ناس 🚶‍🌚🤡الضحكه 🇸🇩😂

الضارباهو كهربا ويتلمض ويتمطق يدخل في لسانو ويمرقو زي سقاطة الباب ويتفلت براهو زي مروحة التربيزه شكلو ساقنو نصيبه لانو كانوا بهجروا فيهو هجر في الكرسي وهو يلاوي فيهم اما العروس ف الشر بره وبعيد يايمه وقبلها ووحدها وبراها منفوشه ب زفاف مطوطو زي اللايكاهو بقره ونافشين ليها تفتها ومارقين ليها منها جزء نظام قوصه تهبهب براها زي البيرق ومكتحنها في وشيها بنصيبه بيضاء كدا بقت زي الغنمايه الكانت مدخله راسا في شوال دقيق دا غير الكحل ولك ان تتخيل عزيزي المسلم الكحل الاسود مع البدره البيضاء دي ح تكون كيف بالاضافه ل خشما الضاربنو ليها بوهيه حمرا دا لمن تشوفا من بعيد ح تقول بتاكل ليها في نص بتيخه وكمان شنو ع العليهو هي ماساداهو كمان لمت فيها واحده مي طاريه الموت وحساب الله وادتها لبانه سألتكم بالله يااخوانا هل في عروس بتاكل لبانه يوم عرسا وحفلتها شغاله وقاعده مع عريسا في الكوشه والامه كلها بتعاين ليها وهي بتفجخ في اللبانه با اهماااااااال لمن البزاق يتطاير من خشما؟ لا خليك من كدا هل في لبانه بياكلوها بالطريقه البشعه دي؟ ولا كمان شنو ماده كرعينا هنااااااك ومنبطحه في الكرسي زي العايزين يقلعوا ليها ضرسا والله العروس دي اصلها ماجاده المهم الفاصل اشتغل والاعمي شال المكسر وانحشروا الداره والفنان واحد اهبل كدا في نص الغنيه بقول ليها قبلوا مني الكشافه دي كدي ياناس الحشر دا اكلني اكل ومافي زول شغال بيهو اصلا الناس حاتاهو قرض وهو ينسي الحشر وينبح عدي بينا ياريس عدينا بينا وهو ماعارف الريس قدم استقالتو زماااان وكبرا مننا ولا ح نعدي ولا ح نعبر اها لا احري لا ادري لقيت نفسي جوه الداره معاهم والعريس هايج هيجة العدو برقص كأنو بعوم عوامه فاري يدينو الاتنين ويطوح بيهم والحته الحولو فاااااضيه عارفين فاضيه ليه؟ لانو لابس كداره ام كدايس والبعفصو بيها وحات الله يهرد اصابعيهو هرد اتاريهم نص الناس الفي الحفله ديل كانوا بعتبوا يكون عفصهم هو يلا في عز طويحو دا فجأه عمل يديهو شكل مرايات البص السياحي البكونن محنوفات ديك اتاريها الرقصه دي رقصه مشهوره اسمها حدباي وطبعا حدباي دا بص سياحي شغال في المناطق دي اها من عمل الحركه دي الناس صرخت وصفرت وبقت تكورك ليهو حدب و ادب حدب وادب هههههه يخسي عليكم والله وع حدباي زاتو معاكم اها طبعا انا ماجادي وقلبي ميت وحات الله رقصت معاهم رقيص وعملت ليهم حركة حدباي دي بقيت رافع يدي ومكفيهن وواقف منشحط ومبتسم بسمه عريضه والفارغه يملاها الله المهم الفاصل انتهي وقعدنا كلنا اتوهطنا في الواطه دي نزح زحيح ومتفنين تفين والعريس قبضوهوا قعدوهو جمب عروس ولسه تفجخ في اللبانه المسكينه الرماها قدرها في خشم الشيطانه دي اها الواطه صانه الناس فترانه من الرقيص تقوم العروس تكورك هييي ياانصاف يانصاف هييي لمي لي شاحني من شفع ابتسام ديل مايقطعوهوا لي بالتقطع قلبهم وافجخك افجخك تفجخ في لبانتا اها جات مرا كبيره من بره تفتش ل بتها حسها زي الخانقاها حاجه تكورك يابتول هوي يابتول هوي هوي الوجع اليفصد كبد فصيد طيري قدامي ع البيت وبتول لتيخه جدا تتنايص وتقول ليها خليني يايمه النتم الحفله وهسي بجي لاحقاك في قفاك امها قالت ليها تلحقك العصا التهرس عضامك ياربي ومسكتا رصعتا وكفتتا وقرصتا قدام الناس وكرتها من يدها وجات شاقه بيها بنص الداره والسلك بتاع الساون مجدوع تقوم هي وبتها يتشربكن في السلك ويعرطنو ب ساونو والساون يعرط معاهو الكشافه وتسمع دزززززز وعم الظلام الكون الواسع والكواريك ضربت قالوا سماعة الساون وقعت في سكينه بت تاي الله يلا السكلي ضرب سكينه تصرخ وااااي يامخروقتي واااااي والواطه ضلمه جمبي اتنين اتشكلو في سفه في واحد بزق ليهو سفه في واحد ودور الاكشن الاصلي تسمع خبارك عليهو آموحمد؟ نعني عشان لاقيهو اضينه ساي تلفحو كدي؟ وموحمد مفتري قال ليهو ايااا بفلحو وات زاتك بلفحك وتسمع تاح تاح اتلافحوا والعود بكا والعكاكيز دورت موت احماااار الناس ديل انفدقوا فدق والعريس يصرخ ها ناس ها لا تخربوا لي حفلتي والعروس سامع حسها تكورك ل انصاف شكلو انصاف دي وزيرتا ياانصاف هووي يااقشار جيبي لي بطانيه غطيني انا بردانه وحات الله العروس دي كان نصيحه احلق شنبي دايره تتغطي بالبطانيه والقيامه قايمه قداما انتي يايمه يغطوك ويبكوا عليك المهم وقت الضرب كتر بالحيل وخفت ع رقبتي وقنعت من انو الحفله تشتغل تاني قلت اخير امرق من هنا قبل يفقهوني ب عود ساي اها رجعت ل ناس الحوليه لقيتهم لسه يبكوا ويترمدوا بالتراب دا ذكر شنو دا ياربي؟ المهم مشيت رقدت في اللوري بقدام قلت مااقوم انوم لي في حته ويفوتوا يخلوني في القريه الغريبه دي اها ماعارف الساعه كم جوا صحوني ودوروا لوريهم واتوكلنا رجعنا وتااااااني 7ساعات حتي وصلنا ولحدي تاريخ اللحظه دي انا ماعارف نحنا كنا وين ولا جينا من وين......

#سوزي💃

617 viewsسوزي حمد, 10:38