لمن اكون راكب في المواصلات واكون سرحان في لوحات العربات
😂😂😂😂🐸💔
#jno

مطلوب أدمنز نشطين
الحابي يخش معانا يجي هنا 👇👇
@jnoooooo

الحمد لله على ما منعته عنّا خوفًا علينا، والحمد لله على ما رزقتنا به رأفةً بنا، لك الحمد إن أدركنا الحكمة أم لم ندركها.💫🌻

_عمر بن الخطاب عندما رأى مجموعة من الناس موقودين النار ..
اقترب منهم ونادى يا "أهل الضوء " ولم يقل يا أهل النار خشية من أن تجرحهم الكلمة.. 💜
بين كسر القلوب وكسب القلوب
خيط رفيع اسمه الأسلوب..!💜✨

‏عندي مرض أسمو الرد السريع على الرسائل لدرجة تخليك تشك إني ميت عليك.

وه👻

متزكريني 😻ولا نسيتو العشره😿


#سوزي💃

وهى بتكنس ﺗﺤﺖ ﺍﻟﻌﻨﻘﺮﻳﺐ ﺍﻟﺮﺍﻗﺪ ﻓﻴﻬﻮ راجلها عفصت ﻟﻴﻬﺎ ﺗﻼﺗﺔ ﺳﻔﺎﺕ تمباك ﻣﺮﻣﻴﺎﺕ😏
طوالي ﻭﻗﻔﺖ ﻋﻠﻲ حيلها ﻭﻗﺎﻟﺖ ﺑﺰﻫﺞ ﻭﻗﺮﻑ ﻭﺗﺄﻓﻒ" ﻳﺎ ﺍﻟﺰﻳﻦ ﻳﺎﺧﻲ قالو ﺍلتمباك بجيب السرطان😏عليك الله ح تخلي بتين ؟..
ﺭﻗﺪ ﺍﻟﺰﻳﻦ ﻋﻠﻲ ﺻﻔﺤﺘﻮ ﻭﻣﺮﻕ ﻛﻴﺲ التمباك ﻭﻫﻮ بدرﺩﻡ ﻓﻲ ﺳﻔﺔ"
قاليها: ﺗﻌﺮﻓﻲ ﻳﺎ ﻭﺋﺎﻡ ﺣﺎﺟﺘﻴﻦ ﺑﺤﺒﻬﻦ إﻥ ﺧﻠﻴﺘﻦ ﺑﺨﻠﻴﻬﻦ ﻣﻊ ﺑﻌﺾ .. ﺍﻧﺘﻲ ﻭﺍلتمباك"😍
ﻗﻌﺪﺕ ﻓﻲ ﺍﻟﺴﺮﻳﺮ الجنبو وماسكه مقشاشتا ﻗﺎﻟﺖ ﻭﻫﻲ ﺗﻀﺤﻚ" ﻏﺎﻳﺘﻮ ﺍﻟﺪﻛﺎﺗﺮﺓ ﺩﻳﻞ ﻋﻠﻴﻬﻢ ﺟﻨﺲ ﻛﻀﺐ...
ﻗﺎﻟﻮ ﺍلتمباك ﺑﺠﻴﺐ ﺍﻟﺴﺮﻃﺎﻥ😏
ﻭﺣﺎﺕ ﺍﻟﻠﻪ ﺍﺑﻮﻱ ﺗﺮﺍﻫﻮ ﺩﺍ ﻳﺴﻒ ﻟﻴﻬﻮ ﺍﺭﺑﻌﻴﻦ ﺳﻨﺔ ﻣﺎ ﺟﺎﺗﻮ ﺍﻟﺤﺒﺔ 🌚🌝❤️

#سوزي💃

قبيل الصباح مشيت بيت جيرانا ادوني مويه بعد المويه جابو لي عصير ومعاهو بسبوسه حتى جابو الجبنه والشاي باللبن، قلت ماشي حلفوني قالو لي اقعد خلطو لي منقه ب لبن شربتها بعد المنقه عملو زلابية كرامه حلفوني اقعد قعدت اكلت زلابية وبعد شويه جابو عصير جوافه قلت ليهم ماشي قالو لي وقت الغداء جاء وحلفوني كان اقعد زولكم من الشبع لمن نعس قعدت طوالي اها جابو الصينيه دي م شاء الله شي سلطه وشي فته وشي لحمه اكلت جابو الشاي شربت بعد الشاي جابو لينا صينيه فواكه اكلت ماشي كده جابو لي كبايه عصير قمت كده المغرب أذن، المشكلة م هنا المشكلة انو امي رسلتني لي ملح منهم ونسيتو .

#سوزي💃

_

مشيت اشتري لي كسره لقيت نسوان جمب بعض ببيعوا ، مشيت لي واحده منهم قالت لي اشتري من جارتي دي ، ف نفسي قلت ي سلام ياخ ..
التانيه ادتني الكسره ومديت ليها القروش عشان أحاسبها ، الاولي ديك نطت وخطفت مني القروش وقالت ليها :
عشان م تقولي لي ما بعتا وما عندي قروش وإستهبالك دا ، كدا باقي لي عندك 2000 جنيه 😂😂😂💔

#سوزي💃

...شايقي قال لخطيبتو اها بكرة عيد الحب اديك قروش والا اديك تلفوني الجديد
قالت في سرها دا زول ناشف لو قلت ليهو اديني قروش حا يديني ١٠ واللا ٢٠الف جنيه وما بتعمل لي حاجة قالت ليهو خلاص اديني تلفونك الجديد
قال ليها سمح يلا سجلي عندك زيرو تسعة زيرو تلاتة واحد ....

#سوزي💃

راجلي اتزوج علي وانا عندي منو خمسة أولاد وسكنا انا ومرتو في بيت واحد وفاصل لينا ب حيطة والمرة الجديد يومي مشغله الجهاز باعلي صوت بالاغنية حقت 🙄 انا مرتك مالي مالااااا... ما دي نتيجة اهمالا لو ما عجبتا الحالة تقعد تربى عيااالا😤😤
والصراحة اناا الاغنية غايزاني وفاقعة مرارتي ادخل ادقااا وافشي غليلي 🙂🙂ولا انتظر شويه هي عروس 🙂🙂

#سوزي💃

قال :- الأخضر البتحرن
حرق الكباد ومصرن
السؤال هل الكباد(جمع كبد) والمصرن(جمع مصران) ؟؟
قايتو لو بقت كدا شكيتك لي الله يا ود دوبا !!!
😂😂😂😂😂😂😂

#سوزي💃

*نموت ساى*
😂😂😂
واحدة سودانية بتحكي قالت: حضرت محاضره دينيه بتتكلم عن طاعه الزوجه للزوج ومفروض الزوجه كل يوم تشيل العفو من زوجها عشان لو ماتت يكون زوجها راضي عنها قلت خلاص اقول ليه اعفي عني بس بالليل كدا قاعدين نتونس قمت بعد تردد كتير قلت ليهو عليك الله اعفي عني قام نطط عيونو وقال لي
ليه :عملتي شنو
قلت ليهو: ماعملت حاجه بس عايزاك تعفي عني يمكن اموت بس الساعه القام هاج وقال لي: والله ماتقولي عملتي شنو الليله ماتبيتي في البيت ده
اها جنس ديل ينفع معاهم عفو؟!
اخير نموت ساي
😂😂😂😂😂

#سوزي💃

ي جماعة انا حلبيه وحلوه ومخطوبه لي واحد يلا الواحد دا اهلو كعبين معاي وبغيرو مني لاني حلبيه وحلوه وانا م شغاله بيهم لاني حلبيه وحلوه بس هم كتروها وكلمت خطيبي قال لي م تزعلي عشان انتي حلبيه وحلوه وهسي بفكر افسخ الخطوبه عشان انا حلبيه وحلوه لكن خطبيي لما عرف يعمل شنو قاعد يبكي في التلفون عشان انا حلبيه وحلوه قال ح يقاطع أهلو وحنسكن بعيد منهم عشان انا حلبيه وحلوه انتو رائكم شنو اوفق اكمل الخطوبه بما اني حلبيه وحلوه؟

#سوزي💃

ما بلقى لي زول عارض ليه توسان في حدود 300جنيه قبل ما اشتري بيها رطل لبن؟...🙂

#سوزي💃

نااس السعودية־قاعدين־علي־الهبشة
واحدة زوجها مغترب
برسل ليها طوالي المصاريف
رسلت قالت ليه اشتريت لي حافلة
دق خروج وجاء لقاها حافلة عدة 😂😂😂💔
😂😂😂😂😂

#سوزي💃

🤣🤣🤣🤣🤣🤣🤣

واحده بتحكي:

غايتو انا دمعتت من الضحكك😂😂😂😂😂

كنت في الفيس زهجانة ماعندي موضوع دخل علي واحد اتكلمت معاه فتره حسيت بيه محترم شديد فضلنا متواصلين سنه عديل ماف زول فينا طلب من التاني صوره او انو نتلاقى اسمه قاسم وانا حبيتو شديد بس كاتمها كنا بنتكلم مكالمات ع طول ولو حصلت ليهو حاجه او مشغوليات او سافر بكلمني علشان م اقلق انا اتعلقت بيهو وهو زاتو اتعلق بي وحسيت بيهو بحبني في يوم اعترف لي بحبو وانو بالجد عايزني انا انبسطت شديد لمن بكيت كان عندنا عرس في الحله قلت ليهو ي احمد عندنا عرس في حلتنا وعاملين حفله تعال نتلاقى في الحفله قال لي انا م بقدر اجيك انا زعلت شديد شديد لمن فصلت فيهو الخط بالليل زمن الحفله لبست احلى فستان والميكب مبالغة اثناء الحفله شغاله في زول جاء مسكني من وراء في كتفي انا اتخلعت لمن رأسي سخن من الخوف اتلفت لقيتو سيد الدكان الفي حلتنا قلت ليهو انت اهبل ماسكني مالك قال لي انا حبيبك حبيب منو انت مخبول ولا منقولي قال لي انا قاسم حبيبك الفي الفيس لينا سنه وحاجة انا قلت لاااااا دي علي بالطلاق صوتي اعلى من الفنانه البتغني الحفلة كلها صنت ووقفت انا بقيت ذي المجنونه صرخت ونطيت فيهو كيف يعني قاسم الحبيتو يطلع علي سيد الدكان مسكتو من رقبتو خنقتو وهو مسكني خنقني والناس بتحجز فينا انا لو م حسيت نفسي خلاص كتمت كان عايزه اقتلو بعد فكيتو شغاله اصرخ فكوني الليلة م بخليك وهو شغال يقول امشي ي القال م بتأكلي غير نوتيلا وانتي كل يومين بتديني مني اندومي قلت ليهو انا لو عارفاك ده إنت ي عواليق ي معفن كان حظرتك ي القال بتسافر علشان شغل وانت دكانك ده م بتطلع منو الا عيد لعيد مسكوني رجعوني البيت هسي من قبيل قاعدة جنب الباب وشايلة طوبه منتظره يجي ماري علشان افجر رأسو الكبير ده بالطوبه 🙂🙂💔
انا يخدعني كده 😐💔

#سوزي💃

بالنسبه للراجل البخش صندوق مع النسوان عليك الله لما تجي صرفتك م قاعد تحس بنفسك عفاف عفاف؟؟
😁😁💔

#سوزي💃

امس في المواصلات بعد م اتحركت وقطعنا نص المسافه السواق عاين لورا ولقى انو في كرسي فاضي قام قال لينا م كلمتوني انو في كرسي فاضي جمبي واحد زهجان ومشتبك قال ليهو كماسره عندك نحن ؟ مواصلاتك مفروض تنتبه ليها براك قال ليهو السواق كنت قايل فيكم خير قال ليهو مافينا خير وسوق سريع مستعجلين نحن عواليق انت ولا شنو السواق بقى حكيم م اتكلم معاهو وسكت وداك لسه مصر يتكلم وينبذ وانا قاعد في النص المشتبك يميني وفي بت قاعده شمالي يلا هي لمن اتكلت على يدها وقبلت على المشتبك وبتعاين ليهو المشتبك طلع النظاره وبقا مقبل عليها وبعاين ليها والاتنين بقو بحمرو لبعض وانا في نصهم حسيت نفسي في لقطه من مسلسل هندي لمن المشتبك زهج قرب وقال ليها مشوي ولا محمر ؟ قالت ليهو شنو ؟ قال ليها تحبي تاكليني مشوي ولا محمر بتعايني لي مالك بقوم هسي برميك بالشباك د !! انا للاسف ضحكت خلاها قبل علي وقال لي فضيل انا ؟ بتضحك مالك انتِ بهظر معاك انا ؟ ناس المواصلات حمد لله نزلو والا كان ح يدق ليهو زول والله .

#سوزي💃