Bog‘bon mahallasida bunyodkorlik ishlari davom etmoqda

Kitob tumanining “Bog‘bon” mahallasida aholi uchun qulay sharoitlar yaratish, yo‘l infratuzilmasini yaxshilash borasidagi ishlar izchil davom etmoqda.

O‘zbekiston Respublikasi Prezidentining 2024-yil 28-martdagi PQ-141-son qarori hamda Vazirlar Mahkamasining 2025-yil 3-martdagi 124-sonli farmoyishiga muvofiq, “Qishloq joylarni kompleks rivojlantirish” loyihasining 2-bosqichi doirasida Islom Taraqqiyot Banki mablag‘lari hisobidan mahallada keng ko‘lamli bunyodkorlik ishlari amalga oshirilmoqda.

Ayni kunlarda mahalla ko‘chalarida asfalt yotqizish ishlari olib borilmoqda. Yangi va ravon yo‘llar, obod ko‘chalar, aholi uchun yaratilayotgan qulayliklar odamlarning kundalik hayotida o‘z ifodasini topmoqda.

Elga xizmat qiladigan, xalqning og‘irini yengil qiladigan bunday ezgu ishlar aholi qalbida shukronalik tuyg‘usini yanada mustahkamlamoqda.

Mahalla ahli yaratilayotgan imkoniyatlardan mamnun bo‘lib, yurtimiz tinchligi, xalqimiz farovonligi va bu kabi bunyodkorlik ishlarining davomiy bo‘lishini tilab, Muhtaram Prezidentimiz haqlariga ezgu duolar qilmoqda.

Zero, obod mahalla — farovon hayot, ravon yo‘llar esa insonlar uchun qulaylik va taraqqiyot belgisidir.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

📚 Kitob tumanida asosiy fan olimpiadasining II bosqichi boshlandi

2026–2027-o‘quv yili uchun asosiy fan olimpiadasining II (tuman) bosqichi Kitob tumanida boshlandi.
Unda tumandagi 98 ta umumta’lim maktabining 9–11-sinf o‘quvchilari 14 ta fan yo‘nalishi bo‘yicha o‘z bilim va salohiyatlarini sinovdan o‘tkazmoqda.

Olimpiada matematika, fizika, kimyo, biologiya, informatika, tarix, geografiya, ona tili va adabiyoti, rus tili va adabiyoti, xorijiy tillar, davlat va huquq asoslari kabi fanlar bo‘yicha tashkil etilmoqda.

Mazkur bellashuvning asosiy maqsadi — iqtidorli o‘quvchilarni aniqlash, ularning fanlarga bo‘lgan qiziqishini oshirish, ijodiy va mantiqiy tafakkurini rivojlantirish hamda keyingi bosqichlarga munosib tayyorlashdan iborat.

Olimpiada jarayonida ishtirokchilar uchun zarur shart-sharoitlar yaratilgan bo‘lib, tanlovning shaffof va adolatli o‘tishi ta’minlanmoqda.
Tuman bosqichida yuqori natija qayd etgan o‘quvchilar viloyat bosqichida Kitob tumani sharafini munosib himoya qiladi.

Barcha ishtirokchilarga omad, yuqori natijalar va zafarlar tilaymiz!

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube