Tadbirkorlar bilan ochiq muloqot!

Prezident Shavkat Mirziyoyev raisligida 3-sentabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish masalalariga bag‘ishlangan videoselektor yig‘ilishida hududlarda aholi bandligini ta’minlash, tadbirkorlikni rivojlantirish va fuqarolar daromadlarini oshirishga qaratilgan muhim vazifalar belgilab berildi.

Yig‘ilishda viloyat, tuman va shahar hokimlari butun iqtisodiy kompleks bilan birgalikda haftaning uch kunini bevosita kambag‘allikni qisqartirish va aholi bandligini ta’minlash masalalariga bag‘ishlashi belgilandi.

Mazkur vazifalar ijrosi doirasida Kitob tumani hokimi Rustam Gafurov tuman hokimligi majlislar zalida tadbirkorlar bilan ochiq muloqot o‘tkazdi.

Muloqot davomida tumanda tadbirkorlik faoliyatini rivojlantirish, amaldagi loyihalarni qo‘llab-quvvatlash, yangi investitsiya va biznes loyihalarini amalga oshirish uchun zarur shart-sharoitlarni yaratish masalalari atroflicha muhokama qilindi.

Ayniqsa, yangi loyihalarni ishga tushirish orqali qo‘shimcha ish o‘rinlarini yaratish, fuqarolarning doimiy bandligini ta’minlash hamda aholi daromadlarini oshirishga alohida e’tibor qaratildi.

Uchrashuvda tadbirkorlarning mavjud muammo va takliflari tinglanib, ularni hal etish, biznes tashabbuslarini qo‘llab-quvvatlash hamda tadbirkorlik faoliyatini kengaytirish bo‘yicha zarur choralar belgilandi.

Shuningdek, tadbirkorlik faoliyatini boshlash istagida bo‘lgan fuqarolarning tashabbuslarini qo‘llab-quvvatlash, ularga amaliy ko‘mak ko‘rsatish va yangi biznes loyihalarini hayotga tatbiq etish orqali qo‘shimcha daromad manbalarini yaratish masalalariga ham alohida e’tibor qaratildi.

Ochiq muloqot yakunida bildirilgan taklif va tashabbuslarni amaliy jihatdan ro‘yobga chiqarish, belgilangan vazifalar ijrosini ta’minlash hamda tadbirkorlar bilan doimiy va manzilli ishlash bo‘yicha mas’ullarga tegishli topshiriqlar berildi.

Asosiy maqsad — tadbirkorlik uchun qulay shart-sharoit yaratish, yangi ish o‘rinlarini ko‘paytirish, aholi bandligini ta’minlash va fuqarolar daromadlarini oshirish orqali tumanda kambag‘allikni qisqartirish bo‘yicha ishlarni yangi bosqichga olib chiqishdir.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube‌‌

🏔Kuhsor mahallasida ezgu o‘zgarishlar — xalqimizning shukronasi!

Kitob tumani markazidan qariyb 80 kilometr uzoqlikda joylashgan “Kuhsor” mahallasida bunyodkorlik va obodonlashtirish ishlari izchil davom ettirilmoqda.

Muhtaram Prezidentimizning 2026-yil 5-fevraldagi PQ-49-son qarorlari ijrosi yuzasidan tumandagi “og‘ir toifali” mahallalarda aholi uchun munosib sharoitlar yaratish, mavjud muammolarni amaliy hal etish borasida keng ko‘lamli ishlar amalga oshirilmoqda.

Xususan, Kuhsor mahallasining asosiy tog‘ yo‘llarining 3 kilometrdan ortiq qismi asfaltlashtirilmoqda. Mazkur bunyodkorlik ishlari olis tog‘ hududida istiqomat qilayotgan aholi uchun katta qulaylik va yangi imkoniyatlar yaratishi bilan ahamiyatlidir.

Yo‘llarning obod bo‘lishi — aholi uchun qatnovning yengillashishi, ijtimoiy xizmatlardan foydalanish imkoniyatlarining kengayishi, tadbirkorlik va xo‘jalik faoliyatining rivojlanishi demakdir.

Kuhsorliklar ushbu ezgu o‘zgarishlardan mamnun. Mahalla ahli bunyodkorlik ishlaridan minnatdorligini bildirib, yurtimiz tinchligi va xalqimiz farovonligi yo‘lida amalga oshirilayotgan islohotlar uchun Muhtaram Prezidentimizga shukronalar aytmoqda.

Duo va ezgu tilaklar bilan xalqimizning ko‘nglidan joy olayotgan bunday bunyodkorlik ishlari Kuhsor mahallasining yanada obod va farovon maskanga aylanishiga xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube‌‌

📈“Tashabbusli budjet” g‘olib loyihasi ijrosi: “Birlik”da asfaltlash ishlari boshlandi

Kitob tumanining “Birlik” MFY hududida 2026-yilgi “Tashabbusli budjet” dasturining 1-mavsumi doirasida ilgari surilgan loyiha ovoz berish yakunlariga ko‘ra g‘olib deb topilgan edi.

Bugun mazkur loyiha doirasida mahalladagi ta’mirtalab ichki yo‘llarni obodonlashtirish va asfaltlash ishlari boshlandi. Loyiha asosida 3 kilometrdan ortiq ichki yo‘llarga asfalt qoplamasi yotqizilishi rejalashtirilgan.

Ushbu bunyodkorlik ishlari mahalla aholisini uzoq yillardan buyon qiynab kelayotgan yo‘l muammosini bartaraf etish, transport qatnovi qulayligini oshirish hamda fuqarolar uchun yanada xavfsiz va zamonaviy infratuzilma yaratishga xizmat qiladi.

Kitob tumanida aholi tashabbuslari asosida amalga oshirilayotgan bunday loyihalar hududlarni obod etish, fuqarolarning hayot sifatini yaxshilash va mahallalarni yanada rivojlantirish yo‘lidagi muhim qadamlardan biridir.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube‌‌