👉អានលម្អិត
កងរាជអាវុធហត្ថប្រកាសថា នៅថ្ងៃទី១៥ តុលា ប្តីប្រពន្ធឈ្មោះ ថោង សេរីវិសិដ្ឋ និង ថន សុជាតិ បានរាយការណ៍ថា មានបុគ្គលម្នាក់ជិះម៉ូតូ ADV ពណ៌ខ្មៅ ប្រើកាំភ្លើងខ្លីគំរាមពួកគេ នៅលើផ្លូវជាតិលេខ៤ ក្នុងស្រុកព្រៃនប់។

ក្រោយស្រាវជ្រាវ កម្លាំងបានស្គាល់ថា ជា ខាន់ នីរ៉ូត ព្រឹន្ទបាលទោ ស្ថិតក្នុងកងអាវុធហត្ថស្រុកកំពង់សីលា ហើយបានឃាត់ខ្លួនដើម្បីដំណើរការតាមនីតិវិធី។

សេចក្តីរាយការណ៍បន្ថែមថា ករណីកើតឡើងបន្ទាប់ពីរថយន្តធំមួយបើកជែងឡានច្រើនគ្រឿង បណ្តាលឲ្យមានការជជែកប្រកែកគ្នា។ ទោះជាយ៉ាងណា មន្រ្តីខាងលើមិនបានបាញ់ ឬគំរាមផ្ទាល់នោះទេ។

ឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថបានបញ្ជាក់ថា ការសម្របសម្រួល និងសូមទោសរវាងភាគីទាំងពីរបានធ្វើរួចរាល់ ហើយខាន់ នីរ៉ូត កំពុងត្រូវដាក់ពន្ធនាគាររង់ចាំវិធានវិន័យទ័ពបន្ត។