🇺🇿Kitob tumanida Ichki ishlar organlari xodimlari kuni keng nishonlandi

O‘zbekiston Respublikasi Ichki ishlar vazirligi tashkil etilganining 35 yilligi hamda 25-oktabr — Ichki ishlar organlari xodimlari kuni munosabati bilan Kitob tumanida tantanali bayram tadbiri bo‘lib o‘tdi.

Bayram tadbirida tuman hokimi Rustam Gafurov boshchiligidagi mas’ul rahbarlar, tuman Ichki ishlar bo‘limi shaxsiy tarkibi, soha faxriylari hamda jamoatchilik vakillari ishtirok etdi.

Tadbir davomida so‘zga chiqqanlar ichki ishlar tizimida so‘nggi yillarda amalga oshirilayotgan islohotlar va sohada erishilayotgan natijalar haqida fikr bildirdilar. Fuqarolar tinchligi va osoyishtaligini asrash, ularning huquq va erkinliklarini himoya qilish hamda jamiyatda qonun ustuvorligini ta’minlash yo‘lida fidokorona xizmat qilayotgan xodimlar, tinglovchi-kursantlar va faxriylarni bayram bilan samimiy tabrikladilar.

Tadbirda xizmat vazifalarini sidqidildan bajarib, sohada samarali mehnat qilayotgan bir guruh xodimlar e’tirof etildi. Jumladan, O‘zbekiston Respublikasi Prezidentining tegishli Farmonlariga muvofiq “Shuhrat” medali bilan taqdirlangan Xudayqulov Suyar Suvanqulovichga mukofot tantanali ravishda topshirildi.

Bayram dasturi tuman ijodkorlari hamda “VIA SHARQ” guruhi solisti Tatyana Zaytseva ijrosidagi kuy-qo‘shiqlar bilan davom etdi. Taniqli san’atkorlar ona Vatan, do‘stlik va muhabbatni tarannum etuvchi asarlarni ijro etib, tadbir ishtirokchilariga ko‘tarinki kayfiyat ulashdilar.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

Kitob tumanida “Obod xonadon — obod ko‘cha — obod mahalla” mezonlari asosida keng ko‘lamli ishlar amalga oshirilmoqda

"Denov" mahallasida navbatdagi namunaviy ko‘cha tanlanib, obodonlashtirish ishlari bosqichma-bosqich olib borilmoqda. Xonadonlar atrofi va yo‘l yoqalari ko‘kalamzorlashtirilib, hududning qiyofasini yanada chiroyli qilish maqsadida ishkomlar qurildi.

Tuman hokimligi tomonidan ko‘chalarning yo‘l qoplamasini yangilashga ham alohida e’tibor qaratilmoqda. Ayni paytda umumiy uzunligi qariyb 200 metr bo‘lgan ichki ko‘chalarni asfaltlash ishlari davom etmoqda.

Ushbu sa’y-harakatlar mahalla infratuzilmasini yaxshilash, aholi uchun qulay sharoit yaratish va obodlikka daxldorlik hissini mustahkamlashga xizmat qiladi.

#Kitob #DenovMahallasi #ObodMahalla #ObodXonadon #ObodKo‘cha

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

⚽️ Kitob tumanida “Nasaf FC” futbol maktabining yangi futbol maydoni ochildi

Bugun Kitob tumanidagi 1-son texnikum hududida “Nasaf FC” futbol maktabining yangi sun’iy qoplamali futbol maydoni foydalanishga topshirildi.

Tantanali ochilish marosimida tuman hokimi Rustam Gafurov boshchiligidagi mas’ul rahbarlar, yosh sportchilar, ularning ota-onalari hamda futbol ixlosmandlari ishtirok etdi.

Zamonaviy talablar asosida barpo etilgan yangi futbol maydoni yoshlarning sport bilan muntazam shug‘ullanishi, futbolga bo‘lgan qiziqishini yanada oshirish va iqtidorli yoshlarni saralab olish uchun muhim imkoniyat yaratadi.

Endilikda Kitob tumanidagi yosh futbolchilar o‘z mahoratlarini yanada oshirib, yurtimiz futboli uchun munosib sportchilar bo‘lib yetishishlari uchun zamonaviy sharoitlardan foydalanadilar.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube