Kitob tumanida “Koson tajribasi” asosida 40 nafar yosh baliqchilik faoliyatini yo‘lga qo‘ydi

Kitob tumanida yoshlar bandligini ta’minlash, ularning tadbirkorlik tashabbuslarini qo‘llab-quvvatlash va daromad manbalarini kengaytirish borasida amaliy ishlar izchil davom ettirilmoqda.

🐟Xususan, tumanning “Iskana” MFY hududida “Koson tajribasi” asosida Oq suv daryosi bo‘yida 40 nafar yoshning baliqchilik faoliyatini yo‘lga qo‘yishiga ko‘maklashildi. Ular orasida migratsiyadan qaytgan, ishsiz, tadbirkorlik faoliyatini boshlash istagidagi yoshlar hamda bitiruvchilar bor.

Mazkur jarayon bilan tanishish maqsadida viloyat mas’ullari hududga tashrif buyurib, yoshlar bilan muloqot qildi hamda tashkil etilgan baliqchilik xo‘jaliklaridagi ishlar bilan tanishdi.

E’tiborli jihati, baliqchilik faoliyatini tashkil etish uchun zarur bo‘lgan hovuzlar Kitob tumani hokimligi tomonidan maxsus texnikalar yordamida qazib berildi.

Kitob tumani hokimi Rustam Gafurov tomonidan kelgusida mazkur loyihaga jalb etilayotgan yoshlar sonini 120 nafarga yetkazish rejalashtirilayotgani ta’kidlandi. Shuningdek, hududning tabiiy imkoniyatlaridan samarali foydalanib, bu yerda ekoturizmni rivojlantirishga qaratilgan istiqbolli loyihalarni amalga oshirish yuzasidan ma’lumotlar berildi.

Mazkur tashabbuslar yoshlarning bandligini ta’minlash, ularni tadbirkorlikka jalb etish, yangi daromad manbalarini yaratish hamda hududning turizm salohiyatidan samarali foydalanishga xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube

Kitob tumanida navbatdagi fuqarolar qabuli: Har bir murojaat e’tibor va nazoratda

Aholi bilan bevosita muloqot o‘rnatish, fuqarolarning dardu tashvishlarini tinglash hamda mavjud muammolarga joyida amaliy yechim topish Kitob tumani rahbariyati faoliyatining ustuvor yo‘nalishi etib belgilangan.

An’anaga muvofiq, haftaning har payshanba kuni Kitob tuman hokimligida mas'ul rahbarlari hamda barcha mutasaddi tashkilot va idoralar mas’ullari ishtirokida fuqarolar uchun ommaviy qabul o‘tkazib kelinmoqda.

Bugun navbatdagi qabul jarayonlari tuman hokimi Rustam Gafurov hamda tuman prokurori Xurshid Baxromov boshchiligida bo‘lib o‘tdi. Unda tumanning turli hududlaridan tashrif buyurgan fuqarolar tomonidan ijtimoiy himoya, uy-joy, moddiy yordam, yo‘l-transport infratuzilmasi, elektr energiyasi va ichimlik suvi ta’minoti kabi masalalarda 30 dan ortiq murojaatlar o‘rtaga tashlandi.

Qabul davomida har bir murojaat atroflicha o‘rganilib, ularning aksariyati joyida hal etildi. Qo‘shimcha o‘rganish va muddat talab qiladigan masalalar bo‘yicha tegishli soha rahbarlariga aniq ko‘rsatmalar berilib, ijrosi tuman hokimi tomonidan shaxsiy nazoratga olindi.

Ta’kidlash joizki, bu kabi qabullar davlat idoralari va xalq o‘rtasidagi ishonchni mustahkamlashga, aholining hayotiy muammolarini tezkor va sifatli bartaraf etishga xizmat qilmoqda. Kitob tumanida “Xalq davlat idoralariga emas, davlat idoralari xalqimizga xizmat qilishi kerak” degan tamoyil asosidagi ishlar tizimli ravishda davom ettirilmoqda.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

📈"Tashabbusli budjet" g‘olib loyihasi ijrosi: "Oq suv" da asfaltlash ishlari boshlandi

Kitob tumanining "Oq suv" MFYda 2026-yilgi "Tashabbusli budjet" dasturining 1-mavsumi doirasida ilgari surilgan 2 ta loyiha ovoz berish yakunlariga ko‘ra g‘olib deb topilgan edi.

Bugun ushbu loyihalardan biri doirasida mahallaning navbatdagi ta'mirtalab ichki yo‘llarini obodonlashtirish ishlari boshlandi. Loyiha asosida navbatdagi 4 kilometrga yaqin ichki yo‘llarga asfalt qoplamasi yotqizilishi rejalashtirilgan.

Mazkur bunyodkorlik ishlari mahalla aholisining uzoq yillik muammolaridan birini bartaraf etish, transport qatnovi qulayligini oshirish hamda fuqarolar uchun yanada xavfsiz va zamonaviy infratuzilmani yaratishga xizmat qiladi.

Kitob tumanida aholi tashabbuslari asosida amalga oshirilayotgan bunday loyihalar hududlarni obod etish, fuqarolarning hayot sifatini yaxshilash va mahallalarni yanada rivojlantirish yo‘lidagi muhim qadamlardan biridir.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌐Web sayt|  ✅Telegram | ✅Twitter | 📹YouTube‌‌