មានគេធ្លាប់សួរខ្ញុំអំពីការផ្សាយពុម្ពអក្សរនៅលើ Google Fonts ថាត្រូវធ្វើដូចម្ដេចខ្លះ។ បើឱ្យខ្ញុំរៀបរាប់លំដាប់លំដោយ វានឹងវែងឆ្ងាយ ហើយសរសេរក៏អាចនឹងមិនក្បោះក្បាយដូចការអានសេចក្ដីណែនាំរបស់ Google Fonts ដែរ។

ដូច្នេះ នៅក្នុងអត្ថបទនេះ ខ្ញុំនឹងលើកឡើងអំពីរឿងមួយចំនួនដែលអ្នកគួរដឹងដើម្បីត្រៀមខ្លួនផ្សាយពុម្ពអក្សរនៅទីនោះ។ ក្នុងនេះ ខ្ញុំបានភ្ជាប់តំណទៅកាន់គេហទំព័រដទៃទៀត ដែលមានប្រយោជន៍សម្រាប់ការសិក្សាបន្ត។

https://sovichet.com/blog/publishing-on-google-fonts/

ដើម្បីសម្រួលការស្វែងរកប្រភពឯកសារអំពីពុម្ពអក្សរខ្មែរ ខ្ញុំបានចងក្រងទំព័រមួយដោយឡែកសម្រាប់តំណទៅកាន់គេហទំព័រនិងអត្ថបទពាក់ព័ន្ធនានា។

ខ្ញុំសង្ឃឹមទំព័រនេះនឹងមានប្រយោជន៍សម្រាប់អ្នករាល់គ្នា!

https://khmertypography.com/resources/

ការបញ្ចូលអក្សរខ្មែរទៅក្នុងប្រព័ន្ធយូនីកូដ ចាប់ផ្ដើមនៅឆ្នាំ ១៩៩៦ ហើយមានដាក់ឱ្យប្រើប្រាស់ជាផ្លូវការនៅខែកញ្ញា ឆ្នាំ១៩៩៩ ក្នុងកំណែ Unicode 3.0.0។

https://khmertypography.com/khmer-unicode-letter-1996/

ប្រើអក្សរយូរហើយទើបដឹងថាខ្ញុំលួចគេប្រើ? តើអក្សរមានអ្នកធ្វើ? សិទ្ធប្រើប្រាស់ដូចម្ដេច? ម៉េចហៅថាពុម្ពអក្សរអថេរ?

T.me/sophatCHY

https://www.facebook.com/SophatCHY/videos/196165480168024

ធ្លាប់មានការជជែកដេញដោលសួររឿងជើង-រ ពេលមានស្រៈនៅខាងក្រោម ថាគួរតែធ្វើយ៉ាងណាឱ្យសម?

ការដែល ជើង-រ លែងអូសវែងមកព័ទ្ធដូចអក្សរខ្មែរបុរាណ យើងអាចនឹងពិបាកកំណត់ឱ្យច្បាស់ថាបានផ្លាស់ប្ដូរនៅពេលណា។ យើងអាចសន្និដ្ឋានជាដំបូងថា ការផ្លាស់ប្ដូរនេះកើតមាននៅពេលគេទទួលការបោះពុម្ពរបៀបទំនើប (ប្រើការបោះពុម្ពគ្រាប់អក្សរសំណ) ដែលមានលក្ខខណ្ឌកម្រិតបច្ចេកទេសមួយចំនួនដែលពិបាកសម្របសម្រួលនៅពេលនោះ។

អានបន្ថែម៖ https://khmertypography.com/coeng-ro-and-below-marks/

នៅជ្រុងក្រោមខាងស្ដាំនៃកាសែត នគរវត្ត លេខ 8 បោះផ្សាយនៅឆ្នាំ 1937 បានជម្រាបដល់អ្នកអានថា៖

«អស់លោក-អ្នកមើល មុខជានឹងឃើញមានខ្វាស់ស្រៈនិងតួព្យញ្ជនៈជាច្រើន ហេតុនេះយើងខ្ញុំសូមយកស្រៈនិងព្យញ្ជនៈខ្លះដែលមិនជាត្រឹមត្រូវ មកប្រើជំនួសិន ទំរាំជាងសិទ្ធិអក្សរនោវស្រុកបារាំងផ្ញើមកដល់ យើងខ្ញុំនឹងកែប្រែឱ្យត្រឹមត្រូវឡើយ។»

នេះបង្ហាញថា នៅឆ្នាំ 1937 ទំនងមិនទាន់មានរោងសិតនិងផលិតគ្រាប់ពុម្ពអក្សរនៅស្រុកខ្មែរនៅឡើយទេ ដោយតោងអាស្រ័យការផលិតនៅស្រុកបារាំង។ តើស្រុកខ្មែរមានការផលិតគ្រាប់ពុម្ពដោយខ្លួនឯង ពីឆ្នាំណាមក?

រីករាយឆ្នាំថ្មី ២០២៤!