👉អានលម្អិត:
ពលរដ្ឋ​ខ្មែរ​ម្នាក់​ស្លាប់ និង​ជា​ច្រើន​នាក់ទៀត​រង​របួស ដោយ​ការ​បាញ់​ប្រហារ​របស់​ទាហាន​ថៃ​ដែល​ប្រើ​កាំភ្លើង RPD នៅ​រសៀល​ថ្ងៃទី១២ ខែ​វិច្ឆិកា​នេះ នៅ​ភូមិ​ព្រៃចាន់ ឃុំ​អូរ​បីជាន់ ស្រុក​អូរជ្រៅ​ ខេត្ត​បន្ទាយ​មាន​ជ័យ។ នេះបើ​តាម​រដ្ឋបាល​ខេត្ត​បន្ទាយ​មាន​ជ័យ​និង​រដ្ឋមន្ត្រីក្រសួង​ព័ត៌មាន។

អ្នកនាំពាក្យរដ្ឋបាលខេត្តបន្ទាយមានជ័យ បាន​ថ្លែង​ថា កម្លាំងទាហានថៃបានប្រើកាំភ្លើង RPD បាញ់ប្រហារមកលើប្រជាពលរដ្ឋកម្ពុជាដែលកំពុងស្នាក់នៅក្នុងជម្រកកៅស៊ូតង់ក្នុងដែនអធិបតេយ្យ នៃព្រះរាជាណាចក្រកម្ពុជា ស្ថិតក្នុងភូមិព្រៃចាន់ បណ្តាល​ឱ្យប្រជាពលរដ្ឋខ្មែរស្លាប់ចំនួន១នាក់និង​រង​របួស​ជា​ច្រើន​នាក់​ទៀត។

អ្នកនាំពាក្យរដ្ឋបាលខេត្តបន្ទាយមានជ័យ ប្រកាសថ្កោលទោសយ៉ាងដាច់អហង្ការចំពោះ ទង្វើអមនុស្សធម៌ ដ៏សាហាវឃោរឃៅនេះ ដែល​បង្ហាញយ៉ាងច្បាស់កាលដែលភាគីថៃបានរំលោភបំពានលើ «សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ»” ដែលភាគីទាំងពីរបាន ចុះហត្ថលេខាកាលពីថ្ងៃទី២៦ ខែតុលា ដោយ​មាន​លោក​ ដូណាល់ ត្រាំ ប្រធានាធិបតីសហរដ្ឋអាមេរិក និង​លោក​​ អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ាន។

អ្នកនាំពាក្យរដ្ឋបាលខេត្តបន្ទាយមានជ័យ​ថ្លែង​ថា​ កម្ពុជា «ប្រកាន់ជំហរគោរពទៅតាមអ្វីដែលជាការព្រម ព្រៀងគ្នារវាងប្រទេសទាំងពីរ ដោយរក្សាស្ថានភាពដដែលរហូតដល់ការងារខណ្ឌសីមាព្រំដែនគោកត្រូវ បានបញ្ចប់។ ក្នុងន័យនេះ ដើម្បីបន្ធូរបន្ថយភាពតានតឹង និងរង់ចាំដំណោះស្រាយរបស់គណៈកម្មការ ចម្រុះព្រំដែន(JBC)»។

លោក នេត្រ ភក្ត្រា រដ្ឋមន្ត្រី​ក្រសួង​ព័ត៌មាន​បាន​ថ្លែង​ថា គិត​ត្រឹម​ម៉ោង​ជិត ៦​ល្ថាច ទាហាន​ថៃ​នៅ​បន្ត​បាញ់​ប្រហារ​មក​ប្រជាពលរដ្ឋ​កម្ពុជា​នៅ​ឡើយ៕. ប្រភពភ្នំពេញ ប៉ុស្ដិ៍​. @a_najak . @ReminiTelegrambot