Giyohvandlikning oldini olish bo‘yicha ishlar muhokama qilindi

O‘zbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish bo‘yicha kompleks chora-tadbirlar to‘g‘risida”gi PF-207-son Farmonlari ijrosini ta’minlash maqsadida Kitob tumanida giyohvandlikning oldini olish va unga qarshi kurashish masalalariga bag‘ishlangan amaliy uchrashuv o‘tkazildi.

Unda Respublika Narkotiklar va o‘qotar qurollarni nazorat qilish agentligi mas’ullari, Kitob tumani hokimligi mutasaddilari hamda tegishli tashkilot va soha vakillari ishtirok etdi.

Uchrashuvda hududda giyohvandlik va narkojinoyatlarning oldini olish, ayniqsa, yoshlar o‘rtasida sog‘lom turmush tarzini keng targ‘ib qilish, profilaktik tadbirlar samaradorligini oshirish hamda giyohvandlikka qarshi kurashish borasida belgilangan vazifalarning ijrosini ta’minlash masalalari atroflicha muhokama qilindi.

Shuningdek, mavjud muammolar tahlil qilinib, ularning oldini olish va bartaraf etish, profilaktika ishlarini yanada kuchaytirish, yoshlar bilan manzilli ishlash hamda mas’ul tashkilotlar o‘rtasidagi hamkorlikni mustahkamlash yuzasidan tegishli tavsiya va topshiriqlar berildi.

Uchrashuv yakunida giyohvandlikning oldini olish, yoshlar salomatligini asrash va hududda sog‘lom ijtimoiy muhitni shakllantirish borasidagi ishlarni tizimli ravishda davom ettirish belgilab olindi.

Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube

Kitob tumanida vazir o‘rinbosari ishtirokida sayyor qabul tashkil etildi

Kitob tuman sog‘liqni saqlash bo‘limida O‘zbekiston Respublikasi sog‘liqni saqlash vazirining o‘rinbosari Muhamedov Sherzod Dilmurotovich ishtirokida fuqarolar uchun sayyor qabul tashkil etildi.

Unda viloyat Sog‘liqni saqlash boshqarmasi boshlig‘i o‘rinbosari Sh. Mamatov hamda viloyat tibbiyot muassasalarining tegishli mas’ullari ishtirok etdi.

Sayyor qabul davomida fuqarolarning sog‘liqni saqlash tizimiga oid murojaatlari tinglanib, ularni hal etish yuzasidan zarur choralar belgilandi.

Murojaatlarda, asosan, Toshkent shahrida davolanish, jarrohlik amaliyotlari va endoprotezlash uchun yo‘llanma (order) olish, nogironlikni belgilash, dori-darmon bilan ta’minlash hamda turli kasalliklar bo‘yicha tibbiy yordam ko‘rsatish bilan bog‘liq masalalar ko‘tarildi.

Jami 17 nafar fuqaroning murojaati tinglandi. Ularning bir qismiga joyida tegishli tushuntirishlar berildi, ayrim murojaatlar bo‘yicha mas’ullarga aniq vazifalar yuklatilib, amaliy yordam ko‘rsatildi.

Bunday sayyor qabullar aholining murojaatlarini bevosita joyida o‘rganish, mavjud muammolarni tezkor hal etish hamda fuqarolarning qonuniy manfaatlarini ta’minlashda muhim ahamiyat kasb etadi.

Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube

Kitob tumanida “Biz giyohvandlikka qarshimiz!” shiori ostida ommaviy yurish marafoni o‘tkazildi

Kitob tumanida yoshlar va keng jamoatchilik ishtirokida “Biz giyohvandlikka qarshimiz!” shiori ostida ommaviy yurish marafoni tashkil etildi.

Respublika Narkotiklar va o‘qotar qurollarni nazorat qilish agentligi hamda Kitob tumani hokimligi hamkorligida tashkil etilgan tadbirda sog‘lom turmush tarzini targ‘ib qilish, yoshlarni zararli illatlardan asrash hamda giyohvandlikning oldini olishga qaratilgan targ‘ibot-tashviqot ishlari olib borildi.

Marafon ishtirokchilari sog‘lom va farovon hayot tarzini qo‘llab-quvvatlab, “Giyohvandlikka yo‘q!” degan ezgu g‘oyani keng jamoatchilikka yetkazdilar.

Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube