Kitob tumanidagi umumta’lim maktablarini joriy o‘quv yiliga tayyorlash yuzasidan bir qator bunyodkorlik ishlari amalga oshirilmoqda

Kitob tumanidagi umumta’lim maktablarini yangi o‘quv yiliga munosib tayyorlash, o‘quvchilar uchun zamonaviy va qulay sharoitlar yaratish maqsadida keng ko‘lamli qurilish, ta’mirlash va obodonlashtirish ishlari amalga oshirilmoqda.

O‘zbekiston Respublikasi Prezidentining 2024-yil 28-martdagi PQ-141-sonli Qarorlari ijrosi doirasida 10-, 13-, 24- va 25-maktablarda yangi qurilish va mukammal ta’mirlash ishlari yakunlandi. Ushbu loyihalarga 16 mlrd 394 mln so‘m mablag‘ ajratildi.

Prezidentning 2025-yil 27-dekabrdagi PQ-393-sonli Qarorlari doirasida esa 11-, 75- va 82-maktablarda qo‘shimcha o‘quv binolari qurish hamda mavjud binolarni mukammal ta’mirlash ishlari yakunlandi. Ushbu loyihalar uchun 16 mlrd 621 mln so‘m mablag‘ yo'naltirildi.

2026-yilgi “Tashabbusli budjet” loyihalari doirasida 66- va 71-maktablarda 12x24 metr o‘lchamdagi sport zallari barpo etilmoqda. Mazkur loyihalar uchun 3 mlrd so‘m mablag‘ ajratilgan.

Shuningdek, Vazirlar Mahkamasining 2026-yil 13-iyuldagi 379-sonli qarori asosida 35-, 49- va 72-maktablarda qurilish va mukammal ta’mirlash, 31- va 34-maktablarda esa zamonaviy sanitariya-gigiyena talablariga javob beradigan yangi hojatxonalar qurish ishlari amalga oshirilmoqda. Ushbu loyihalar uchun 20 mlrd 600 mln so‘m mablag‘ ajratilgan.

Tuman hokimligi tomonidan Maktablarning isitish tizimini yaxshilashga ham alohida e’tibor qaratilmoqda. 2026-yil boshidan 9 ta maktabga 41 dona isitish qozonlari olib berish uchun 487 mln so‘m, 33-, 34-, 41- va 54-maktablarning isitish tizimlarini yangilash uchun esa 332 mln so‘m mablag‘ ajratildi.

Shu tariqa, joriy o‘quv yiliga tayyorgarlik doirasida umumta’lim maktablariga oid yuqoridagi loyihalar uchun jami 57 mlrd 434 mln so‘m mablag‘ ajratilgan.

Mazkur ishlar maktablarning moddiy-texnik bazasini mustahkamlash, o‘quvchilar uchun munosib ta’lim sharoitlarini yaratish va ta’lim sifatini yanada oshirishga xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube