يخوانا بسأل من الفلس ممكن يعمل للزول رجفه؟🙂

#سوزي💃

ـ صباح الخير
ليس لدي ما اقوله غير انو الجاتنا تختانا.

ـ

#سوزي💃

السلام عليكم

عشان ما تقولو سمحه وما بتسلم.

#سوزي💃

أمس كان في حفلة في مدني القونة قالت نازحين الخرطوم تمام ومافي كلام فجأة العرسان رفعوا يدينهم 🙂💔

#سوزي💃

في كل حفلة بكون في دائرة حقت صعاليق بكونو برقصو وبجي الصعلوق الكبير بدخلو في النص وعارفين طبعآ برقص كيف 🙂
المهم الدائرة دي اهم من العرسان نفسهم 😂💔🙂

#سوزي💃

مسلسل طائر الصباح
جان دا بجي بتكلم مع ريهام جوة خشمهاا كداا لي؟
مجهجهاا ومجهجهنا معاوو
🙂🙂

#سوزي💃

الدكان البعيد حاجاتو أرخص من الدكان القريب 🙂ّ

#سوزي💃

‏الشلابات
هم قبائل بربرية رعوية تسكن وسط كل علاقة عاطفية
عرفو بالخفة واللفة وعدم السماحة والعرفة.🙂🤝🐸💔

#سوزي💃

ـ البِت البتشير وتنشُر كل دقيقتين دي غالباً ما لاقية زول تقرفو فبتقرفنا نحن.

#سوزي💃

انا والله مقصره من ناس كتار لكن انا عندي كك ف راسي والله

#سوزي💃

قروب الزريع السوداني فيه ناس بنصحوا إنه لو شجرة الليمون ما أثمرت، الزول يجرتقها. الجرتق الواحد ده. و بنصحوا بكل جدية

#سوزي💃

الاصحاب دايماً بطمنو بعض

اصحابي= جلحاتك زادن 🙄🙄

#سوزي💃

#أخبار
أحد نازحي الخرطوم بولاية الجزيرة يعثر على تمساح أسفل السرير الخاص به وقد صرح بأنه عائد إلى مدينة الخرطوم يوم غد

#سوزي💃

نوم جد عطلة جد إجازة طويلة جد
الواحد بقى ينوم أربعة مرات في اليوم
قيلولة وهيلولة وليلولة كمان 😂😂😂😂😂

#سوزي💃

هنا في القضارف عندنا
بين كل محل طعمية ومحل طعمية، في محل طعمية تالت.

#سوزي💃

شايفاك ي العايز تتونس معاي بس خايف تقع في حبي.

#سوزي💃

الحمدلله الذي بنعمته تتم الصالحات💍⁦♥️
جمعني القدر وشاء ربي بأن يكون نصيبا لي فالحمدلله تمت خطبتي علي من اختاره الله لي واختاره قلبي لاكمل معه المشوار
فدعواتكم الطيبه والصادقه لنا بالسعاده والتوفيق وان يؤلف الله قلوبنا ويتمم لنا ع خير"
استخرج من القطعه السابقه
اسم فاعل. اسم مفعول. وصيغة مباااالغه 🌚

#سوزي💃

الشبكة لاعبة معانا فتحي يا وردة غمضي يا وردة

#سوزي💃

بسم الله الرحمن الرحيم
جمهورية السودان
وزارة التربية والتعليم
إمتحانات الشهاده السودانيه للعام ٢٠٢٦م

الماده : التاريخ الزمن : ساعتان
___________
السؤال الاول : ٢٠ درجه
عرف الاتي :
الجنجويد :
.............................................................
القوات المسلحة السودانية :
.............................................................
قوى الحريه والتغيير :
.............................................................
الحركات المسلحه :
.............................................................
الكيزان :
.............................................................
فاغنر :
.............................................................
الترس :
.............................................................
السؤال الثاني : ١٠ درجات
اكمل العبارات التاليه :
انا........... سفيان.......... بريمه، المتمرد................... الفاسدين.
دنيا.............. وزايل..................... .
بتقاتلنا ليه........................... .
التمطر............... الليله قبل................ .
........... عنزايه.
الخرطوم حقت...........................
الخرطوم الا يسكنوها............ .
السؤال الثالث : ١٠ درجات
ضع دائرة حول حرف الاجابه الصحيحه :
١) الفلول هم :
أ) الكيزان ب) الجنجويد. ج) قوات الشعب المسلحه د) الحركات المسلحه

٢)ما هو اخطر متحركات الجنجويد.
أ) مرفعين فسا ب) ام ظراباي ج) عجال لاقن د) الجنا الفقُر
٣)
ما هي الدوله الاكثر دعماً للتمرد
أ) الامارات ب) السعوديه ب) رووسيا ) كينيا
٤) من هي اصدق الشخصيات الاعلاميه :
أ) خالد الاعيسر. ب) يوسف عزت ج) الانصرافي
د) عمران عبدالله
٥) اين تتواجد المليشيات
أ) المعسكرات. ب) بيوت المواطنين ج) مستشفى الدايات د) النقعه
٦) ظهور قائد قوات الدعم السريع
أ) حقيقه ب) ذكاء اصطناعي. ج) غباء اصطناعي
د) دوبلاج
٧) اين تم قنص قائد قوات الدعم السريع؟
أ) اليد اليسرى ب) الرأس ج) الصدر د) المؤخره

السؤال الرابع : ١٥ درجه
أ) متى توفي قائد الجنجويد

#سوزي💃

لاقاني بوست لي واحدة منفسنة قالت :"الكفته بعملوها كيف اكفتوكم صباح ومساء😒"
ردت عليها واحدة تانية قالت :"جيبي لحمة مفرومة يفرمك قطر وقرقوش يقرقش عضامك وبيضة تبيضي واقفة بصلة صغيرة يصغرن عيونك وطماطمة الطمام المايفارقك وحبة زيت يزيت ركبك وعلي الكبة يكبك في خور ابو عنجة اضربيها كويس يضربك الضريب شقاق العناقريب لحدي تحسيها اتماسكت يمسكك التي والقرض المدبوغ ني ولفيها بالشكل العاوزاهو تلفي مع الدعامة لي يوم القيامة واعملي صوص تصوفني حية ختيها في طوة يطوي سيرتك وتكتر نبيشتك لحدي م تشرب الصوص تشربي العرقي المر تنزليها تنزلي في ميدان رقية ابو السيد واكلي بالهنا تاكلي الحمت رمت شاحدة الله".

#سوزي💃