abū Mulaykah Tāhir Bin Mansoor
📍Al-Madīnah an-Nabawiyyah
🗓 Rabīʿ al-Awwal 12, 1447H | Setyembre 04, 2025

💔𝗔𝗻𝗴 𝗣𝗶𝗻𝗮𝗸𝗮𝗺𝗮𝗹𝗮𝗸𝗶𝗻𝗴 𝗧𝗮𝗴𝘂𝗺𝗽𝗮𝘆 𝗻𝗴 𝗦𝗵𝗮𝘆𝘁̣𝗮̄𝗻: 𝗔𝗻𝗴 𝗣𝗮𝗴𝗵𝗶𝗵𝗶𝘄𝗮𝗹𝗮𝘆 𝗻𝗴 𝗠𝗮𝗴-𝗮𝘀𝗮𝘄𝗮💔

Mula kay Jābir bin ʿAbdillāh, na ang Sugo ng Allāh ﷺ ay nagsabi:

«إِنَّ إِبْلِيسَ يَضَعُ عَرْشَهُ عَلَى الْمَاءِ، ثُمَّ يَبْعَثُ سَرَايَاهُ، فَأَدْنَاهُمْ مِنْهُ مَنْزِلَةً، أَعْظَمُهُمْ فِتْنَةً، يَجِيءُ أَحَدُهُمْ، فَيَقُولُ: فَعَلْتُ كَذَا وَكَذَا، فَيَقُولُ: مَا صَنَعْتَ شَيْئًا، قَالَ: ثُمَّ يَجِيءُ أَحَدُهُمْ، فَيَقُولُ: مَا تَرَكْتُهُ حَتَّى فَرَّقْتُ بَيْنَهُ وَبَيْنَ امْرَأَتِهِ، قَالَ: فَيُدْنِيهِ مِنْهُ، وَيَقُولُ: نِعْمَ أَنْتَ».

“Katotohanan, inilalagay ni Iblīs ang kanyang trono sa ibabaw ng tubig. Pagkatapos, ipinapadala niya ang kanyang mga sundalo, at ang pinakamalapit sa kanya sa katayuan ay ang sinumang nagdudulot ng pinakamalaking fitnah.

Darating ang isa sa kanila at magsasabi: ‘Ginawa ko ang ganito at ganoon.’ At sasabihin ni Iblīs: ‘Wala kang nagawang anuman.’

Sinabi niya: Pagkatapos, darating ang isa sa kanila at magsasabi: ‘Hindi ko siya tinigilan hanggang sa napaghiwalay ko silang mag-asawa.’

Sinabi niya: Pagkatapos, palalapitin siya ni Iblīs sa kanyang sarili at sasabihin: ‘Napakagaling mo!’”

— Ṣaḥīḥ Muslim (2813).

━━━━━━━━━━━━━━

✍️ Isinalin ni: Abū Mulaykah Tāhir Bin Mansoor
🗓 Jumādā al-Ūlā 04, 1448H | Oktubre 15, 2026

📚 Book Pre-Orders from Madīnah!

Order books for our community classes or request other Arabic titles.

⏳ Deadline: October 25, 2026
📝 Order Here
📌 Ordering Instructions & Updates

📦 Shipping fees are charged separately.

🤲 Jazākumullāhu khayran!

⚠️ 𝗛𝗶𝗻𝗱𝗶 𝗹𝗮𝗵𝗮𝘁 𝗻𝗴 𝗻𝗮𝗵𝘂𝗵𝘂𝗹𝗼𝗴 𝘀𝗮 𝗕𝗶𝗱ʿ𝗮𝗵 𝗮𝘆 𝗺𝗮𝘁𝗮𝘁𝗮𝘄𝗮𝗴 𝗻𝗮 𝗠𝘂𝗯𝘁𝗮𝗱𝗶ʿ ⚠️

Sinabi ni Shaykh Rabīʿ bin Hādī al-Madkhalī:

«وبعدها يا إخوة، ليس كل من وقع في شيء من البدع يسمى مبتدعا، بارك الله فيكم، ليس كل من وقع في بدعة نسميه مبتدعا، هذا مذهب الحدادية فقط.»

“At pagkatapos nito, o mga kapatid, hindi lahat ng nahuhulog sa alinman sa mga Bidʿah ay tinatawag na Mubtadiʿ. Bārakallāhu fīkum. Hindi lahat ng nahuhulog sa Bidʿah ay tinatawag nating Mubtadiʿ. Ito ay Madhhab (pamamaraan) lamang ng (sektang) Ḥaddādiyyah.”

🔗 Opisyal na website ni Shaykh Rabīʿ al-Madkhalī: https://rabee.net/alfatawi/هل-قول-الألباني-إن-العمل-شرط-كمال-وليس/

━━━━━━━━━━━━━━

✍️ Isinalin ni: Abū Mulaykah Tāhir Bin Mansoor
🗓 06 Jumādā al-Ūlā 1448H | 17 Oktubre 2026

﷽

Kung mayroon kayong mga katanungang nais iparating sa ating mga mashāyikh, maaari ninyong ipadala ang mga ito sa pamamagitan ng Google Form sa ibaba:

📝 https://forms.gle/NJ3mK1BbPCJB4zYg7

Kapag nagkaroon kami ng pagkakataon, tulad ng pagbibisita namin kay Shaykh 'Arafat bukas, itatanong namin ang mga ito sa kanila at ipo-post ang kanilang mga kasagutan sa ating Telegram channel:

📲 https://t.me/kasagutanataral

⁉️ ANG PAGMANA NG MUSLIM NA ANAK SA HINDI-MUSLIM NA NANAY ⁉️

1️⃣8️⃣4️⃣ [Pinaikling tanong]

Isang lalaki ang nagbalik-Islam, at siya lamang ang Muslim sa kanilang magkakapatid. Pumanaw ang kanyang ina at nag-iwan ng lupa at bahay. Ngunit hindi niya alam kung nagbalik-Islam ang kanyang ina o hindi. Ano ang hatol sa pagmana niya rito?

———

🟢 Sinagot ni Shaykh ʿArafāt al-Muḥammadī حفظه الله (sa buod):

Makatuwiran bang hindi niya alam kung nagbalik-Islam ang kanyang nanay o hindi?

Kung ang dati niyang kalagayan ay hindi-Muslim, mananatili ang hatol na siya ay hindi-Muslim hangga’t walang katibayan na pumasok siya sa Islam.

Ngunit kung sasabihin ng anak: “Nagbalik-Islam siya noong ganitong taon. Narinig ko siya, pinayuhan ko siya, at pumasok siya sa Islam,” sa ganitong kalagayan, may karapatan siyang magmana.

Subalit kung ang kanyang ina ay hindi-Muslim, wala siyang karapatang magmana mula rito, dahil hindi nagmamana ang isang Muslim mula sa isang hindi-Muslim.

Ngunit, kung may iniwang waṣiyyah (habilin) ang kanyang ina para sa kanya, maaari niya ito tanggapin.

————————
✍️ Tinanong ni: Abū Mulaykah Ṭāhir bin Manṣūr
📍 Sa bahay ng Shaykh, al-Madīnah an-Nabawiyyah
🗓 08 Jumādā al-Ūlā 1448H | Oktubre 19, 2026

⁉️ ANG PAGSASAGAWA NG AUTOPSY SA BANGKAY NG ISANG MUSLIM ⁉️

1️⃣8️⃣5️⃣ [Tanong]

Ano ang hatol sa pagsasagawa ng autopsy sa bangkay ng isang Muslim upang malaman ang sanhi ng kanyang pagkamatay, o matuklasan kung may naganap na krimen o kapabayaang medikal, kahit iniutos ito ng mga awtoridad nang walang pahintulot ng kanyang pamilya?

Ano ang mga alituntuning dapat sundin upang mapangalagaan ang dangal ng yumao, lalo na kung may ibang paraan ng pagsusuri, may ilang organo na itatabi, o maaantala ang kanyang paglilibing?

At maaari ba itong gawin para sa pagtuturo o siyentipikong pananaliksik?

———

🟢 Sinagot ni Shaykh ʿArafāt al-Muḥammadī حفظه الله (sa buod):

Oo, kung may naganap na krimen at sasabihin ng mga eksperto: “Hindi namin malalaman ang nangyaring krimen maliban sa pamamagitan ng autopsy,” walang problema rito.

Maliban na lamang kung bibitiwan ng pamilya ang kanilang karapatang humingi ng kaparusahan o kabayaran at sasabihin nila: “Ayaw naming parusahan siya o humingi ng qiṣāṣ o diyah o anuman. Ibigay ninyo sa amin ang bangkay at ililibing namin.”

Sa ganitong kalagayan, mas mainam na ibigay ito sa pamilya. Ngunit kung makikita ng mga may awtoridad na may kapakinabangan sa pagsusuri, at sasabihin nilang: “Kailangan nating malaman kung sino ang gumawa upang hindi na ito maulit,” walang problema rito.

Kahit para sa pagtuturo, walang problema, dahil may kapakinabangan ito para sa mga Muslim.

Ngunit hindi makatuwirang gawin ito sa kahit anong bangkay nang labag sa kagustuhan ng pamilya. Kailangang ipaliwanag sa kanila, o bigyan sila ng pera o anuman, upang makumbinsi sila na may kapakinabangan ito.

Ngunit kung ayaw ng mga tao, mali na basta na lamang gawin ang gusto nila.

———

Karagdagang tanong ko:

Paano naman sa mga lugar ng mga hindi-Muslim, kung saan ang mga may awtoridad ay hindi rin Muslim?

Sagot ng Shaykh (sa buod):

Hindi, mali ito. Kaya sinasabi namin sa mga Muslim na mag-hijrah at huwag manatili sa mga lugar ng mga hindi-Muslim.

————————

✍️ Tinanong ni: Abū Mulaykah Ṭāhir bin Manṣūr
📍 Sa bahay ng Shaykh, al-Madīnah an-Nabawiyyah
🗓 08 Jumādā al-Ūlā 1448H | Oktubre 19, 2026

Para sa mga katanungan na ipinadala na may kasagutan na sa mga fatwā ng mga ʿulamāʾ, ipo-post natin ang kanilang mga sagot mismo.

Dahil sa dami ng mga katanungan, hindi natin kayang itanong ang lahat sa mga mashāyikh. Inuuna nating itanong sa kanila ang mga personal na katanungan, mga tanong tungkol sa partikular na sitwasyon, at mga may kaugnayan sa daʿwah.

Pipili tayo ng mga katanungan at ipo-post dito ang mga kasagutan, in shāʾ Allāh.

🏘 𝗦𝗮 𝗛𝘂𝗹𝗶, 𝗔𝗻𝗴 𝗞𝗮𝘀𝗮𝗺𝗮 𝗟𝗮𝗺𝗮𝗻𝗴 𝗻𝗴 𝗕𝗮𝗯𝗮𝗲 𝗮𝘆 𝗮𝗻𝗴 𝗞𝗮𝗻𝘆𝗮𝗻𝗴 𝗔𝘀𝗮𝘄𝗮 🏘

Sinabi ni Shaykh Dr. ʿAbdullah bin Ṣulfīq aẓ-Ẓafīrī حفظه الله:

Kaya ang babae — pagkatapos ng Allāh — ay walang mag-aalaga sa kanya kundi ang kanyang asawa. Hindi ang kanyang ama, hindi rin ang kanyang kapatid na lalaki.

Sapagkat ang ama, darating ang araw na siya ay mamamatay; at ang kapatid na lalaki, darating din ang araw na magiging abala siya sa kanyang asawa at mga anak. Sa huli, mananatiling mag-isa ang babae — pagkatapos ng Allāh — at wala siyang magiging kasama kundi ang kanyang asawa at mga anak.

💎[Mula sa payo ni Shaykh para sa mga kababaihang hindi kayang makitira kasama ang kanilang asawa kapag siya ay magdadagdag ng isa pang asawa.]

🔗 https://t.me/abdulahaldafiri/4207

———

✍️ Isinalin ni Abū Mulaykah Ṭāhir Bin Mansoor
📍 Al-Madīnah an-Nabawiyyah
🗓 Jumādā al-ʾŪlā 01, 1447H | Oktubre 23, 2025