Kitob tumanida “Ommaviy diktant” aksiyasi o‘tkazildi

Kitob tumanida “Savodxon tashkilot – savodli jamiyat” shiori ostida “Ommaviy diktant” aksiyasi o‘tkazildi.
Mazkur aksiya davlat tilining nufuzini yanada oshirish, tashkilot va muassasalarda ish yuritish madaniyatini yuksaltirish, xodimlarning yozma savodxonligini oshirish hamda o‘zbek tiliga bo‘lgan hurmatni mustahkamlashga qaratildi.

Aksiya davomida ishtirokchilar o‘zbek tilida diktant yozib, imlo va yozuv qoidalariga oid bilimlarini sinovdan o‘tkazdilar.
Tadbir yakunida faol ishtirokchilar munosib taqdirlandi.

Savodli xodim — savodli tashkilot, savodli tashkilot esa — savodli jamiyat poydevoridir!

Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube

Kitob tumanida mahalla ichki yo‘llari bosqichma-bosqich  yaxshilanmoqda

Kitob tumanida aholiga qulay sharoitlar yaratish maqsadida mahallalarda infratuzilmani rivojlantirish bo‘yicha amaliy ishlar izchil davom etmoqda.

Xususan, tumanning "Samarqand" mahalla fuqarolar yig‘ini hududida ichki yo‘llarni ta’mirlash ishlari olib borilmoqda. Hozirda mazkur hududdagi qariyb 1 kilometrdan ortiq ta’mirtalab yo‘l qismlariga shag‘al yotqizilmoqda.

Ushbu sa’y-harakatlar natijasida aholining kundalik hayotida qo‘shimcha qulayliklar yaratilishi bilan birga, transport qatnovi ham ancha yaxshilanadi.

Ma’lumot uchun, tumanda infratuzilmani rivojlantirishga qaratilgan bunday chora-tadbirlar boshqa mahallalarda ham bosqichma-bosqich amalga oshirilmoqda.

Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube

Kitob tumanida 12,5 mlrd so‘m mablag‘ evaziga Istirohat bog‘i rekonstruksiya qilinmoqda

Kitob tumanida aholi uchun qulay va zamonaviy dam olish maskanlarini ko‘paytirish, mavjud hududlarni obodonlashtirish va infratuzilmasini yaxshilash borasidagi ishlar izchil davom ettirilmoqda.

Shu doirada tumandagi Istirohat bog‘i 12,5 mlrd so‘m mablag‘ evaziga rekonstruksiya qilinmoqda.

Ayni paytda bog‘ hududida keng ko‘lamli qurilish va obodonlashtirish ishlari olib borilmoqda. Xususan, bino ichki va tashqi pardozlash, santexnika ishlari bajarilmoqda.
Shuningdek, bog‘ hududining muhandislik infratuzilmasini yaxshilash maqsadida suv tarmoqlari tortilmoqda. Mavjud suv havzasi ta’mirlanib, hududda zamonaviy favvoralar va lotoklar yotqizilmoqda.

Rekonstruksiya jarayonida hududni obodonlashtirish, sayr yo‘laklari va dam olish uchun qulay sharoitlarni yaratishga ham alohida e’tibor qaratilmoqda. Bog‘ning mavjud infratuzilmasi yangilanib, hudud yanada ko‘rkam va zamonaviy qiyofaga keltirilmoqda.

Mazkur loyihaning amalga oshirilishi natijasida Kitob tumanida aholi va mehmonlar uchun zamonaviy, shinam hamda obod istirohat maskani yaratiladi. Bu yerda fuqarolarning oilaviy hordiq chiqarishi, sayr qilishi va bo‘sh vaqtini mazmunli o‘tkazishi uchun yanada qulay imkoniyatlar paydo bo‘ladi.

Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube