📈“Tashabbusli budjet” g‘olib loyihasi ijrosi: “Birlik”da asfaltlash ishlari boshlandi

Kitob tumanining “Birlik” MFY hududida 2026-yilgi “Tashabbusli budjet” dasturining 1-mavsumi doirasida ilgari surilgan loyiha ovoz berish yakunlariga ko‘ra g‘olib deb topilgan edi.

Bugun mazkur loyiha doirasida mahalladagi ta’mirtalab ichki yo‘llarni obodonlashtirish va asfaltlash ishlari boshlandi. Loyiha asosida 3 kilometrdan ortiq ichki yo‘llarga asfalt qoplamasi yotqizilishi rejalashtirilgan.

Ushbu bunyodkorlik ishlari mahalla aholisini uzoq yillardan buyon qiynab kelayotgan yo‘l muammosini bartaraf etish, transport qatnovi qulayligini oshirish hamda fuqarolar uchun yanada xavfsiz va zamonaviy infratuzilma yaratishga xizmat qiladi.

Kitob tumanida aholi tashabbuslari asosida amalga oshirilayotgan bunday loyihalar hududlarni obod etish, fuqarolarning hayot sifatini yaxshilash va mahallalarni yanada rivojlantirish yo‘lidagi muhim qadamlardan biridir.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube‌‌

Xalq manfaatlari yo‘lida ochiq va samarali muloqot!

“Xalqimiz davlat idoralariga emas, davlat idoralari xalqimizga xizmat qilishi lozim”, degan tamoyil asosida Kitob tumanida fuqarolar bilan ochiq muloqot va ularning muammolarini joyida hal etishga alohida e’tibor qaratib kelinmoqda.

Ma’lumki, tumanda har payshanba kuni mas’ul rahbarlar hamda barcha tashkilotlar ishtirokida fuqarolar qabuli doimiy ravishda o‘tkazib kelinadi. Bugun ham ushbu amaliyot doirasida Kitob tumani hokimi Rustam Gafurov va tuman prokurori Xurshid Baxromov boshchiligida navbatdagi fuqarolar qabuli tashkil etildi.

Qabul jarayonida tumandoshlar tomonidan 30 dan ortiq murojaatlar bildirildi. Ular ijtimoiy masalalar, bandlik, tadbirkorlik, huquqiy yordam va boshqa dolzarb yo‘nalishlarni qamrab oldi. Har bir murojaat yuzasidan tegishli mas’ullar biriktirilib, ijrosi tuman rahbariyati tomonidan qat’iy nazoratga olindi.

Mazkur qabullar aholi murojaatlarini tezkor va samarali hal etish, fuqarolarning huquqiy savodxonligini oshirish hamda davlat idoralariga bo‘lgan ishonchini yanada mustahkamlashga xizmat qilmoqda.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube‌‌

Qurilish jarayonlari sifatli va o‘z vaqtida bajarilishi lozim!

Kitob tumani hokimi Rustam Gafurov hamda tuman prokurori Xurshid Baxromov ishtirokida tumanda investitsiya va boshqa mablag‘lar hisobidan amalga oshirilayotgan qurilish ishlari holatini muhokama qilishga bag‘ishlangan yig‘ilish o‘tkazildi.

Unda qurilish tashkilotlari rahbarlari, soha mutaxassislari hamda tegishli mas’ullar ishtirok etdi.

Yig‘ilishda tumandagi mavjud qurilish obyektlarida olib borilayotgan ishlarning borishi, ularning belgilangan muddatlarda yakunlanishi, qurilish-montaj ishlarining sifati hamda aniqlangan muammolarni bartaraf etish masalalari atroflicha muhokama qilindi.

Tuman hokimi qurilish jarayonlarida belgilangan talab va me’yorlarga qat’iy rioya etish, ishlarni jadallashtirish hamda har bir obyekt bo‘yicha mas’ullarning shaxsiy javobgarligini oshirish zarurligini ta’kidladi.

“Har bir qurilish obyekti belgilangan muddatda va sifatli yakunlanishi kerak. Ajratilayotgan mablag‘lar samarali o‘zlashtirilib, yaratilayotgan obyektlar aholiga munosib sharoit va qulaylik yaratishga xizmat qilishi lozim. Bu borada mas’ullardan aniq natija va shaxsiy javobgarlik talab etiladi”, — dedi tuman rahbari.

Yig‘ilish yakunida qurilish jarayonlarini sifatli tashkil etish, mavjud kamchiliklarni qisqa muddatlarda bartaraf etish hamda obyektlarni o‘z vaqtida foydalanishga topshirish yuzasidan mas’ullarga aniq vazifalar belgilab berildi.

Belgilangan topshiriqlar ijrosi tuman rahbariyati tomonidan nazoratga olindi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube‌‌

#tadbirkorlar_qabuli
Kitob tumanida tadbirkorlar tashabbuslari qo‘llab-quvvatlanmoqda

Prezident Shavkat Mirziyoyev raisligida o‘tkazilgan videoselektor yig‘ilishida kambag‘allikni qisqartirish, aholi bandligini ta’minlash va daromadlarini oshirish borasida hududlar oldiga muhim vazifalar qo‘yildi.

Belgilangan topshiriqlar ijrosi doirasida Kitob tumani hokimi Rustam Gafurov tadbirkorlar bilan ochiq muloqot o‘tkazdi.

Uchrashuvda tadbirkorlikni rivojlantirish, yangi investitsiya va biznes loyihalarini amalga oshirish, mavjud loyihalarni kengaytirish hamda qo‘shimcha ish o‘rinlari yaratish masalalari muhokama qilindi.

Muloqot davomida tadbirkorlarning muammo va takliflari tinglanib, ularni hal etish, biznes tashabbuslarini qo‘llab-quvvatlash va tadbirkorlik faoliyatini kengaytirish yuzasidan tegishli choralar belgilandi.

Shuningdek, yangi biznes boshlash istagidagi fuqarolarga amaliy ko‘mak ko‘rsatish, ularning tashabbuslarini qo‘llab-quvvatlash va qo‘shimcha daromad manbalarini yaratishga alohida e’tibor qaratildi.

Yakunda mas’ullarga tadbirkorlar bilan manzilli ishlash, bildirilgan takliflarni amaliyotga joriy etish hamda belgilangan vazifalar ijrosini ta’minlash bo‘yicha tegishli topshiriqlar berildi.

Asosiy maqsad — tadbirkorlikni qo‘llab-quvvatlash, yangi ish o‘rinlari yaratish, aholi bandligi va daromadlarini oshirish orqali kambag‘allikni qisqartirishdir.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube‌‌