🖼Tabiatning o‘zi bosh rassom!

Kitob tumanining Ayoqchi qishlog‘ida joylashgan “Alvastiko‘l” — o‘zining betakror tabiati, qoyali daralari, musaffo suvlari va go‘zal manzaralari bilan kishini maftun etadi.

Suratlarda yangi kuz nafasi ufurib turgan ushbu so‘lim maskanning go‘zal manzaralari aks etgan.

Kitobning betakror tabiati — o‘ziga xos mo‘jiza!

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube

Kitob tumanida “Asakabank”ning yangi savdo ofisi ish boshladi

Kitob tumanida aholi va tadbirkorlarga bank xizmatlaridan foydalanish imkoniyatlarini kengaytirish maqsadida “Asakabank” AJ Qarshi BXMga qarashli “Kitob savdo ofisi” o‘z faoliyatini boshladi.

🏦 Yangi ofisda mijozlarga kredit va omonatlarni rasmiylashtirish, bank kartalarini ochish, hisob-kitob-kassa xizmatlaridan foydalanish, pul o‘tkazmalari hamda valyuta ayirboshlash kabi xizmatlar ko‘rsatiladi.

Shuningdek, aholi va tadbirkorlar bankning mavjud mahsulot va xizmatlari yuzasidan zarur maslahat hamda ma’lumotlarni olishlari mumkin.

Mazkur savdo ofisining ishga tushirilishi Kitob tumanida zamonaviy bank xizmatlaridan foydalanish imkoniyatlarini yanada kengaytirishga xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube

Kitob tumanida “Rahbar va yoshlar” uchrashuvi: murojaatlarga amaliy yechim!

Kitob tumani hokimligida Davlat xavfsizlik xizmati viloyat boshqarmasi boshlig‘i Jo‘rabek Noraliyev, viloyat Yoshlar ishlari boshqarmasi boshlig‘i Abror Axmedov hamda tegishli mas’ul tashkilotlar rahbarlari ishtirokida “Rahbar va yoshlar” uchrashuvi tashkil etildi.

Uchrashuvda yoshlarni mutaxassisligi bo‘yicha ishga joylashtirish, tadbirkorlik faoliyatini boshlash istagidagi yoshlarga amaliy ko‘mak ko‘rsatish masalalari muhokama qilindi.

Muloqot davomida yoshlarning murojaatlari tinglanib, 20 ga yaqin bitiruvchiga davlat va nodavlat tashkilotlariga ishga joylashish bo‘yicha yo‘llanmalar berildi. Shuningdek, bir qator yoshlarni qisqa muddatlarda ish bilan ta’minlash yuzasidan mas’ullarga aniq vazifalar belgilandi.

Tadbirkorlik faoliyatini boshlash istagidagi yoshlarning imtiyozli kreditlar olish bilan bog‘liq murojaatlari ham banklar tomonidan ro‘yxatga olinib, ularni hal etish bo‘yicha amaliy ishlar boshlandi.

Uchrashuv yakunida yoshlarning bandligini ta’minlash, ularning tashabbuslarini qo‘llab-quvvatlash va muammolarini manzilli hal etish bo‘yicha tegishli chora-tadbirlar belgilab olindi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube

Kitob tumanida “Koson tajribasi” asosida 40 nafar yosh baliqchilik faoliyatini yo‘lga qo‘ydi

Kitob tumanida yoshlar bandligini ta’minlash, ularning tadbirkorlik tashabbuslarini qo‘llab-quvvatlash va daromad manbalarini kengaytirish borasida amaliy ishlar izchil davom ettirilmoqda.

🐟Xususan, tumanning “Iskana” MFY hududida “Koson tajribasi” asosida Oq suv daryosi bo‘yida 40 nafar yoshning baliqchilik faoliyatini yo‘lga qo‘yishiga ko‘maklashildi. Ular orasida migratsiyadan qaytgan, ishsiz, tadbirkorlik faoliyatini boshlash istagidagi yoshlar hamda bitiruvchilar bor.

Mazkur jarayon bilan tanishish maqsadida viloyat mas’ullari hududga tashrif buyurib, yoshlar bilan muloqot qildi hamda tashkil etilgan baliqchilik xo‘jaliklaridagi ishlar bilan tanishdi.

E’tiborli jihati, baliqchilik faoliyatini tashkil etish uchun zarur bo‘lgan hovuzlar Kitob tumani hokimligi tomonidan maxsus texnikalar yordamida qazib berildi.

Kitob tumani hokimi Rustam Gafurov tomonidan kelgusida mazkur loyihaga jalb etilayotgan yoshlar sonini 120 nafarga yetkazish rejalashtirilayotgani ta’kidlandi. Shuningdek, hududning tabiiy imkoniyatlaridan samarali foydalanib, bu yerda ekoturizmni rivojlantirishga qaratilgan istiqbolli loyihalarni amalga oshirish yuzasidan ma’lumotlar berildi.

Mazkur tashabbuslar yoshlarning bandligini ta’minlash, ularni tadbirkorlikka jalb etish, yangi daromad manbalarini yaratish hamda hududning turizm salohiyatidan samarali foydalanishga xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube