ناس 🚶‍🌚🤡الضحكه 🇸🇩😂
2.37K subscribers
1.88K photos
123 videos
1.16K links
اضُحكِ فَرَفَشِ .😂😂نكات جديدة ²0²1.😃😃تااايم "ناس الضحكه"
اضحك قرقر اوعى تكشر حلوه الدنيا زي السكر 😍😍خش قناااتنا

للمشاركه او التبادل @jnoooooo
Download Telegram
الناس اللى اخدت عيديه تضغظ👈 ♥️

الناس الما اخدت عيديه تضغظ ده 😁 يلا علشان نشوف مين الاكتر 🤓😂
Anonymous Poll
37%
♥️
63%
😁
اللي باعنا كسب صحتو عشان نحنا بنجيب الشلل للأمانة يعني ...


#درة
عزيزي المجتمع والناس اللي فيه :

صدقوني انا مستعده ادور علي البكتيريا الوحيده اللي م قضى عليها الديتول ولا ادور رضاكم ...


#درة
البيتزا في #الكلاكله ✌✌😂😂

#سوزي💃
#عاجل😲
اليوم وفي النهار الله يحفظ امهاتنا واخواتنا البلد دي تاني ما فيها ضمان بالغرب من سوق #الكلاكله_اللفه حدث نهار اليوم بتاع رقشه لقي مره شايله اكياس ثقيله قال ليها ماشه وين يا خاله قالت ليهو #الصحافه محطة 7 ركبت ومشو زمن وصلو قالت ليهو لف شمال والبيت ف الناصيه ديك وداها لحدي باب البيت قالت ليهو كم حسابك يا ابني قال ليها 6000 الف طلعت المطبقه ملانه قروش ادتو وخشت البيت وهو دور الركشه و فات وانتو جنكم شمارات حارسين شنو احظروني انا اصلا داير ابيع التلفون و الصور زاتها م عندها علاقه بي الموضوع 😊
دوله من الدولة المجاورة زرتها
#مصر
#ليبيا
#الكلاكله
#تشاد🤔

#سوزي💃
😁😁😁😁😁


#سوزي💃
😂😂😂😂
مسطول كتب رسالة 📝
لي بتاع #الاقاشي الببيع
#لحم_كلاب🐈
في السوق العربي ...

شوف يا ود الحرام أنا اكلت
عندك الاسبوع الفات

وكوني بقيت لما أزعل
من زول بعضيهو
مامشكلة..

وكوني بقيت لما اكون
قاعد مع ناس في الغداء اخطف
عضم واجري🏃
آكلو تحت شجرة
ما مشكله😁

وكونى اسك كدايس الحلة🐇
النهار كلو من زقاق لي زقاق
مامشكلة😅

لكن تحصل لدرجه إني احك
#اضاني_بكراعي
دي مابسكت عليها
😂😂😂😂😂😂😂💔💔💔🌚

#سوزي💃
درجتين حراره كمان و حنطقطق زي الفشار🥵👩‍🦯
ناس 🚶‍🌚🤡الضحكه 🇸🇩😂
Video
تسلمي بس مع السلامة لاني تاني ما ح الم في تلفوني😭😭😭
اقرأ الانجليزي وبعدو العربي علي طوول 😂😂😂😂😂😂😂👊👊🔪
Talk you.
عاصمة اليابان😂😉
-
What to.
الصوت عشان في ناس نايمة😂
-
Tomorrow.
بأي حاجة😍
-
Kiss.
بلاستيك😂👊
-
In tag.
حربي😁😂🔫
-
Marry me.
علي الارض
-
Has be.
الله ونعم الوكيل
-
Run.
الجرس 😂
.
.
.
.
.
.
Can.
قمنا صعبيين 😂😂💪
🐸👌


#درة
انا بس طرييتك الكتاحه جات🥵🏃🏻‍♀️
الكتاحه دي قالو ناس الجامعات نفضو الشيتات😂🏃‍♀🏃‍♀
ح انزل ليكم روايه رايكم شنو ☺️😌✋

#سوزي💃
#الفنيدك1


في حلة كدي علي الضهاري في ولد من ساعتو الصغير مطرطش وراس هوس وهاباش وقاباض يحرق الروح وطاقوهو جنس مضرة لا انحكت لا اتقالت . الجنى بعيو ولتيد بقولولو الفنيديك عشان قصيروني زي الفندك ومنجض الحلة وموريها النجوم عز الضهر
امو الصافية بت عبد القادر أكان ماخدها عبد الجليل الفنجري ود اعمها لزم وما انقسم ليها منو جنى وما قنب معاها كتير فد حول ما زادو ود الفنجري قرصو دابي جمب الكتر العلي جنينة الزاكي قالوا عفصو وكراعو اتورمت في حزتها ومات في يومو داك تاني جاها خليل اب ضهير سيد الطاحونة وخليل ما ببقى ليها علا السرارة بيناتم ،
اب ضهير اكان معرس طيبة بت عمو العك وقنب معاها للحول السادس ربنا ما قسم ليهو منها جنى ، واكان كايس الجنى قام جاء عرس الصافية دي فوق طيبة وقنب معاها تلاتة سنة وبرضو زي طيبة وواحد القسمة ما أدتن
الصافية عندها أمها اللقية مرة شديدة خلاس ونضامها وبتريد الشيوخ . عندهم في حلة جمبهم الشيخ حمد ود أب عجاجة فاتحتو هاك بي هاك وهي ما بتفارقو شبر اكان طعنتها شوكة ساكت بتجر ليهو
وهو خطري وتحلف بي الله المعبود بخراتو قالت بتتور الميرود وبترجع المفقود
ود اب عجاجة دا سموهو كدي عشان قالوا اكان عندو جدو شيخا واصل وصعب والزمن داك ناس حلتو عملولن شكلة مع حلة تانية مي بعيدة منهم والشكلة فوق بقرة واتشاكلوا واتكاتلوا فوقها بالعككز والسككن لمن دمهم سال ومات فيهم واحد وهو قدر ما حجزهم ومنعهم ما سمعوا كلامو فزعل وقال ليهم قلتو كدا ؟ الليلة بنجمكم وقالوا دخل الخلوة قنب فوقها يوم كامل ما مرق منها نهائي وجاتهم عجاجة كعبة خلاس ما خلت ليها راكوبة في الحلة علا وشلعتها الشوك الزاربنو الزرايب كلو طار وبقرهم وغنمهم قعد في السهلة ساكت والهبوب حممممرة والعجاجة حصحاصها يرصع رصع والهددم هيلات العوين وشولاتن في السماء والجللب في قفاهن بيوت الطيب والجالوص والحيط الما شادات حيلن كلهن رقدن واطة وبقوا في الشي البحلهم من حقاصة والعجاجة دي شنو ما عارفين ويشيلوا ويدعوا في الله يلطف عليهم ويوم كامل ما فيهم زول مرق
اها الناس قالوا دا زعل الشيخ ومن اليوم داك سموهو اب عجاجة ومر يا زمن وعدي اب عجاجة مات وخلف ولدو ولدو خلف ولدو وولدو خلف ولدو لمن وصلت المشيخة لحمد الهسي دا .
حاجة اللقية ريادة الشيوخ ساقت بتها الصافية وودتها لعند شيخ حمد وفتح ليها الكتاب وقال ليها علي الله وشال الفاتحة واداها بخرة
عدت سنتين ما في شي لمن حاجة اللقية مشت لشيخ حمد زعلانة وقالت ليهو وقالت ليهو ومن الضمن قالت ان بتي ما حملت ما بجيك شيخ حمد ضحك وقال ليها انا بيدي شنو ؟ كل البقدر عليهو اسأل ليك الله والاجابة من عندو هو . والجنى دا روح وبني آدم وكضاب اكان في شيخ قال ليك بديك جنى
مرقت منو ما مقتنعة وبطنها طامة
ربك رب الخير بعد كم شهر كدا الصافية حبلت . بالفنيدك والفنيدك دا جنى ستة شهور مرق سريع سريع وتحلف الداية الولدت الصافية الفنيديك ما بكى لمن قالت اظنو اطرش وبس صرخ ليهو صريخة صغيرونية وهو زاتو اكان صغير بس الكديس
اها الفنيديك لمن كبر بقى للحلة خازوق ومضر
يوم كدا ماشي علي طاحونة ابوهو لقى ليهو ولدين واللتنين اكبر منو لما فيهم دقاهم وشال منهم قريشاتهم مشى اشترابن تمر من دكان النفيع
قومي يا بخيتة أم الولدين تعالي امسكي الفنيديك ودقيهو قدام الناس واصلو لا جرى منها ولا دقها ليهو بكاهو سردبلها ساكت لمن فشت غبينتا واخدت حق وليداتا وفاتت وقال ليها انعدلي يابخيتة وارجي الجاييك
بخيتة عندها غنمايتن كدي بعامية سميحة بتريدها ريدة شديدة والعنز لبانة وبتلد جوز جوز وكلو كلو ما بترضى فوقها . الفنيديك جاء خنقها ليها بالحبل فد خنقة لمن كطع نفسها وكتلها وفات علي المقابر شايل ليهو موية والمقابر جمبها خور ملان رملة وقعد كل ما يشوف ليهو جحر يملاهو موية والعقارب تجيهو مارقة الصغيرات بكتلن وكاس وكاس لمن لقى ليهو عقرب صففففرة وماكنة قدر الضربة وضهرها اسسسسسود فوقو شعر تقول بس لقيمية محرقة ودخلها في علبة وجاء بيها البيت
بخيتة الوكت داك في التكل تعوس وعندها هدم معلقاهو فوق راس التكل وبتعوس بشوالها ساي ومرقتها من التكل بتلفحو
انت يا الفنيديك دخل ليها العقرب في التوب وفوت . وعشان هي تمرق للتوب وتلبسو شال ليهو طوبة وعندها حليلة في المشلعيب فوقها روب بعد ما شرب نصو واتقب منو تب يعاين للحلة سمممح ويفك فيها الطوبة ويقوم جاري
بخيتة سمعت الصوت وجات مارقة من التكل جري ولفحت توبها ومشت تشوف في شنو لقت الروب مكشح ومشت بهناك علي الضروة لقت غنمايتها ميتة ولبست توبها وقعدت تكورك وتسكلب علي العنز والناس اتلموا والعقرب في نص توبها وتسمع طق قرصتها في كتفها لمن بخيتة غيبت

يتبع...