សហគមន៍ និងអាជ្ញាធរមូលដ្ឋានធ្វើបុណ្យរំលឹកដល់សត្វដំរីស្លាប់ដោយសារគ្រាប់ផ្លោងថៃ និង បុណ្យខួបបំបួសព្រៃព្រះរការ ប្រជាពលរដ្ឋ និងអាជ្ញាធរមូលដ្ឋាន បានរួមគ្នាធ្វើបុណ្យរំលឹកដល់សត្វដំរី មេ និងកូន ពីរក្បាលដែលបានស្លាប់ ដោយសាគ្រាប់ផ្លោងរបស់កងទ័ពថៃ និងពិធីបុណ្យខួបបំបួសព្រៃព្រះរការ ចាប់ពីថ្ងៃទី២ ដល់ទី៣ ខែមីនា ឆ្នាំ២០២៦ ដើម្បីរំលឹកដល់គុណធនធានព្រៃឈើ និងជីវៈចម្រុះ ក៏ដូចជាលើកកម្ពស់ការយល់ដឹងពីការអភិរក្ស។ ​.ប្រភព:ភ្នំពេញប៉ុស្ដិ៍

👍 imsela.com

ម្ចាស់រោងចក្រសហគ្រាសត្រូវបានជំរុញឱ្យយកចិត្តទុកដាក់ខ្ពស់លើការលើកកម្ពស់សុវត្ថិភាព និងសុខភាពការងាររបស់កម្មករ ដើម្បី «បង្ការការដួលសន្លប់» ក្នុងរដូវក្តៅនេះក្រសួងការងារ និងបណ្តុះបណ្តាលវិជ្ជាជីវៈ បានជំរុញឱ្យម្ចាស់ ឬនាយករោងចក្រ​ សហគ្រាស គ្រឹះស្ថានទាំងអស់យកចិត្តទុកដាក់ខ្ពស់ក្នុងការលើកកម្ពស់សុវត្ថិភាព និងសុខភាពការងាររបស់កម្មករនិយោជិត ដើម្បីការពារកុំឱ្យមានការដួលសន្លប់ក្នុងអំឡុងពេលបំពេញការងារនៅក្នុងរដូវក្តៅនេះ។ ​.ប្រភព:ភ្នំពេញប៉ុស្ដិ៍

----
👉 ទាញយកវីដេអូ

ក្រុម​អនុព័ន្ធ​យោធា​បរទេស​សង្ឃឹម​ថា សន្តិភាព ស្ថិរភាព និងប្រក្រតីភាពនឹង​ត្រូវ​បានស្តារពេញលេញឆាប់ៗគណៈប្រតិភូអនុព័ន្ធយោធាបរទេស​ប្រចាំ​ស្ថានទូត​នានា​នៅ​កម្ពុជា បានសម្តែងក្តីសង្ឃឹមថា សន្តិភាព ស្ថិរភាព និងប្រក្រតីភាពរវាងកម្ពុជានិងថៃនឹងត្រូវបានស្តារពេញលេញក្នុងពេលឆាប់ៗនេះ។ ការ​លើក​ឡើង​ដូច្នេះ ធ្វើ​ឡើង​​ក្រោយពួក​គេ​បាន​ចុះទៅកាន់ទីតាំងមួយចំនួនតាម​ព្រំដែន និង​ជួប​ជាមួយ​ជន​ភៀសសឹកជាច្រើន។​.ប្រភព:ភ្នំពេញប៉ុស្ដិ៍

----
👉 សំណួរ Quiz | ចំណេះដឹង

កម្ពុជាបង្កើនការបង្ក្រាបបណ្តាញឆបោកតាមអនឡាញ ប្រព្រឹត្ដិ​​ដោយជនបរទេសអាជ្ញាធរ​កម្ពុជា កំពុង​បង្កើន​ការបង្ក្រាប​លើ​បណ្តាញ​ឆបោក​តាម​ប្រព័ន្ធ​អន​ឡាញ ដែល​ប្រព្រឹត្ដិ​ដោយ​​ជនបរទេស បន្ទាប់ពី​កម្លាំងចម្រុះ​នៃ​គណៈបញ្ជាការ​ឯកភាព​រា​ជ​ធានី​ភ្នំពេញ បាន​ឃាត់ខ្លួន​ជនជាតិ​កូរ៉េខាងត្បូង​ចំនួន​១០​នាក់ ពាក់ព័ន្ធ​នឹង​សកម្មភាព​ឆបោក និង​ល្បែងស៊ីសង​តាម​អ៊ីនធឺណិត​។​​.ប្រភព:ភ្នំពេញប៉ុស្ដិ៍

----
👉 ព័ត៍មានពិភពលោក

ពេញ១ខែកុម្ភៈ មានគ្រោះអគ្គិភ័យបាន​កើតឡើងជិត១០០ករណី នៅទូទាំងប្រទេស​កម្ពុជានៅ​ក្នុង​រយៈ​ពេល​ពេញ​​១ខែកុម្ភៈ គិតចាប់ពីថ្ងៃទី១ រហូតដល់ថ្ងៃទី២៨ ​កន្លងមកនេះមានគ្រោះអគ្គិភ័យបាន​កើតមាន​ឡើងចំនួន៩៧ករណី នៅទូទាំងប្រទេស​កម្ពុជា។ ​នេះ​បើ​តាមរបាយការណ៍​​របស់​​ក្រសួង​មហាផ្ទៃ ដោយ​​គ្រោះ​អគ្គិភ័យ​ទាំង​នោះ បាន​បណ្ដាល​ឱ្យ​ឆេះ​ផ្ទះ​សំបែង​ប្រជាពលរដ្ឋ ៨៣ ខ្នង តូប ១ខ្នង ឃ្លាំង ១០​ខ្នង កុដិ ៨​ខ្នង វិហារ​១ខ្នង បន្ទ​ប់ ៤​បន្ទប់ និងអគារស្នាក់នៅ ១ខ្នង។​.ប្រភព:ភ្នំពេញប៉ុស្ដិ៍

----
👉 ទាញយកវីដេអូ

🇨🇳 បុគ្គលិកនៅប្រទេសចិនម្នាក់ទទួលបានការឈប់សម្រាក 365 ថ្ងៃនឹងបានប្រាក់ខែរាល់ខែ វាជារង្ចាន់លើកទឹកចិត្តក្នុងពិធីជប់លៀងក្រុមហ៊ុន 💀. @khreport

ក្នុង​ពេល​កម្ពុជា​ប្រឈមការឈ្លានពាន​ទន្ទ្រានកាន់កាន់កាប់និង​បង្ខូចកេរ្តិ៍ឈ្មោះ មន្ត្រីការទូត​កម្ពុជា​ត្រូវ​ប្រឹងធ្វើការកាន់តែខ្លាំងប្រមុខ​ការទូត​កម្ពុជា លោក​ ប្រាក់​ សុខុន​ ជំរុញ​ឲ្យ​អ្នក​ការទូត​កម្ពុជា​ប្រឹងប្រែងបំពេញ​ការងារ​ការទូត​របស់​ខ្លួន​ឲ្យ​​កាន់​តែ​ខ្លាំង នៅ​ពេល​ដែល​កម្ពុជា​កំពុង​​រងការ​ឈ្លានពាន ទន្ទ្រាន​យក​ទឹកដី និង​បង្ខូច​កេរ្តិ៍​ឈ្មោះ​ពី​ប្រទេស​ជិត​ខាង។​.ប្រភព:ភ្នំពេញប៉ុស្ដិ៍

----
⭐️ទិញ Star & Premium

រកឃើញគ្រាប់សំណល់យុទ្ធភណ្ឌជាង ១,២០០ គ្រាប់អនុព័ន្ធយោធាបរទេសទៅពិនិត្យស្ថានភាពប្រាសាទព្រះវិហារអាជ្ញាធរកម្ពុជា បានឱ្យដឹងថា គ្រាប់សំណល់យុទ្ធភណ្ឌមិនទាន់ផ្ទុះជាង ១,២០០ គ្រាប់ ត្រូវបានរកឃើញនៅក្នុងបរិវេណប្រាសាទព្រះវិហារ ខណៈគណៈប្រតិភូអនុព័ន្ធយោធាបរទេសប្រចាំកម្ពុជា ទៅពិនិត្យស្ថានភាព ក្រោយការឈ្លានពានតាមបណ្តោយព្រំដែនកម្ពុជា–ថៃ កាលពីចុងឆ្នាំ២០២៥។​.ប្រភព:ភ្នំពេញប៉ុស្ដិ៍

----
👉 ទាញយកវីដេអូ

ការកើនឡើងកំដៅ និងធុំក្លិនកាវក្នុងរោងចក្រអាចជាមូលហេតុធ្វើឱ្យកម្មករដួលសន្លប់, ម្ចាស់រោងចក្រត្រូវពង្រឹងបទដ្ឋានបច្ចេកទេសបរិស្ថានក្រសួងបរិស្ថានបានធ្វើការណែនាំដល់ម្ចាស់រោងចក្រ ស៊ី ហាវ ហ៊ែនប៊ែន ឯ.ក (SHI HAO HANDBAG CO., LTD.)ឱ្យកែសម្រួលសីតុណ្ហភាព រៀបចំប្រព័ន្ធត្រជាក់ និងប្រព័ន្ធលំហូរខ្យល់ នៅក្នុងរោងចក្រ បន្ទាប់ពីមានកម្មការិនីចំនួន ១៩នាក់បានដួលសន្លប់នាពេលថ្មីៗនេះ។​.ប្រភព:ភ្នំពេញប៉ុស្ដិ៍

----
⭐️ទិញ Star & Premium

កូនផ្សោតថ្មី ១ក្បាលទៀតត្រូវបានប្រទះឃើញ ដែលធ្វើឱ្យចំនួនផ្សោតទន្លេមេគង្គនៅកម្ពុជា កើនឡើងដល់ ១១៤ក្បាលកូនផ្សោតទើបកើតថ្មីចំនួន១ក្បាល ដែលមានអាយុប្រមាណជា ២ថ្ងៃ ត្រូវបានប្រទះឃើញនៅព្រឹក ថ្ងៃទី៥ ខែ​មីនា ឆ្នាំ​២០២៦នេះ ដោយក្រុមការងារស្រាវជ្រាវខណ្ឌរដ្ឋបាលជលផលខេត្តក្រចេះ ​និង​ក្រុមការងារអង្គការ WWF ប្រចាំខេត្តក្រចេះ នៅត្រង់ចំណុចអន្លង់ អន្ទង់វៀន ស្ថិតក្នុងអន្លង់ផ្សោតកាំពី ស្ថិតក្នុងភូមិកាំពី ឃុំសំបុក ស្រុកចិត្របុរី ខេត្តក្រចេះ។​.ប្រភព:ភ្នំពេញប៉ុស្ដិ៍

👍 imsela.com

កម្ពុជា នឹង​រៀបចំព្រឹត្តិការណ៍​ភូមិហ្វ្រង់កូហ្វូន ដើម្បីអបអរ​ការ​ធ្វើ​ម្ចាស់ផ្ទះកិច្ចប្រជុំកំពូលហ្វ្រង់កូហ្វូនី ឆ្នាំ​២០២៦ក្រសួងទេសចរណ៍ និង​ភាគីពាក់​ព័ន្ធ​មួយ​ចំនួន​​ទៀត នឹង​​រួមគ្នា​​រៀបចំ​ព្រឹត្តិការណ៍ «ភូមិហ្វ្រង់កូហ្វូន-Village Francophone» រយៈពេល​៥​ថ្ងៃ ដើម្បី​អបអរសាទរ​​ដល់​​​ដំណើរ​ការ​​ធ្វើ​ម្ចាស់​ផ្ទះ​នៃ​​កិច្ចប្រជុំកំពូលហ្វ្រង់កូហ្វូនី (Francophonie Summit) លើកទី ២០ ឆ្នាំ​២០២៦​​របស់​កម្ពុជា ចាប់​ពីថ្ងៃទី ១៣ ដល់​ថ្ងៃ​ទី១៧ ខែ​វិច្ឆិកា ឆ្នាំ២០២៦ នៅរាជធានីភ្នំពេញ។​.ប្រភព:ភ្នំពេញប៉ុស្ដិ៍

----
👉 ព័ត៍មានពិភពលោក

កម្ពុជា​បង្ហាញ​​​​អនុព័ន្ធយោធា​បរទេស​នូវ​​ការខូចខាត​​​ប្រាសាទព្រះវិហារដោយសារការ​វាយ​ប្រហារ​ឈ្លាន​ពាន​​ក្រសួងការពារជាតិ​ក​ម្ពុ​ជា បាន​សម្របសម្រួលដល់​គណៈប្រតិភូ​អនុព័ន្ធយោធា​បរទេស​ប្រចាំ​​​កម្ពុជា មកពី ១២ ប្រទេស ​ទៅ​ទស្សនកិច្ច​នៅ​តំបន់​ប្រាសាទព្រះវិហារ និង​តំបន់​ជុំវិញ នៅ​ថ្ងៃទី​៥ ខែមីនា ដើម្បី​បង្ហាញ​ពី​ទំហំ​នៃ​ការខូចខាត​ដែល​អាជ្ញាធរ​កម្ពុជា​អះអាងថា បណ្តាលមកពី​ការវាយប្រហារ​ឈ្លាន​ពាន​របស់​យោធា​ថៃ​។​​.ប្រភព:ភ្នំពេញប៉ុស្ដិ៍

----
👉 ទាញយកវីដេអូ

ជួបជាមួយ​ស្ត្រី​​ប្រយុទ្ធប្រឆាំង​អំពើ​រំលោភ​លើ​កុមារ ខណៈ CPU ដោះស្រាយ​ករណី​រាប់រយ​ក្នុង​មួយឆ្នាំ​ខណៈ​កម្ពុជា​ប្រារព្ធទិវា​ស្ត្រី​អន្តរជាតិ នៅ​ថ្ងៃទី​៨ ខែមីនា ឆ្នាំ​២០២៦ ស្ត្រី​ជាច្រើន​ដែល​បំពេញ​តួនាទី​ជា​អ្នកស៊ើប​អង្កេត មន្ត្រី​សុខមាលភាព និង​អ្នកជំនាញ​ផ្នែក​វេជ្ជសាស្ត្រ នៅក្នុងអង្គភាព​ការពារ​កុមារ (CPU) កំពុង​ឈរ​នៅ​ជួរមុខ​ក្នុងការ​ស៊ើបអង្កេត​បទ​ល្មើស​ប្រឆាំងនឹង​កុមារ និង​ជួយ​ឲ្យ​ជនរងគ្រោះ​ទទួលបាន​យុត្តិធម៌​។​​.ប្រភព:ភ្នំពេញប៉ុស្ដិ៍

👍 imsela.com

ស្ពានមិត្តភាពកម្ពុជា-ចិន មេគង្គក្រចេះ នឹងបើកឱ្យ​ប្រជាពលរដ្ឋឆ្លងកាត់ជាផ្លូវការ ចាប់ពីថ្ងៃទី១ ខែមេសា ឆ្នាំ២០២៦ស្ពាន​មិត្តភាព​កម្ពុជា-ចិន មេគង្គ​ក្រចេះ ដែល​ជា​ស្ពាន​យុទ្ធសាស្ត្រ​ត​ភ្ជាប់​ការ​ធ្វើដំណើរ​ដ៏សំខាន់​ពី​ស្រុក​ចិត្របុរី នៅ​ត្រើយ​ខាងកើត ទៅ​ស្រុក​ព្រែក​ប្រសព្វ​នៅ​ត្រើយ​ខាង​លិច ហើយ​ក៏​ជា​ស្ពាន លើក​កម្ពស់​ដល់​ប្រសិទ្ធភាព​នៃ​វិស័យ​ដឹក​ជញ្ជូន ពិសេស​ការ​ដឹក​ជញ្ជូន​ទិន្នផល​កសិ-ឧស្សាហកម្ម រួម​ទាំង​ការ​តភ្ជាប់​វិស័យ​ទេសចរណ៍​ពី​ខេត្ត​កំពង់ធំ ទៅកាន់​ភូមិ​ភាគឦសាន​នោះ នឹងបើក​ឱ្យ​ប្រជាពល​រដ្ឋ​ឆ្លង​កាត់ ​ចាប់ពី​ថ្ងៃទី ១ ខែមេសា ឆ្នាំ២០២៦​នេះ​ត​ទៅ ដោយ​មិន​មាន​ការ​បិទចរាចរណ៍​ឡើង​វិញ​ទេ។​.ប្រភព:ភ្នំពេញប៉ុស្ដិ៍

----
⭐️ទិញ Star & Premium

អ្នក​ជំនាញ៖ កុំឲ្យ​ខ្លួន​ក្លាយ​ជា​ជន​ល្មើស​ដោយសារ​តែ​សង្ស័យ​ថា​អ្នក​ណា​ម្នាក់​ចេះ​អាប​ធ្មប់ ព្រោះ​ច្បាប់មិន​លើកលែងទេការ​កាប់​សម្លាប់​គ្នា​ដោយ​សារ​ជំនឿ​ថា​អ្នកណា​ម្នាក់​ចេះ​អំពើ​អាប​ធ្មប់ នៅ​តែ​បន្ត​កើន​ឡើងនៅ​ក្នុង​សង្គម​ខ្មែរ​ ដោយ​ករណី​ចុងក្រោយ​នេះ កើត​ឡើង​នៅខេត្ត​កំពង់​ស្ពឺ នៅ​ក្នុង​សប្ដាហ៍​នេះ។​.ប្រភព:ភ្នំពេញប៉ុស្ដិ៍

👍 imsela.com

ការ​ឆបោក​តាម​អនឡាញមិន​មាន​ចំណែក​​នៅ​ក្នុង​សេដ្ឋកិច្ច​ពណ៌​ស​របស់កម្ពុជា​ទេ ហើយកម្ពុជានឹង​សម្អាត​ឲ្យ​អស់លោក​នាយករដ្ឋមន្ត្រី ហ៊ុន ម៉ាណែត បញ្ជាក់​ថា កម្ពុជាមិន​ត្រឹម​តែ​បង្ក្រាប​បទ​ល្មើស​ឆបោក​តាម​អនឡាញ​ទេ គឺបោស​សម្អាត​តែ​ម្ដង​ ហើយ​ថា​ការ​ឆបោក​តាម​អនឡាញ​ដែល​លោក​ចាត់​ទុក​ថា​ជា​សេដ្ឋកិច្ច​ពណ៌​ខ្មៅ​នេះ​​មិន​មានចំណែក​ដល់​​ចំណូល​នៃ​ថវិកា​ជាតិ​ទេ។​.ប្រភព:ភ្នំពេញប៉ុស្ដិ៍

----
👉 សំណួរ Quiz | ចំណេះដឹង

ក្រសួងពាណិជ្ជកម្មអំពាវនាវឱ្យគ្រប់គ្រងហានិភ័យក្នុងការទិញ-លក់ប្រេងឥន្ធនៈ និងធានាសុវត្ថិភាពអ្នកប្រើប្រាស់ក្រសួងពាណិជ្ជកម្មបានអំពាវនាវដល់ក្រុមហ៊ុនចែកចាយប្រេងឥន្ធនៈ ម្ចាស់ស្ថានីយលក់ប្រេង និងសាធារណជន ឱ្យអនុវត្តតាមស្តង់ដាបច្ចេកទេសក្នុងការលក់ និងស្តុកប្រេងឥន្ធនៈ ដើម្បីគ្រប់គ្រងហានិភ័យ និងធានាសុវត្ថិភាពអ្នកប្រើប្រាស់ ព្រមទាំងរក្សានិរន្តរភាពនៃការផ្គត់ផ្គង់ប្រេងឥន្ធនៈនៅតាមស្ថានីយ។​.ប្រភព:ភ្នំពេញប៉ុស្ដិ៍

----
👉 សំណួរ Quiz | ចំណេះដឹង

មេខ្លោង online scam ចំនួន៧នាក់ចូល​ពន្ធនាគារព្រៃសក្រុមជនត្រូវចោទជាមេខ្លោងចំនួន៧នាក់ ត្រូវបានបញ្ជូនទៅឃុំខ្លួនជាបណ្តោះអាសន្ននៅមណ្ឌលអប់រំកែប្រែទី១ កាលពីថ្ងៃទី៥ ខែមីនា ឆ្នាំ២០២៦ ក្រោមបទល្មើសឆបោកមានស្ថានទម្ងន់ទោស ក្រោយ​ពួកគេ​ត្រូវ​បាន​ចាប់​ខ្លួន​ពី​​អគារ​ស្តាស៊ីធី នៅ​ភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ។​.ប្រភព:ភ្នំពេញប៉ុស្ដិ៍

👍 imsela.com