📚Kitob tumanidagi barcha maktablarga 1-sinf o'quvchilari uchun "Prezident sovg‘a"lari yetkazib berildi

Yangi o‘quv yili arafasida Kitob tumanidagi 1-sinf o‘quvchilari uchun mo‘ljallangan “Prezident sovg‘alari” to‘plamlari yetkazib berildi.

Mazkur sovg‘a to‘plami birinchi sinfga qadam qo‘yayotgan o‘quvchilar uchun zarur bo‘lgan 12 turdagi o‘quv qurollarini o‘z ichiga oladi. Jumladan, o‘quv sumkasi, 12 ta daftar, ruchka, 2 ta oddiy qalam, rangli qalamlar to‘plami, rangli qog‘oz, plastilin, rasm daftari, 2 ta o‘chirg‘ich, rangli akvarel bo‘yoqlari, yelim va qalamdon mavjud.

🇺🇿 Shuningdek, O‘zbekiston Respublikasi davlat mustaqilligining 35 yilligi munosabati bilan bu yilgi “Prezident sovg‘alari” tarkibiga davlat ramzlari tasvirlangan brelok ham kiritilgan. Ushbu tashabbus yosh avlod qalbida Vatanga sadoqat, davlat ramzlariga hurmat va yurt bilan faxrlanish tuyg‘ularini yanada mustahkamlashga xizmat qiladi.

🏫Ta’kidlash joiz, mazkur sovg‘a to‘plamlari tumandagi 98 ta umumiy o‘rta ta’lim maktablariga to‘liq yetkazib berildi.

✅ Ma’lumot o‘rnida: joriy o‘quv yilida Kitob tumanida 5 835 nafar o‘g‘il-qiz ilk bor maktab ostonasiga qadam qo‘yishi kutilmoqda. Ularning sifatli ta’lim-tarbiya olishi uchun ta’lim muassasalari zarur darsliklar, o‘quv qurollari hamda maktab jihozlari bilan ta’minlangan.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

🇺🇿 Қашқадарё осмони узра юртимизнинг Давлат байроғи парвоз қилди

Мустақиллигимизнинг 35 йиллиги арафасида юртимиз байроғининг осмонимиз узра ҳилпираб ўтиши қалбларимиздаги ғурур ва Ватанга муҳаббат туйғуларини яна бир бор жўш урдирди.

📱Gov.uz| 📱Telegram| 📱YouTube| 📱FB|📱Instagram| 📱X

🇺🇿 Kitob tumani markazida yana bir zamonaviy maktabgacha ta’lim tashkiloti foydalanishga topshirildi

Yurtimiz mustaqilligining 35 yilligi arafasida Kitob tumanida aholi uchun zarur bo‘lgan yangi ijtimoiy obyektlarni barpo etish va foydalanishga topshirish ishlari izchil davom ettirilmoqda.

Ana shunday bunyodkorlik loyihalaridan biri Kitob tumani markazida amalga oshirilib, 100 o‘rinli zamonaviy xususiy maktabgacha ta’lim tashkiloti o‘z faoliyatini boshladi.

“Muslima kids” nomli mazkur maktabgacha ta’lim tashkilotining tantanali ochilish marosimida Kitob tumani hokimi Rustam Gafurov boshchiligidagi mas’ullar, nuroniylar, mahalla faollari hamda ommaviy axborot vositalari vakillari ishtirok etdi.

Tadbirda mamlakatimizda maktabgacha ta’lim tizimini rivojlantirish, bolalarni zamonaviy va qulay sharoitlarda tarbiyalash, ularning maktab ta’limiga puxta tayyorgarlik ko‘rishini ta’minlash borasida amalga oshirilayotgan ishlarning ahamiyati alohida ta’kidlandi.

Yangi tashkil etilgan ta’lim maskani zamonaviy talablar asosida jihozlangan bo‘lib, bu yerda tarbiyalanuvchilar uchun qulay va xavfsiz sharoitlar yaratilgan. Mazkur loyiha hududdagi maktabgacha ta’lim xizmatlariga bo‘lgan ehtiyojni qondirish bilan birga, yangi ish o‘rinlarini yaratishga ham xizmat qilmoqda.

Ma’lumot o‘rnida, “Muslima kids” maktabgacha ta’lim tashkilotini tashkil etish loyihasining umumiy qiymati 3,5 milliard so‘mni tashkil etadi. Tashkilot faoliyati natijasida 25 ta yangi ish o‘rni yaratildi.

Mustaqillik bayrami arafasida foydalanishga topshirilayotgan bunday zamonaviy ijtimoiy obyektlar aholining, ayniqsa, yosh avlodning munosib sharoitlarda ta’lim-tarbiya olishi uchun keng imkoniyatlar yaratishi bilan ahamiyatlidir.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

🇺🇿 Kitob tumanida maktabgacha ta’lim tashkilotlari soni 326 taga yetdi

Kitob tumanida aholi uchun zamonaviy va qulay ijtimoiy infratuzilma obyektlarini barpo etish hamda foydalanishga topshirish ishlari izchil davom ettirilmoqda.

Xususan, bayram arafasida tuman markazida navbatdagi zamonaviy maktabgacha ta’lim tashkiloti foydalanishga topshirildi.

100 o‘ringa mo‘ljallangan mazkur xususiy maktabgacha ta’lim tashkiloti zamonaviy talablar asosida bunyod etilib, bu yerda bolalarning ta’lim-tarbiya olishi uchun zarur shart-sharoitlar yaratilgan. Loyihaning umumiy qiymati 5,5 milliard so‘mni tashkil etib, uning ishga tushirilishi natijasida 30 ta yangi ish o‘rni yaratildi.

✅E’tiborli jihati, yangi maktabgacha ta’lim tashkilotining faoliyat boshlashi bilan tumandagi maktabgacha ta’lim tashkilotlari soni 326 taga, maktabgacha ta’lim bilan qamrov darajasi esa qariyb 70 foizga yetdi.

Mazkur ko‘rsatkichlar tumanda maktabgacha ta’lim tizimini rivojlantirish, bolalarni sifatli ta’lim va tarbiya bilan qamrab olish, shuningdek, aholi uchun qulay shart-sharoitlar yaratish borasidagi ishlarning izchil davom etayotganidan dalolat beradi.

Yangi ta’lim maskanining tantanali ochilish marosimida tuman mas’ullari, keng jamoatchilik vakillari hamda soha xodimlari ishtirok etdi.

Tadbirda yangi tashkil etilgan maktabgacha ta’lim tashkilotining faoliyatiga muvaffaqiyat tilanib, uning kelgusida hududdagi bolalarning maktabgacha ta’lim bilan qamrovini yanada oshirishga xizmat qilishi ta’kidlandi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube