Xalq manfaatlari yo‘lida ochiq va samarali muloqot!

“Xalqimiz davlat idoralariga emas, davlat idoralari xalqimizga xizmat qilishi lozim”, degan tamoyil asosida Kitob tumanida fuqarolar bilan ochiq muloqot va ularning muammolarini joyida hal etishga alohida e’tibor qaratib kelinmoqda.

Ma’lumki, tumanda har payshanba kuni mas’ul rahbarlar hamda barcha tashkilotlar ishtirokida fuqarolar qabuli doimiy ravishda o‘tkazib kelinadi. Bugun ham ushbu amaliyot doirasida Kitob tumani hokimi Rustam Gafurov boshchiligida mas'ullarimiz boshchiligida fuqarolar qabuli tashkil etildi.

Qabul jarayonida tumandoshlar tomonidan 30 dan ortiq murojaatlar bildirildi. Ular ijtimoiy masalalar, bandlik, tadbirkorlik, huquqiy yordam va boshqa dolzarb yo‘nalishlarni qamrab oldi. Har bir murojaat yuzasidan tegishli mas’ullar biriktirilib, ijrosi tuman rahbariyati tomonidan qat’iy nazoratga olindi.

Mazkur qabullar aholi murojaatlarini tezkor va samarali hal etish, fuqarolarning huquqiy savodxonligini oshirish hamda davlat idoralariga bo‘lgan ishonchini yanada mustahkamlashga xizmat qilmoqda.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube

Kitob tumanida serebrovaskulyar kasalliklarga bag‘ishlangan ilmiy-amaliy konferensiya o‘tkazildi

Kitob tumani tibbiyot birlashmasida Kitob tumani Sog‘liqni saqlash bo‘limi tashabbusi bilan “Serebrovaskulyar kasalliklarga zamonaviy yondashuv: mavjud muammolar va tizimli yechimlar” mavzusida ilmiy-amaliy konferensiya o‘tkazildi.

Tadbirda viloyatdagi shahar va tumanlardan kelgan shifokorlar, tibbiyot sohasi mutaxassislari hamda soha vakillari ishtirok etdi. Konferensiya davomida serebrovaskulyar kasalliklarni erta aniqlash, insultning oldini olish, zamonaviy tashxis va davolash usullari, shuningdek, bemorlarga tibbiy yordam ko‘rsatish samaradorligini oshirish masalalari muhokama qilindi.

Shuningdek, insultologiya bo‘limining malakali shifokorlari tomonidan mavzu yuzasidan ma’ruzalar qilinib, amaliy tajriba va zamonaviy yondashuvlar yuzasidan fikr almashildi.

Bunday ilmiy-amaliy tadbirlar tibbiyot xodimlarining bilim va ko‘nikmalarini oshirish, ilg‘or tajribalarni ommalashtirish hamda aholiga ko‘rsatilayotgan tibbiy xizmat sifatini yanada yaxshilashga xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube

Kitob tumanida tadbirkorlar bilan navbatdagi ochiq muloqot o‘tkazildi

Bugun Kitob tumanida Qashqadaryo viloyati prokurori o‘rinbosari Xolmatjon Kulliyev ishtirokida navbatdagi tadbirkorlar qabuli o‘tkazildi. Unda tuman hokimi Rustam Gafurov, tuman prokurori Xurshid Baxromov hamda mas’ullar ishtirok etib, tadbirkorlar bilan ochiq va amaliy muloqot olib borildi.

Qabul davomida tadbirkorlarning mavjud muammo va takliflari tinglanib, ularni hal etish, biznes tashabbuslarini qo‘llab-quvvatlash hamda tadbirkorlik faoliyatini kengaytirish yuzasidan tegishli choralar belgilandi.

Shuningdek, yangi biznes boshlash istagidagi fuqarolarning tashabbuslarini qo‘llab-quvvatlash, ularga amaliy ko‘mak ko‘rsatish va qo‘shimcha daromad manbalarini yaratishga alohida e’tibor qaratildi.

Shu kuni mas’ullar “Kitob dehqon bozori” MCHJ faoliyati bilan ham tanishdi. O‘rganish davomida bozor hududini raqamlashtirish, zamonaviy hisob-kitob tizimlarini joriy etish hamda xizmatlar samaradorligini oshirish masalalari muhokama qilindi.

Yakunida mas’ullarga tadbirkorlar bilan manzilli ishlash, bildirilgan murojaat va takliflarni amaliy hal etish hamda belgilangan vazifalar ijrosini ta’minlash yuzasidan tegishli topshiriqlar berildi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube