“Jadidlar izidan” tanlovining Kitob tuman bosqichi yuqori saviyada o‘tkazildi

Kitob tumanida yosh avlodning tarixiy bilimlarini oshirish, jadid bobolarimizning boy ma’naviy merosini chuqur o‘rganish hamda o‘quvchilarda milliy g‘urur va vatanparvarlik tuyg‘ularini mustahkamlashga qaratilgan “Jadidlar izidan” respublika tanlovining tuman bosqichi o‘tkazildi.

Tanlov Kitob tumani Maktabgacha va maktab ta’limi bo‘limi hamda “Kelajak markazi” hamkorligida tashkil etilib, unda tuman umumta’lim maktablarining bilimga chanqoq, faol va iqtidorli o‘quvchilari ishtirok etdi.

Tanlov jarayonida ishtirokchilar test sinovi hamda savol-javob shartlari asosida jadidchilik harakati, ma’rifatparvarlik g‘oyalari, jadid namoyandalarining hayoti va ijodiga oid bilimlarini sinovdan o‘tkazdilar.

🏆 Tanlov yakunlariga ko‘ra:
7–8–9-sinflar o‘rtasida:
🥇 1-o‘rin — Raxmonova Shaxrizoda, 26-maktab
🥈 2-o‘rin — Xudoyberdiyev Bunyod, 49-maktab
🥉 3-o‘rin — Salimova Gulzebo, 20-maktab

9–10-sinflar o‘rtasida:
🥇 1-o‘rin — Musurmonova Ozoda, 97-maktab
🥈 2-o‘rin — Fayzullayeva Dilnoza, 28-maktab
🥉 3-o‘rin — Mashrabova Zaxro, 49-maktab

G‘olib va sovrindor o‘quvchilar faxriy yorliqlar hamda esdalik sovg‘alari bilan taqdirlandi.

“Jadidlar izidan” tanlovi yoshlarni jadid bobolarimizning ilm-ma’rifat yo‘lidagi fidoyiligidan ibrat olishga, milliy tariximiz va ma’naviy merosimizni chuqur o‘rganishga, shuningdek, ilmga intilish va Vatanga munosib farzand bo‘lish ruhida tarbiyalashga xizmat qilmoqda.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

Kitob tumani hokimi boshchiligida bozorlar faoliyati oʻrganilmoqda

Kitob tumanida bozorlar toʻkin-sochinligini taʼminlash, oziq-ovqat mahsulotlari narxlarini barqarorlashtirish hamda aholi uchun qulay savdo sharoitlarini yaratish borasidagi ishlar izchil davom ettirilmoqda.

Bugun erta tongdan Kitob tumani hokimi Rustam Gafurov boshchiligidagi masʼul rahbarlar tomonidan “Kitob dehqon bozori” MCHJ faoliyati oʻrganildi.

Oʻrganish davomida bozordagi savdo-sotiq jarayonlari, oziq-ovqat mahsulotlarining amaldagi narxlari, mahsulotlar zahirasi, isteʼmolchilar talabi hamda tadbirkorlar uchun yaratilgan sharoitlar koʻzdan kechirildi.

Shuningdek, bozorda noqonuniy qurilmalar qurish, tegishli hujjatlarsiz faoliyat yuritish kabi holatlar yuzasidan tadbirkorlarga amaldagi qonunchilik talablari va belgilangan javobgarlik choralari tushuntirildi.

Aniqlangan kamchiliklarni qisqa muddatlarda bartaraf etish, bozorlarda tartib-intizomni mustahkamlash, narx-navo barqarorligini taʼminlash hamda aholi uchun sifatli va xavfsiz mahsulotlar savdosini yoʻlga qoʻyish boʻyicha masʼullarga aniq vazifalar belgilandi.

Asosiy maqsad — bozorlarda moʻl-koʻllik va tartibni taʼminlash, aholi manfaatlarini ishonchli himoya qilish hamda xalq roziligiga xizmat qiladigan sharoitlarni yaratish.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube