Har bir murojaat e’tibor va nazoratda!

Aholi bilan ochiq va bevosita muloqotni ta’minlash, fuqarolarni qiynayotgan muammolarni tinglash hamda ularni joyida hal etish maqsadida Kitob tumanida navbatdagi fuqarolar qabuli o‘tkazildi.

Qabulda tuman hokimi o‘rinbosarlari Farhod Usmonov va Gulbahor Begimova, tuman prokurori Xurshid Baxromov, tuman IIB boshlig‘i Yashin Xudoyberdiyev hamda mas’ul tashkilot va idoralar vakillari ishtirok etdi.

Fuqarolar ijtimoiy himoya, uy-joy, moddiy yordam, yo‘l-transport infratuzilmasi, elektr energiyasi va ichimlik suvi ta’minoti kabi masalalar yuzasidan 30 dan ortiq murojaat bildirdi. Har bir murojaat tegishli mas’ullar tomonidan ko‘rib chiqilib, ijrosi nazoratga olindi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

🇺🇿Kitob tumanida Ichki ishlar organlari xodimlari kuni keng nishonlandi

O‘zbekiston Respublikasi Ichki ishlar vazirligi tashkil etilganining 35 yilligi hamda 25-oktabr — Ichki ishlar organlari xodimlari kuni munosabati bilan Kitob tumanida tantanali bayram tadbiri bo‘lib o‘tdi.

Bayram tadbirida tuman hokimi Rustam Gafurov boshchiligidagi mas’ul rahbarlar, tuman Ichki ishlar bo‘limi shaxsiy tarkibi, soha faxriylari hamda jamoatchilik vakillari ishtirok etdi.

Tadbir davomida so‘zga chiqqanlar ichki ishlar tizimida so‘nggi yillarda amalga oshirilayotgan islohotlar va sohada erishilayotgan natijalar haqida fikr bildirdilar. Fuqarolar tinchligi va osoyishtaligini asrash, ularning huquq va erkinliklarini himoya qilish hamda jamiyatda qonun ustuvorligini ta’minlash yo‘lida fidokorona xizmat qilayotgan xodimlar, tinglovchi-kursantlar va faxriylarni bayram bilan samimiy tabrikladilar.

Tadbirda xizmat vazifalarini sidqidildan bajarib, sohada samarali mehnat qilayotgan bir guruh xodimlar e’tirof etildi. Jumladan, O‘zbekiston Respublikasi Prezidentining tegishli Farmonlariga muvofiq “Shuhrat” medali bilan taqdirlangan Xudayqulov Suyar Suvanqulovichga mukofot tantanali ravishda topshirildi.

Bayram dasturi tuman ijodkorlari hamda “VIA SHARQ” guruhi solisti Tatyana Zaytseva ijrosidagi kuy-qo‘shiqlar bilan davom etdi. Taniqli san’atkorlar ona Vatan, do‘stlik va muhabbatni tarannum etuvchi asarlarni ijro etib, tadbir ishtirokchilariga ko‘tarinki kayfiyat ulashdilar.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube