🔔Kitob tumanidagi barcha maktablarda “Birinchi qo‘ng‘iroq” tadbirlari yuqori saviyada o‘tkazildi

Bugun yurtimizning barcha ta’lim maskanlarida bo‘lgani kabi, Kitob tumanidagi 98 ta umumiy o‘rta ta’lim maktabida ham yangi o‘quv yilining boshlanishi munosabati bilan “Birinchi qo‘ng‘iroq” va “Bilimlar kuni” tadbirlari ko‘tarinki ruhda tashkil etildi.

Bayram tadbirlarida o‘quvchilar, ustoz va murabbiylar, ota-onalar hamda keng jamoatchilik vakillari ishtirok etdi. Ayniqsa, maktab ostonasiga ilk bor qadam qo‘ygan jajji o‘quvchilar uchun ushbu kun unutilmas taassurotlarga boy bo‘ldi.

Shunday tadbirlardan biri tumandagi 10-umumiy o‘rta ta’lim maktabida ham bo‘lib o‘tdi. Unda tuman hokimi Rustam Gafurov ishtirok etib, maktabga ilk qadam qo‘yayotgan 1-sinf o‘quvchilarini “Bilimlar kuni” bilan samimiy muborakbod etdi hamda Prezidentimizning o‘quvchilar va ustoz-murabbiylarga yo’llagan tabrigini o'qib eshittirdi. O‘quvchilarga yangi o‘quv yilida muvaffaqiyat, ustozlarga esa sharafli va mas’uliyatli faoliyatlarida ulkan zafarlar tiladi.

An’anaga ko‘ra, tantanali tadbir yakunida “Birinchi qo‘ng‘iroq” jarang sochdi. Ilk qo‘ng‘iroq sadolari ostida o‘quvchilar “Mustaqillik darslari”ga yo‘l oldilar.

Ma’lumot o‘rnida, joriy o‘quv yilida Kitob tumanidagi umumiy o‘rta ta’lim maktablarida 5 ming 835 nafar o‘g‘il-qiz ilk bor maktab ostonasiga qadam qo‘ymoqda. Ularning zamonaviy bilim va ko‘nikmalarni egallashi, sifatli ta’lim-tarbiya olishi uchun ta’lim muassasalari zarur maktab darsliklari va o‘quv jihozlari bilan ta’minlangan.

Yangi o‘quv yili barcha o‘quvchilarimiz, ustoz va murabbiylarimiz hamda ota-onalarimiz uchun qutlug‘ va omadli kelsin!

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube