Kitob tumani hokimligi va Shahrisabz davlat pedagogika instituti o‘rtasida hamkorlik memorandumi imzolandi

Kitob tumani hokimligi hamda Shahrisabz davlat pedagogika instituti o‘rtasida ta’lim, ilm-fan va amaliy hamkorlikni yanada rivojlantirishga qaratilgan memorandum imzolandi.

Mazkur hujjatni Kitob tumani hokimi Rustam Gafurov hamda Shahrisabz davlat pedagogika instituti rektori Mash’al Saidov imzoladi.

Memorandum doirasida hududdagi ta’lim tizimini rivojlantirish, pedagog kadrlarning kasbiy salohiyatini oshirish, ilmiy-amaliy hamkorlikni kengaytirish hamda talaba-yoshlar uchun amaliy imkoniyatlarni ko‘paytirishga qaratilgan qator yo‘nalishlarda hamkorlikni yo‘lga qo‘yish ko‘zda tutiladi.

Shuningdek, institutning ilmiy-pedagogik salohiyatidan tumandagi ta’lim muassasalari faoliyatini takomillashtirishda samarali foydalanish, ilg‘or tajribalarni ommalashtirish va ta’lim sifatini oshirish borasida o‘zaro hamkorlikni kuchaytirish muhim vazifalardan biri sifatida belgilandi.

Ushbu hamkorlik ta’lim va amaliyotning uzviyligini ta’minlash, zamonaviy bilim va ko‘nikmalarga ega yoshlarni tarbiyalash hamda hudud ta’lim tizimini yangi bosqichga olib chiqish yo‘lida muhim qadam bo‘lib xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

📈📈📈📈📈📈📈
Kitob tumanining “Sharq yulduzi” mahallasida qariyb 24.5 milliard so‘mlik bunyodkorlik ishlari amalga oshirilmoqda

O‘zbekiston Respublikasi Prezidentining 2024-yil 28-martdagi PQ-141-son qarori hamda Vazirlar Mahkamasining 2025-yil 3-martdagi 124-sonli farmoyishiga muvofiq, “Qishloq joylarni kompleks rivojlantirish” (2-bosqich) loyihasi doirasida Islom Taraqqiyot Banki mablag‘lari hisobidan Kitob tumanining “Sharq yulduzi” MFYda keng ko‘lamli qurilish va obodonlashtirish ishlari amalga oshirilmoqda.

🚧 13,2 km ichki ko‘chalar asfalt qoplamasi bilan ta’minlanmoqda — 6,4 mlrd so‘m;

🚰 14,5 km yangi ichimlik suvi tarmog‘i tortilmoqda — 5 mlrd so‘m;

⚡️ 13 km yangi elektr tarmog‘i tortilib, 200 dan ortiq beton tayanch ustunlari o‘rnatildi hamda 5 ta yangi transformator ishga tushirilmoqda — 2,5 mlrd so‘m;

🚶 3,2 km piyodalar yo‘lagi va 174 ta zamonaviy ko‘cha yoritish tizimi barpo etilmoqda — 2,4 mlrd so‘m;

🏫 25-sonli umumta’lim maktabining mavjud 220 o‘rinli binosi 3,2 mlrd so‘m hisobiga mukammal ta’mirlandi.

Bundan tashqari, O‘zbekiston Respublikasi Prezidentining PQ-298-son qarori asosida amalga oshirilayotgan “Yangi O‘zbekiston qiyofasidagi mahalla” dasturi doirasida mahallada yana 5 mlrd so‘mlik qurilish-bunyodkorlik ishlari amalga oshirilmoqda.

Amalga oshirilayotgan ushbu loyihalar natijasida “Sharq yulduzi” MFYda istiqomat qilayotgan qariyb 8 ming nafar aholining turmush sharoitlari va farovonligini yanada yaxshilashga erishiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube‌‌