BREAKING (update): យោធាថៃ បាញ់សម្រុកខ្លាំងនៅច្រកអូរស្មាច់ និងផ្លោងឆេះការ៉ាស់សាំង PTT (ព្រំដែន)៖ នៅសៀល ថ្ងៃទី១១ ខែធ្នូ ឆ្នាំ២០២៥នេះ កម្លាំងយោធាថៃ បាញ់សម្រុកខ្លាំងនៅច្រកអូរស្មាច់ និងបានផ្លោងកាំភ្លើងធំឆេះការ៉ាស់សាំង PTT នៅចម្ងាយមិនដល់មួយគីឡូម៉ែត្រពីច្រកទ្វារព្រំដែន។កម្លាំងជួរមុខរបស់កម្ពុជានៅតែម្ចាស់ការប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការំលោភបំពានម្ដងហើយម្ដងទៀតរបស់ថៃ៕

ចំនួនពលរដ្ឋស្លាប់ និងរបួស គិតពីម៉ោង៧ព្រឹករហូតដល់ម៉ោង ១២:០០នាទីថ្ងៃត្រង់ ថ្ងៃទី១១ ខែធ្នូ ឆ្នាំ២០២៥!ខេត្តបន្ទាយមានជ័យ មានពលរដ្ឋស្លាប់ចំនួន ១នាក់ និងរងរបួសស្រាលចំនួន ១៤នាក់។ គិតពីថ្ងៃទី៧ ខែធ្នូ មកដល់ម៉ោង១២:០០នាទី ថ្ងៃទី១១ ខែធ្នូ នេះ មានពលរដ្ឋខ្មែរស្លាប់សរុបចំនួន ១១នាក់ និងរងរបួសចំនួន ៧៤នាក់។

BREAKING (update): ល្ងាចនេះ សមរភូមិអូរភ្លុកដំរី តំបន់ថ្មដា ខេត្តពោធិ៍សាត់ ស្ងាត់វិញហើយ(ព្រំដែន)៖ នៅល្ងាចថ្ងៃទី១១ ខែធ្នូ ឆ្នាំ២០២៥នេះ នៅសមរភូមិអូរភ្លុកដំរី ឃុំថ្មដា ស្រុកវាលវែង ខេត្តពោធិ៍សាត់ បានស្ងាត់ទៅវិញហើយ ក្រោយទាហានថៃ បានសម្រុកទម្លាក់គ្រាប់ និងបាញ់ចូលយ៉ាងខ្លាំងនៅថ្ងៃមិញ។ កម្លាំងជួរមុខរបស់កម្ពុជានៅតែម្ចាស់ការឈរជើង និងប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការំលោភបំពានម្ដងហើយម្ដងទៀតរបស់ថៃ៕