Գերմանական Նյուրբուրգրինգ հայտնի վազքուղու ղեկավարությունը կրկին թույլատրել է արագության ռեկորդներ սահմանել «Հյուսիսային հանգույցն» անցնելու ժամանակ: VLN թափքային մրցարշավների սեզոնի բացման նախօրեին ավտոդրոմի 16 հատվածներում փոխարիվել է ճանապարհածածկը և տեղադրվել նոր փակոցներ: Սերիայի առաջին մրցարշավը տեղի կունենա ապրիլի 2-ին: 2015 թվականից անվտանգությունից ելնելով` վազքուղու վրա արագության սահմանափակում էր մտցվել: Ավտոդրոմի ղեկավարությունը դիմել է այդ քայլին VLN Endurance չեմպիոնատի ժամանակ տեղի ունեցած ողբերգության պատճառով: 23-ամյա անգլիացի Յան Մարդենբորոուն, որը Nissan GT-R Nismo-ն վարելիս կորցրել է կառավարումը, ինչի հետևանքով ավտոմեքենան փակոցից դուրս է թռել: Արդյունքում հանդիսատեսներից մեկը մահացել է, ևս մի քանիսը վնասվածքներ ստացել