Kitob tumanida “Xavfsiz mahalla bilimdoni” tanlovining tuman bosqichi yuqori saviyada o‘tkazildi

Kitob tumanida mahalla yettiligi a’zolaridan shakllangan jamoalar o‘rtasida “Xavfsiz mahalla bilimdoni” intellektual tanlovining tuman bosqichi bo‘lib o‘tdi.

Nizomga muvofiq, tanlov mahallalarda jinoyatchilikning oldini olish va huquqbuzarliklar profilaktikasi bo‘yicha bilim hamda amaliy ko‘nikmalarni mustahkamlashga qaratilgan. Ishtirokchilar oilaviy-maishiy nizolar, kiberfiribgarlik va iste’molchilar huquqlariga oid vaziyatli savollar, profilaktika va psixologiya, shuningdek umumiy mantiq hamda dunyoqarash yo‘nalishlaridagi topshiriqlar bo‘yicha bellashdilar.

Tanlov savol-javob shaklida tashkil etilib, barcha jamoalarga savollar bir vaqtda taqdim etildi. Jamoalar javoblarini maxsus blankalarda yozma ravishda topshirdilar. Har bir savolni o‘ylash uchun bir daqiqa, javobni yozish uchun esa qo‘shimcha 10 soniya vaqt berildi. Har bir to‘g‘ri javob uchun jamoalarga bir balldan berildi.

Bellashuvda tumandagi 30 dan ortiq mahalla yettiligi jamoalari ishtirok etdi. Tadbirda tuman prokurori Xurshid Baxromov, tuman IIB boshlig‘i Yashin Xudoyberdiyev hamda viloyat mas’ullari qatnashdi.

Yakuniy natijalarga ko‘ra:
🥇 1-o‘rin — “Paxtaobod” mahallasi jamoasi
🥈 2-o‘rin — “Tupchoq” mahallasi jamoasi
🥉 3-o‘rin — “Qorabuloq” mahallasi jamoasi

G‘olib va sovrindorlar munosib taqdirlandi. “Paxtaobod” mahallasi jamoasiga tanlovning keyingi bosqichida muvaffaqiyat tilaymiz.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

#sessiya
Kitob tumanida Xalq deputatlari Kengashining VII chaqiriq 22-sessiyasi bo‘lib o‘tdi

Bugun Kitob tumani hokimligida Xalq deputatlari Kitob tumani Kengashining VII chaqiriq 22-sessiyasi bo‘lib o‘tdi. Unda tuman ijtimoiy-iqtisodiy rivojlanishiga oid navbatdagi muhim masalalar atroflicha ko‘rib chiqildi.

Sessiya kun tartibiga kiritilgan barcha masalalar yuzasidan mas’ullarning hisobot va axborotlari tinglandi. Har bir masala deputatlar tomonidan faol muhokama qilinib, tegishli qarorlar qabul qilindi.

📌Qayd etilishicha, sessiyada qabul qilingan barcha qarorlar kengashning rasmiy veb-sayti — kengash.gov.uz sahifasida e’lon qilinadi.

📌Shuningdek, ochiqlik va shaffoflikni ta’minlash maqsadida sessiya jarayonlari Xalq deputatlari Kengashining YouTube platformasidagi rasmiy sahifasi orqali jonli efirga uzatildi.

Mazkur sessiya tumanda amalga oshirilayotgan islohotlarni jadallashtirish, hududni ijtimoiy-iqtisodiy yuksaltirish hamda aholi murojaatlari va ehtiyojlariga tezkor yechim topish yo‘lidagi navbatdagi amaliy qadam bo‘ldi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

Kitob tumanida hamkorlikdagi qo‘mondonlik-shtab o‘quv mashqlari boshlandi

Joriy yilning 28–30-oktyabr kunlari Kitob tumanida “Zilzilalar bilan bog‘liq favqulodda vaziyatlarda aholi xavfsizligini ta’minlash, oqibatlarini bartaraf etishda boshqaruv organlari va FVDqT xizmatlarining hamkorlikdagi harakatlari” mavzusida qo‘mondonlik-shtab o‘quv mashqlari o‘tkazilmoqda.

Mashg‘ulotlar davomida zilzila oqibatida yuzaga kelishi mumkin bo‘lgan favqulodda vaziyatlar ssenariysi asosida tuman hokimligi, Favqulodda vaziyatlar bo‘limi, huquqni muhofaza qiluvchi organlar, tez tibbiy yordam, yong‘in xavfsizligi, elektr va gaz ta’minoti xizmatlarining hamkorlikdagi harakatlari sinovdan o‘tkaziladi.

Uch kun davomida aholini xavfsiz hududlarga evakuatsiya qilish, qutqaruv ishlarini olib borish, birinchi tibbiy yordam ko‘rsatish hamda muhim infratuzilma faoliyatini tiklash bo‘yicha real vaziyatga yaqin sharoitlarda amaliy mashqlar tashkil etiladi.

O‘quv mashqlari hududda yuz berishi mumkin bo‘lgan favqulodda vaziyatlarga tayyorgarlikni oshirish, tashkilotlar o‘rtasidagi hamkorlikni mustahkamlash va aholini himoya qilish choralarini takomillashtirishga xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube