🇺🇿 Kitob tumanida ilk xususiy zamonaviy tug‘ruq markazi ochildi

Mustaqilligimizning 35 yilligi arafasida Kitob tumani markazida “DR. BOBOEV HEALTH CENTER” Ona-bola markazi foydalanishga topshirildi.

Zamonaviy tibbiyotning eng so‘nggi yutuqlari asosida jihozlangan mazkur markazda 1 va 2 xonali 50 ga yaqin yotoq o'rinlari mavjud bo‘lib, ona va bolaga sifatli tibbiy xizmat ko‘rsatish uchun barcha zarur sharoitlar yaratilgan.. Muassasada 5 ta tug‘ruq zali, 2 ta operatsiya bloki, fitnes zali hamda bo‘lajak va yosh onalar uchun “Yosh onalar maktabi” tashkil etilgan.

Loyihaning yana bir muhim jihati — 50 ta yangi ish o‘rni yaratilganidir. Bu esa tumanda aholi bandligini ta’minlash va xususiy tibbiyot sohasini rivojlantirishga xizmat qiladi.

Markazning tantanali ochilish marosimida Kitob tumani hokimi Rustam Gafurov, Respublika va viloyat sog‘liqni saqlash tizimi mas’ullari, tibbiyot xodimlari hamda jamoatchilik vakillari ishtirok etdi.

Yangi tibbiyot markazining ish boshlashi tumanda ona va bola salomatligini muhofaza qilish, aholiga zamonaviy tibbiy xizmat ko‘rsatish imkoniyatlarini kengaytirish yo‘lidagi muhim qadamlardan biri bo‘ldi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube