الحمد لله الذي بنعمته تتم الصالحات 🙏..

نمت في ملايات العيد الليلة😌

#سوزي💃

كيف يعني زول يشرب شاي بي لحمة 🤣🤣

#سوزي💃

صوره قديمة لحجاج يمنين ، لكن يا ترى من يشبه هذا الشخص 🤔

#سوزي💃

‏䔬摮潃潬卲牴攣散散潢摲 䔬摮潃潬卲牴攣

😒 مـقصـودة


#سوزي💃

مسفوه زي بنطلون واسع في دولاب صبجة

#سوزي💃

بعرف اتنين من شدة ما بحبو بعض بفكر أبيع كليتي و أعرس ليهم" 🙂

#سوزي💃

اول م عملت الفيس كنت لافة في الحسابات دخلت ع حساب واحد كان رافع بوست "اقيفي قبضتك لشنو داخلة ع صفحتي؟" وانا هنا انصدمت ما كنت عارفة المهم رسلت ليهو خاص "هاي، والله بالغلط دخلت صفحتك م حعيدها وانا كل م اتزكر الموقف بتمنى لو امي جابت طقم صحون ولا جابتني.

#سوزي💃

😂😂😂😂😂😂
واحد بيحكي قال كنت راقد في المستفشى والعنبر القصادي طوالي فيهو واحد مكسر ومجبص مافي حتة في جسمو سليمة وما ظاهرات الا عيونو .
والغريب اي زول يجي يزور الزول ده ما بقعد أكتر من خمسة دقائيق الا ويجي طالع من جوة ميت بالضحك .. الحكاية دي اتكررت مع اكتر من عشرين نفر بالطريقة دي .. الفضول كتلني وقلت الا اعرف الحاصل شنو .. قمت اتجرجرت ومشيت عليهو .. لقيت حالتو بالبلا .. المهم سلمت عليهو وسالتو انت ليه بالحالة دي وأي زول يخش عليك يجي طالع منك ميت بالضحك.. ؟
قال لي ديل ميتين بالضحك لانو حكيت ليهم قصتي ..
قلت ليهو واها قصتك شنو ؟؟
قال لي انا اصلا ساكن في عمارة الطابق الثالث وكنت نايم وحلمت انو القيامة قامت وبدا الحساب والناس واقفة والباصات واقفة والملائكة بيندهو فلان الفلاني الباص رقم 20 الجنة فلان الفلاني الباص رقم 15 النار والحساب شغال وانا واقف وعرقان والناس يوزعوا فيهم .. المهم في النهاية ندهوني.. عبد العال ود خديجة الباص رقم 35 الجنة .. يا زوووول فرحت فرح شديد وجري ركبت الباص وقفلو الباب والباص اتحرك ونحن ماشين شايف ليك باصات الجنة مشوا في اتجاه وباصنا مشا في اتجاه تاني.. بقيت اكورك للسواق "يا سواق ماشي وين اقيف" مافي زول شغال بي الشغلة ..مشيت على السواق عشان اوقفوا القاهو ليك ابليس زاتو السايق الباص والركاب ناس ابو جهل وفرعون وهامان أكابر مجرميها .. قلت ليهم لكن يا ناس انا من ناس الجنة الركبني معاكم شنو.. قالو لي اي انت من ناس الجنة لكن دقست ركبت بالغلط انت باصك رقم 35 والباص ده رقم 53 والباص ده ما بقيف نهائي الا في قعر النار .
قلت ليهم طيب الحل شنو
قالو لي ماف حل الا تكسر القزاز وتتلب .. قال طاخ كسرت القزاز وتلبت ..
ولما وعيت لقيت نفسي هنا وجسمي كلو مجبص ..
المسكين تلب من الطابق الثالث.


#سوزي💃

بالجد كل عام وانتم بالف خير معليش لي التاخير بس امدر تحنن والله من اول ايام العيد لي الايوم نحنا في حاله صعبه 😔الله يصلح الحل 😢
تامين ولامين يارب❤️❤️❤️

#سوزي💃

فقرة امثال سودانية😍❤️

تقريبا نص السودانيين ناسين انو الليلة الجمعة 🤣

#سوزي💃

زول ما قاليك اديني فلان في التلفون ما تديو فلان من نفسك.!

#سوزي💃

ونسة النسوان😅
👩‍🦰:تعرفي سلمى؟
👩‍🦱:لالا
👩‍🦰:كيف م بتعرفيها اخت سعاد مرت علي بتاع الفرن
👩‍🦱:م عرفتها!
👩‍🦰:ياخ جارت، اميرة صحبت اختي فوزية كان بقرو سوى في الجامعة
👩‍🦱:برضو م عرفتها
👩‍🦰:طيب،مرت اسماعيل النجار اخو فاطمة بت حجة بدرية ،وحمات دكتورة سهيلة اللاقتنا في المستشفى لمن محمد ولدي عيان
👩‍🦱:زي العرفتها كدي وصفي لي زيادة
👩‍🦰:الجات عرس ليمياء بت ابتسام وكانت لابسه ليها توب اصفر شين كدا اصلا م عندها غيرو اي عرس لابساهو
وكانت قاعدة جنب ام العروس
👩‍🦱:ايوااا يادابي عرفتها
👩‍🦰:الحمد لله
👩‍🦱:مالها؟!!!ان شاء الله خير
👩‍🦰:ضعفت🐸
🤣🤣🤣🤣🤣

#سوزي💃

ﻗﺎﻝ ﻟﻴﻬﺎ ﺭﺳﻠﻲ ﺻﻮﺭﺗﻚ
ﻗﺎﻟﺖ ﻟﻴﻬﻮ ﻟﻜﻦ ﺍﻧﺎ ﺷﻴﻨﻪ ﺷﺪﻳﺪ ...
ﻗﺎﻝ ﻟﻴﻬﺎ ﻡ ﻣﺸﻜﻠﻪ
ﻟﻮ ﺳﻤﺤﻪ .. ﺗﺒﻘﻲ ﻋﻼﻗﻪ ﻋﺮﺱ ﻋﺪيل
ﻭﻟﻮ ﺷﻴﻨﻪ ﻣﻌﺮﻓﻪ ﺍﻟﺮﺟﺎﻝ ﻛﻨﺰ
😂😂😂😂😂😂😂😂
ﻗﺎﻟﻮ ﺣﻈﺮﺗﻮﻭﻭﻭ ٢٦ ﻣﺮﻩ

#سوزي💃

فالسودان لو عايز تبقى سياسي محنك دخل ال٣ كلمات ديل في كلامك
- ثكنات
- كر
- فر
ولو داير تدرعها عديل استعمل ليهم "اشاوس" .. دي كمان شايفاها جديدة لنج الفترة دي

#سوزي💃

شمس الجامعه ولا ضل العده 🚶‍♀️

#سوزي💃

ما بنسى يوم جبت ٩ من ٥٠ في اللغة العربية المدير قال لي انتو بتتكلمو بي لغه شنو في البيت

#سوزي💃

شوال السكر في السودان
بالحلال ب 45الف
وبالحرام ب12الف

#سوزي💃

اااخ يا زمن علمتني اولع الفحم ف عز شبابي

#سوزي💃

جدك الما اشترى القطعة العرضوها ليه ف نمرة ٢ ومشى سكر بالقروش دا كان عارف يوم زي دا بجي😂

#سوزي💃