96-maktab: obod muhit va yuksak natijalar uyg‘unligi!

Kitob tumanidagi 96-sonli umumta’lim maktabida o‘qituvchi va o‘quvchilarning hamjihatligi, tashabbuskorligi va ta’limdagi yuqori natijalari o‘zaro uyg‘unlikda namoyon bo‘lmoqda.

Maktabda hududni obodonlashtirish, ko‘kalamzorlashtirish va ta’lim maskani atrofini yanada fayzli holga keltirish maqsadida muntazam ravishda shanbaliklar tashkil etib kelinmoqda. Unda o‘qituvchi va o‘quvchilar birgalikda ishtirok etib, maktab hududini obod saqlashga o‘z hissalarini qo‘shmoqda. Bu esa maktab jamoasidagi hamjihatlik, tashabbuskorlik va o‘z ta’lim maskaniga bo‘lgan mas’uliyatning amaliy ifodasidir.

Ammo 96-maktabning e’tiborga molik jihati faqat obod muhit bilan cheklanmaydi:

▪️O‘tgan o‘quv yilida maktab o‘quvchilarining 260 nafari milliy va xalqaro sertifikatlarni qo‘lga kiritdi. Shuningdek, 9 nafar o‘quvchi xalqaro darajadagi SAT sertifikatiga ega bo‘lib, xorijiy oliy ta’lim muassasalarida tahsil olish imkoniyatini yaratdi.

▪️Maktabning 11-“A” sinfida esa alohida natija qayd etildi. 29 nafar bitiruvchining barchasi muddatidan oldin oliy ta’lim muassasalariga talaba bo‘lishga muvaffaq bo‘ldi.

▪️Joriy yilda maktabni 122 nafar o‘quvchi muvaffaqiyatli tamomlagan bo‘lsa, ularning 118 nafari davlat va nodavlat oliy ta’lim muassasalariga talaba sifatida qabul qilindi.

▪️Maktab bitiruvchilarining yutuqlari xorijiy oliygohlarda ham davom etmoqda. Jumladan, Bo‘riyev Shavkat Vengriyadagi University of Miskolc (Miskolci Egyetem), Nurullayev Ozodbek esa Eötvös Loránd University (ELTE) oliygohlariga o‘qishga qabul qilindi.

Bu natijalar ortida o‘quvchilarning izlanishi, ota-onalarning qo‘llab-quvvatlashi va fidoyi pedagoglarning samarali mehnati mujassam.

Adiba Usmonova boshchiligidagi 96-maktab jamoasi ta’lim sifati, yuqori natijalar, jamoaviylik va tashabbuskorlikni uyg‘unlashtirgan holda faoliyat olib bormoqda.

Obod muhit, faol jamoa va yuksak natijalar — 96-maktab tajribasining o‘ziga xos jihatlaridir.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube‌‌

Xalq manfaatlari yo‘lida ochiq va samarali muloqot!

“Xalqimiz davlat idoralariga emas, davlat idoralari xalqimizga xizmat qilishi lozim”, degan tamoyil asosida Kitob tumanida fuqarolar bilan ochiq muloqot va ularning muammolarini joyida hal etishga alohida e’tibor qaratib kelinmoqda.

Ma’lumki, tumanda har payshanba kuni mas’ul rahbarlar hamda barcha tashkilotlar ishtirokida fuqarolar qabuli doimiy ravishda o‘tkazib kelinadi. Bugun ham ushbu amaliyot doirasida Kitob tumani hokimi Rustam Gafurov va tuman prokurori Xurshid Baxromov boshchiligida navbatdagi fuqarolar qabuli tashkil etildi.

Qabul jarayonida tumandoshlar tomonidan 30 dan ortiq murojaatlar bildirildi. Ular ijtimoiy masalalar, bandlik, tadbirkorlik, huquqiy yordam va boshqa dolzarb yo‘nalishlarni qamrab oldi. Har bir murojaat yuzasidan tegishli mas’ullar biriktirilib, ijrosi tuman rahbariyati tomonidan qat’iy nazoratga olindi.

Mazkur qabullar aholi murojaatlarini tezkor va samarali hal etish, fuqarolarning huquqiy savodxonligini oshirish hamda davlat idoralariga bo‘lgan ishonchini yanada mustahkamlashga xizmat qilmoqda.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube‌‌