🇺🇿 Kitob tumanida maktabgacha ta’lim tashkilotlari soni 326 taga yetdi

Kitob tumanida aholi uchun zamonaviy va qulay ijtimoiy infratuzilma obyektlarini barpo etish hamda foydalanishga topshirish ishlari izchil davom ettirilmoqda.

Xususan, bayram arafasida tuman markazida navbatdagi zamonaviy maktabgacha ta’lim tashkiloti foydalanishga topshirildi.

100 o‘ringa mo‘ljallangan mazkur xususiy maktabgacha ta’lim tashkiloti zamonaviy talablar asosida bunyod etilib, bu yerda bolalarning ta’lim-tarbiya olishi uchun zarur shart-sharoitlar yaratilgan. Loyihaning umumiy qiymati 5,5 milliard so‘mni tashkil etib, uning ishga tushirilishi natijasida 30 ta yangi ish o‘rni yaratildi.

✅E’tiborli jihati, yangi maktabgacha ta’lim tashkilotining faoliyat boshlashi bilan tumandagi maktabgacha ta’lim tashkilotlari soni 326 taga, maktabgacha ta’lim bilan qamrov darajasi esa qariyb 70 foizga yetdi.

Mazkur ko‘rsatkichlar tumanda maktabgacha ta’lim tizimini rivojlantirish, bolalarni sifatli ta’lim va tarbiya bilan qamrab olish, shuningdek, aholi uchun qulay shart-sharoitlar yaratish borasidagi ishlarning izchil davom etayotganidan dalolat beradi.

Yangi ta’lim maskanining tantanali ochilish marosimida tuman mas’ullari, keng jamoatchilik vakillari hamda soha xodimlari ishtirok etdi.

Tadbirda yangi tashkil etilgan maktabgacha ta’lim tashkilotining faoliyatiga muvaffaqiyat tilanib, uning kelgusida hududdagi bolalarning maktabgacha ta’lim bilan qamrovini yanada oshirishga xizmat qilishi ta’kidlandi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

🇺🇿 Kitob tumani markazida bayram arafasida yangi xususiy klinika ish boshladi

So‘nggi yillarda mamlakatimizda sog‘liqni saqlash tizimida xususiy sektorning o‘rni va ulushi tobora ortib bormoqda. Sohada shakllanayotgan sog‘lom raqobat muhiti tibbiy xizmatlar sifatini oshirish, zamonaviy texnologiyalarni joriy etish hamda aholiga ko‘rsatilayotgan tibbiy xizmatlar ko‘lamini kengaytirishga xizmat qilmoqda.

Kitob tumanida ham aholiga zamonaviy tibbiy xizmat ko‘rsatish imkoniyatlarini kengaytirish borasidagi ishlar izchil davom ettirilmoqda.

Xususan, bugun tuman markazida “Oydin MED” nomli yangi xususiy klinikaning tantanali ochilish marosimi bo‘lib o‘tdi.

Unda Kitob tumani hokimi Rustam Gafurov boshchiligidagi mas’ullar, nuroniylar, tibbiyot sohasi vakillari hamda keng jamoatchilik vakillari ishtirok etdi.

Tadbir davomida mehmonlar klinikada bemorlar uchun yaratilgan shart-sharoitlar, tibbiy xizmat ko‘rsatish imkoniyatlari hamda zamonaviy tibbiy uskunalar bilan yaqindan tanishdilar.

Ma’lumot o‘rnida, “Oydin MED” xususiy klinikasi xorijiy texnologiyalar asosida zamonaviy tibbiy jihozlar bilan to‘liq ta’minlangan. Muassasada aholiga bir qator zarur tibbiy xizmatlarni ko‘rsatish yo‘lga qo‘yiladi. Mazkur loyihaning umumiy qiymati 6,5 milliard so‘mni tashkil etib, klinikaning faoliyati natijasida 30 ta yangi ish o‘rni yaratildi.

Yangi tibbiyot muassasasining ish boshlashi tumanda tibbiy xizmatlar ko‘lamini yanada kengaytirish, aholiga zamonaviy tibbiy xizmatlardan foydalanish imkoniyatlarini oshirish hamda yangi ish o‘rinlarini yaratishda muhim qadam bo‘ldi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

🇺🇿 Kitob tumani markazidan olis hududda ham zamonaviy tibbiyot maskani ish boshladi

Kitob tumanida aholiga, ayniqsa, olis hududlarda yashovchi fuqarolarga zamonaviy va sifatli tibbiy xizmat ko‘rsatish imkoniyatlarini kengaytirish borasidagi ishlar izchil davom ettirilmoqda.

Xususan, tumanning markazidan olis hududlardan biri — “Bog‘ibaland” mahalla fuqarolar yig‘ini hududida yangi zamonaviy xususiy klinika o‘z faoliyatini boshladi.

Mazkur tibbiyot maskanining ishga tushirilishi hudud aholisi uchun tibbiy xizmatlardan foydalanish imkoniyatlarini yanada kengaytirib, zarur tibbiy ko‘rik va xizmatlarni o‘z yashash hududiga yaqin joyda olishiga sharoit yaratadi.

Klinikaning tantanali ochilish marosimida tuman rahbarlari, mahalla faollari hamda tibbiyot xodimlari ishtirok etdi. Tadbirda hududlarda tibbiy xizmatlar sifatini oshirish, aholining sog‘lig‘ini muhofaza qilish va zamonaviy tibbiy xizmatlardan foydalanish imkoniyatlarini kengaytirish borasida amalga oshirilayotgan ishlar ta’kidlandi.

Ma’lumot o‘rnida, mazkur loyihaning umumiy qiymati 3,2 milliard so‘mni tashkil etadi. Yangi tibbiyot muassasasining faoliyati natijasida 10 dan ortiq yangi ish o‘rni yaratildi.

Ta’kidlash joizki, bunday loyihalarning tuman markazidan olis hududlarda ham amalga oshirilayotgani aholiga qulaylik yaratish, tibbiy xizmatlar qamrovini kengaytirish va hududlarda yangi ish o‘rinlarini tashkil etishda muhim ahamiyat kasb etadi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube