Kitob tumanida 12,5 mlrd so‘m mablag‘ evaziga Istirohat bog‘i rekonstruksiya qilinmoqda

Kitob tumanida aholi uchun qulay va zamonaviy dam olish maskanlarini ko‘paytirish, mavjud hududlarni obodonlashtirish va infratuzilmasini yaxshilash borasidagi ishlar izchil davom ettirilmoqda.

Shu doirada tumandagi Istirohat bog‘i 12,5 mlrd so‘m mablag‘ evaziga rekonstruksiya qilinmoqda.

Ayni paytda bog‘ hududida keng ko‘lamli qurilish va obodonlashtirish ishlari olib borilmoqda. Xususan, bino ichki va tashqi pardozlash, santexnika ishlari bajarilmoqda.
Shuningdek, bog‘ hududining muhandislik infratuzilmasini yaxshilash maqsadida suv tarmoqlari tortilmoqda. Mavjud suv havzasi ta’mirlanib, hududda zamonaviy favvoralar va lotoklar yotqizilmoqda.

Rekonstruksiya jarayonida hududni obodonlashtirish, sayr yo‘laklari va dam olish uchun qulay sharoitlarni yaratishga ham alohida e’tibor qaratilmoqda. Bog‘ning mavjud infratuzilmasi yangilanib, hudud yanada ko‘rkam va zamonaviy qiyofaga keltirilmoqda.

Mazkur loyihaning amalga oshirilishi natijasida Kitob tumanida aholi va mehmonlar uchun zamonaviy, shinam hamda obod istirohat maskani yaratiladi. Bu yerda fuqarolarning oilaviy hordiq chiqarishi, sayr qilishi va bo‘sh vaqtini mazmunli o‘tkazishi uchun yanada qulay imkoniyatlar paydo bo‘ladi.

Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

Kitob tumanida Giyohvandlikka qarshi targ‘ibot tadbiri o‘tkazildi

Kitob tumanidagi Madaniyat saroyida “Sog‘lom hayot uchun!”, “Narkotiklarga yo‘l yo‘q!” shiori ostida giyohvandlikning oldini olishga qaratilgan davra suhbati hamda gala-konsert tashkil etildi.

Tadbirda yoshlar o‘rtasida giyohvandlikning salbiy oqibatlari, uning oldini olish va sog‘lom turmush tarzini targ‘ib etish masalalari yuzasidan fikr almashildi. Yakunda ishtirokchilar uchun gala-konsert dasturi namoyish etildi.

Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube